Чингэлтэй дүүргийн урсгал төсвийн хөрөнгөөр дүүргийн 7, 10 дугаар хороо, Хувьсгалчдын зам гудамжнаас Ундрам дэлгүүрийн уулзвар хүртэлх авто зам ашиглалтад орж өнөөдөр албан ёсны нээлтийг хийлээ. Нээлтэд Чингэлтэй дүүргийн Иргэдийн төлөөлөгчдийн хурлын дарга Д.Бат-Эрдэнэ, Засаг дарга Ж.Эрдэнэбат, Засаг даргын орлогч Ж.Лхагвасүрэн, Тамгын газрын дарга А.Дамцагдорж, 7 дугаар хорооны ИНХ-ын дарга Д.Баянбат, 7 дугаар хорооны Засаг дарга Ц.Дуламжав, 10 дугаар хорооны Засаг дарга П.Чулуунцэцэг болон хороодын иргэд оролцлоо.

Уг зам нь 1,2 км асфальтан хучилттай дүүргийн 7, 10 дугаар хороо Хувьсгалчдын зам гудамжнаас Ундрам дэлгүүрийн уулзвар хүртэл тавигдсан юм. Тус ажлын хүрээнд 777 м2 байгалийн чулуун зам, 1000 м2 явган зам, 80 м2 хурд сааруулагч, 124 м2 замын цагаан шугам, 2600 ширхэг бордюр тус тус хийж гүйцэтгэсэн.

Чингэлтэй ТҮК ХХК гүйцэтгэгчээр ажиллаж өнөөдөр байнгын ашиглалтад оруулж одоогоор явган замын ажил хийгдэж байна. Зам тавигдах хүрээнд 33 айл эзэмшлийн хашаагаа татаж бүтээн байгуулалтын ажилд хувь нэмэр оруулсан юм.

Уг зам ашиглалтад орсноор дүүргийн нутаг дэвсгэрт Их тойруугийн гудамжнаас гадна гэр хорооллын дундуур Зурагтаас Дэнжийн -1000, Хайлааст, Чингэлтэй, 7 буудал гэсэн 7 км замын дахин нэг тойрог үүсэж, гол замын ачаалал буурч, гэр хорооллын тоосжилт багасах ач холбогдолтой юм.

Чингэлтэй дүүрэг нь нутаг дэвсгэрийн хүрээнд өнгөрсөн жилүүдэд алслагдсан гэр хорооллуудын иргэд ихээр явдаг гудамжнуудыг чөлөөлж авто зам тавих ажлуудыг эхлүүлэн Чингэлтэй Хайлаастыг холбосон 1 км, Хайлааст-Дэнжийн 1000-ыг холбосон 0.8 км авто замыг барьж ашиглалтад оруулсан юм.

Гадаадад 42 салбар комиссоор дамжуулан санал авсан. 2699 сонгогч саналаа өгсөн. Саналын хуудсыг 6-8ны хороонд төв комиссоор дамжуулан СЕХ-нд авч ирж байгаа. Өнөө орой СЕХ-д ирсэн саналын хуудсыг нь тоолно. Ирээгүй байгаа маргааш өглөө Улаанбаатарт ирнэ. Хамгийн сүүлийнх нь маргааш өглөө 10.05 цагт бууна. 11.30 гэхэд СЕХ хүлээж аваад тоолох үйл ажиллагаагаа эхлүүлэхээр төлөвлөсөн. Нийтдээ 16 салбар комиссын саналын хуудас маргааш ирэхээр байгаа ажээ.

Монгол Улсын Ерөнхийлөгчийн зарлигаар Монгол Улсын Тагнуулын ерөнхий газрыг өчигдөр Цэргийн гавьяаны улаан тугийн одонгоор шагналаа.

Монгол Улсын Ерөнхийлөгчийн зарлигт:

“Тулгар төрийн 2226 жил, Их Монгол Улс байгуулагдсаны 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жил, Үндэсний их баяр наадам, Тагнуулын байгууллага үүсч байгуулагдсаны 95 жилийн ойг тус тус тохиолдуулан Монгол Улсын тусгаар тогтнол, бүрэн эрхт байдлыг бататган бэхжүүлэх, үндэсний аюулгүй байдлыг хангах үйлсэд оруулсан тус байгууллагын үе үеийн ажилтан, албан хаагчдын хичээл зүтгэл, ололт амжилтыг өндрөөр үнэлж Монгол Улсын Тагнуулын ерөнхий газрыг Цэргийн гавьяаны улаан тугийн одонгоор шагнасугай” гэжээ.

Тагнуулын ерөнхий газар нь тагнуулын байгууллагуудын үйл ажиллагааг уялдуулан зохицуулах, үндэсний аюулгүй байдлыг тагнуулын аргаар хангах бодлого боловсруулж хэрэгжүүлэх зорилго бүхий Засгийн газрын тохируулагч агентлаг юм.

