Монголын ардчилсан холбооноос Сонгуулийн ерөнхий хороонд хандан шаардлага хүргүүллээ. Уг шаардлагыг Ардчилсан намын гишүүн, Төрийн соёрхолт Д.Сосорбарам, аварга Д.Дагвадорж нар СЕХ хуралдах үеэр гардуулсан юм. Уг шаардлагад 2017 оны Ерөнхийлөгчийн сонгуулийн дахин санал хураалтыг долдугаар сарын 6-нд явуулах нь зүйтэй гэсэн талаар танилцуулсан.
Уг шаардлагад дурдахдаа:- Ерөнхийлөгчийн ээлжит сонгууль явагдлаа. Эрх баригч нам төрийн эрх мэдэл, хуулийн байгууллагыг ашиглаж, Ардчилсан намын сонгуулийн үйл ажиллагаанд халдсан хүч тэнцвэргүй сонгууль боллоо. Нэр дэвшигчдийн хэн нь ч олонх болоогүй тул хоёр дахь санал хураалт явуулахаар шийдсэн. Гэхдээ санал хураалтыг долдугаар сарын 9-нд явуулахаар шийдсэн нь ирц болон саналын үр дүнд сөргөөр нөлөөлөх зорилго агуулж байна. Тиймээс МоАх үүнийг эсэргүүцэж байна. СЕХ хуулиа биелүүлэхгүй, сонгуулийг шударга явуулж чадахгүй байна гэж үзэж байна. Учир нь С.Ганбаатарт өгсөн 20 мянга орчим санал алдагдсан. СЕХ-ны Нарийн бичгийн дарга Ц.Болдсайхан нь МАН-ын нэр дэвшигчтэй найз нөхдийн холбоотой. Энэ талаарх бичлэг сошиалд цацагдсан. Тиймээс санал хураах өдрийг товлосон шийдвэрээ цуцалж, долдугаар сарын 6-нд болгохыг шаардаж байна. Энэхүү шаардлагын хариуг зургадугаар сарын 29-ний 11.00 цагт авах хүсэлтэй байна. Хэрэв шаардлага биелүүлэхгүй бол МоАХ тэмцлийн дараагийн хэлбэр шилжинэ… гэжээ.
Нээлттэй нийгэм форумын хурлын танхимд сонгуулиар хийсэн ажиглалт, мониторингийн үр дүнг танилцуулах хэвлэлийн бага хурал хийлээ.
”Сонгогчдын төв зөвлөл”, ”Нээлттэй тунгалаг нийгэм”, ”Хохирогчдын холбоо” зэрэг гучаад төрийн бус байгууллагын төлөөллүүд Сонгуулийн ерөнхий хороог татан буулгах хүсэлтэй байгаагаа мэдэгдэж, хэвлэлийн бага хурал зарлалаа.
ОБЕГ-ын дарга, бригадын генерал Т.Бадралын шийдвэрээр Сэлэнгэ аймгийн Хүдэр, Ерөө суманд гарсан түймрийг унтраахаар 24 алба хаагчийг 2017.06.27-ны өдрийн 10:10 цагт ГТТГ-ын дарга, хурандаа С.Залуухүү, ОБЕГ-ын харьяа Аврах тусгай ангийн захирагч, хурандаа Д.Намсрай нараар ахлан МТ 1001 дугаарын МИ171Е загварын нисдэг тэргээр түймрийн голомтод хүргэлээ.
Мөн 2017.06.27-ны өдрийн 14:30 цагт ОБЕГ-ын дэд дарга, хурандаа Ц.Ганзориг ахлан Хэнтий аймгийн Өмнөдэлгэр суманд гарсан түймрийн голомтод 22 алба хаагчийг хүргэсэн.
Өнөөдөр буюу 2017.06.28-ны өдрийн 08:30 цагт Төв аймгийн Мөнгөнморьт суманд гарсан түймрийг унтраахаар НОБГ-ын 26 албан хаагчийг ОБЕГ-ын Гал түймэртэй тэмцэх газрын дарга, хурандаа С.Залуухүү, НОБГ-ын Гал түймэртэй тэмцэх хэлтсийн дарга, дэд хурандаа Н.Нямхорлоо нар ахлан МТ 1001 дугаарын МИ171Е загварын нисдэг тэргээр түймрийн голомтод хүргээд байна.
Эдгээр түймрүүд нь Минжийн хангайд буюу машин болон явганаар очих боломжгүй газар гарсан тул ийнхүү алба хаагчдийг нисдэг тэргээр түймрийн голомтод хүргэсэн юм.
Ихэнх нутгаар хур бороо багатай, хуурайшилтын зэрэглэл өндөр байгаа нь ой, хээрийн түймэр гарах эрсдэлийг бүрдүүлж байгаа тул иргэд та бүхэн амралт, аялал зугаалгаар явахдаа, ногоон бүсэд зорчихдоо ил задгай гал түлэхгүй байх, асаасан гал, шүдэнз, тамхины галыг бүрэн унтраах, халуун үнс нурамыг ил задгай асгахгүй байж ой, хээрийн түймрээс урьдчилан сэргийлэхийг Онцгой байдлын ерөнхий газраас анхааруулж байна.
Засгийн газрын ээлжит хуралдаан өнөөдөр 15.00 цагт болно.
Төр, нийгмийн зүтгэлтэн С.Зоригийг хөнөөсөн Б.Содномдаржаа, Ц.Амгаланбаатар, Т.Чимгээ нарт холбогдох эрүүгийн хэргийн Хяналтын шатны шүүх хурал зургадугаар сарын 16-ны өдрийн 09:00 цагт Улсын Дээд Шүүхэд эхлэхээр товлогдсон билээ.
Элсэлтийн ерөнхий шалгалт зургаадугаар сарын 18-ны өдөр дууссанаас хойш Боловсролын үнэлгээний төв шалгалтын материалыг засах ажлыг эхлүүлсэн. Шалгалтын материалыг засаж дууссан гэх мэдээлэл байна. Одоо шалгуулагчдын гэрээний хуудсыг хариултын хуудастай тулгаж, батламж хуудсыг хэвлэх ажил явагдаж байгаа аж. Дараа нь батламж хуудсыг сургуулиуд руу хүргүүлэх юм байна.