УИХ-ын чуулганы үдээс хойшхи нэгдсэн хуралдаан эхэллээ. Хуралдаанаар Эрүүгийн хуульд өөрчлөлт оруулах тухай хуулийн төслийн хэлэлцэх эсэхийг шийдэв. Хэлэлцэж байгаа асуудалтай холбогдуулан гишүүд “эх орноосоо урвах талаар заалтыг тодорхой болгохыг хууль санаачлагчдаас тодруулж байсан юм.
-Гэмт хэргийг хоёр бүрэлдэхүүн болгоё гэж томъёолсон. Эх орноосоо урвах гэдэг дээр эхнийх нь 12-20 жилийн хугацаатай гэж явснаа, хоёр дахь бүрэлдэхүүнд хөнгөрсөн байгаа. Энэ нь учир дутагдалтай болов уу гэж бодож байна. Гэмт хэргийн бүрэлдэхүүний үндсэн хэсгийг тайлбар дотор оруулж, асуудал дагуулахаар байгаа юм гэж прокурор хариулсан.
Ингээд уг хуулийн төслийг хэлэлцэхийг дэмжих санал хураалт явуулахад гишүүдийн олонхи дэмжсэн юм. Тиймээс Эрүүгийн хуульд өөрчлөлт оруулах тухай хуулийн төслийг анхны хэлэлцүүлэгт бэлтгүүлэхээр холбогдох байнгын хороонд шилжүүлэв.
Дараагаар нь Онцгой албан татварын тухай хуулийн төслийн анхны хэлэлцүүлгийг хийж байна.
Английн алдарт boyband “EAST 17” хамтлаг Крокус эвэнт холлын тайзнаа маргааш бүрэн хэмжээний тоглолтоо хийнэ.
Хүнс хөдөө аж ахуй хөнгөн үйлдвэрийн салбарын нээлттэй хаалганы өдөрлөг 2017 оны 06 дугаар сарын 9.10-ны өдрүүдэд Сүхбаатарын талбайд болно. Энэхүү нээлттэй хаалганы өдөрлөгөөс мал аж ахуй, газар тариалан, хүнс, хөнгөн, жижиг дунд үйлдвэрлэлийн бодлого, шинэ техник технологи, худалдаа үйлчилгээ, хуульзүйн зөвлөгөөг нэг дороос авах боломжтой юм. Тодруулбал, Хүнс, хөнгөн, жижиг дунд үйлдвэрлэл, мал аж ахуй, газар тариалангийн салбарт төрөөс үзүүлж байгаа бодлого, инновацийн бүтээгдэхүүний үзэсгэлэн, тариаланчдад үзүүлэх дэмжлэг, жижиг дунд үйлдвэрлэлийн зээлд хамрагдах боломж, тусгай зөвшөөрөл, хөдөө аж ахуй их сургуулийн, эрдэм шинжилгээний байгууллагын сургалт зөвлөгөө мэдээллийг өгнө.
Эрүүл мэндийн сайд асан Г.Шийлэгдамбын авлигын хэргийн шүүх хурлын тов гарчээ. Тэрээр их хэмжээний авлига авсан байж болзошгүй хэргээр шалгагдсан юм. Түүний ажлын өрөөний сэйфнээс 500 сая төгрөг гарч ирсэн тул Авлигатай тэмцэх газар баривчилсан билээ. Уг хэрэг шийдэгдэхгүй явсаар хоёр жилийн нүүр үзсэн байна. Тэгвэл ирэх даваа гаригт шүүх хурал болохоор товлогджээ. Шүүх хуралдаан Сүхбаатар дүүргийн эрүүгийн хэргийн анхан шатны шүүхэд 13.30 цагт зарлагдсан байна.
Татварын ерөнхий газар, Гааль татвар санхүүгийн мэдээлэл технологийн төв УҮГ болон Хэрэглэгчийн систем нийлүүлэгчидийн холбоо ТББ-ууд өнөөдөр Монгол Улсын нутаг дэвсгэрт үйл ажиллагаа явуулж байгаа бизнес эрхлэгч хувь хүн, хуулийн этгээдэд “Татварын ерөнхий хууль”, “Нэмэгдсэн өртгийн албан татварын тухай” хууль, “Нийслэл хотын албан татварын тухай” хуулийн хэрэгжилтийг хангахад дэмжлэг үзүүлж цахим төлбөрийн баримтын системийг боловсронгуй болгох замаар Нэмэгдсэн өртгийн албан татварын урамшууллын системийн төлбөрийн баримтын бүртгэлийг автоматжуулах, хэрэглэгчид хялбар системийн шийдлийг боловсруулан нэвтрүүлэх зорилгоор хамтын ажиллагааны санамж бичгийг үйлдэв.
Санамж бичигт ТЕГ-ын даргын үүргийг түр орлон гүйцэтгэгч Б.Заяабал, ГТСМТТ-ийн УТҮГ-ын захирал Ц.Орхонтамир, ХСНХ ТББ-ын гүйцэтгэх захирал Ж.Баянмөнх нар гарын үсэг зурлаа.
Боловсролын салбар эзэнгүйдээд хэд хонож байгаа билээ. Тэгвэл Ерөнхий сайд Ж.Эрдэнэбат БСШУС-ын сайдаар ШУА-ийн Философийн хүрээлэнгийн захирал, академич Г.Чулуунбаатарын нэрийг дэвшүүлжээ. Түүний саналыг МАН-ын Удирдах зөвлөлөөр хэлэлцэн дэмжиж, УИХ дахь бүлэг дэмжин чуулганаар хэлэлцүүлэхээр бэлтгэж байна.
Өнөөдөр УИХ-ын үдээс өмнөх чуулганаар “Монголбанкинд хийсэн шалгалттай холбогдуулан авах арга хэмжээний тухай” УИХ-ын тогтоолын төслийг хэлэлцсэн билээ. Энэ үеэр Д.Тэрбишдагва гишүүн ийнхүү “зарга” хийсэн юм. 
УИХ-ын чуулганы үдээс өмнөх хуралдаанаар Монголбанкинд хийсэн шалгалтын дүнгийн талаар “Монголбанканд хийсэн шалгалттай холбогдуулан авах арга хэмжээний тухай” Улсын Их Хурлын тогтоолын төслийг хэлэлцсэн юм.