Үндэсний их баяр наадмын тусгай хөтөлбөртэй газрууд болох Төв цэнгэлдэх хүрээлэн, Хүй долоон худагт нэвтрэх автомашины тусгай зөвшөөрлийг өнөөдрөөс эхлэн нийслэлийн үйлчилгээний нэгдсэн төвийн дөрвөн салбараар олгож байна. Үүнд, “Дүнжингарав”, “Драгон”, “Мишээл”, “Оргил” гэсэн салбарууд багтаж байгаа. Автомашины долоон төрлийн зөвшөөрөл олгоно. Үүнд:

-ТӨВ ЦЭНГЭЛДЭХ ХҮРЭЭЛЭНД-

“А”, “ДК” зөвшөөрөл – Төв цэнгэлдэх хүрээлэнгийн баруун талд байрлах зургаан давхар автомашины зогсоолд байрлана.

“Г”, “Ү” зөвшөөрөл – Нийслэлийн гудамж буюу Хурд хорооллын урд талд байрлах “СУРУГА МОНГОЛ” ХХК-ийн автомашины зогсоолд байрлана.

“Ж” зөвшөөрөл – Гандийн гудамж буюу Төв цэнгэлдэх хүрээлэнгийн чанх хойно байрлах “Говийн Од” ХХК-ийн автомашины зогсоолд байрлана.

–ХҮЙ ДОЛОО ХУДАГТ 7000 АВТОМАШИНД ЗӨВШӨӨРӨЛ ОЛГОНО-

“Ж”, “А”, “ДК”, Улаан “М” зөвшөөрөл – Хүй долоо худаг явах замаар явж тэмдэг бүхий хоёр дахь уулзвараар баруун гар тийш эргэж тус тусын тэмдэг, тэмдэглэл бүхий үйлчилгээний тойргийн баруун урд байрлах авто зогсоолд байрлуулна.

“Г”, цэнхэр “М”, “Ү” зөвшөөрөл – Хүй долоо худаг явах замаар явж тэмдэг бүхий эхний уулзвараар баруун гар тийш эргэж тус тусын тэмдэг, тэмдэглэл бүхий үйлчилгээний тойргийн зүүн талд байрлах авто зогсоолд байрлуулна.

Бага насны хүүхдүүд бүхэл шөнийн турш онлайн тоглоом тоглож байна. Уг асуудлыг инженерийн технологийн “Тенсент” компани БНХАУ-д хамгийн эрэлттэй тоглоомд тооцогдож буй ухаалаг утасны онлайн тоглоом “King Of Glory”-ын ашиглах цагт хязгаар тогтоож, өдөрт 1-2 цаг л тоглох зохицуулалт хийжээ..

Интернэт тоглоомын “Тенсент” компани мэдэгдэлдээ “Эхэндээ тоглоом баяр баясал авчрах зориулалттай байсан. Гэтэл насанд хүрээгүй хүүхдүүд онлайн тоглоом удаан хугацаагаар тоглох тохиолдол ихсэж, эрүүл мэндэд нь эрсдэл дагуулах болсон. Тиймээс хүүхэд багачуудынхаа эрүүл мэндийн төлөө ийм арга хэмжээ авлаа” гэжээ. БНХАУ-ын хэмжээнд дэлгэцийн дон туссан насанд хүрээгүй хүүхдийн тоо аль хэдийнээ 24 саяд хүрсэн аж.

Цагдаагийн байгууллагаас сонгуультай холбоотой цаг үеийн нөхцөл байдлын мэдээлэл өглөө. Монгол Улсын нутаг дэвсгэрийн хэмжээнд 1983 сонгуулийн хэсгийн санал авах байранд 2803 цагдаагийн алба хаагч аюулгүй байдлыг хангах, дэг журам сахиулах чиг үүрэг гүйцэтгэжээ. Мөн гудамж талбай, зам уулзварууд дээр замын хөдөлгөөний аюулгүй байдлыг сахиулан ажиллаж байгаа бөгөөд цагдаагийн байгууллагаас өндөржүүлсэн бэлэн байдлын нэгдүгээр зэрэгт шилжин ажилласан. Шуурхай удирдлагын төвийн ерөнхий зохицуулагч, цагдаагийн дэд хурандаа Ц.Дашдэмбэрэлийн хэлж буйгаар энэ цагийн байдлаар улсын хэмжээнлд 143 гэмт хэрэг, зөрчлийн дуудлага мэдээлэл бүртгэгдсэнээс сонгуультай холбоотой 31 гомдол мэдээлэл иржээ. Үүний 30 нь нийслэлд, нэг нь орон нутагт бүртгэгдсэн аж.