Ирэх сарын 19-23-ны хооронд Тайландын нийслэл Бангког хотноо зохиогдох “Азийн 23 хүртэлх насны АШТ”-ний урьдчилсан шатны тоглолтуудад оролцох Монгол Улсын залуучуудын шигшээ багийн бүрэлдэхүүн бүрэн тодорлоо.
Шигшээ багийн ахлах дасгалжуулагч Майкл Вайсс сүүлийн хоёр сарын турш шинжсэн хөлбөмбөгчдөөс шилдэг гэсэн 30 залууг өөрийн багт дуудсан. Дуудагдан тоглогчид багагүй хугацаанд бэлтгэл хийн, МҮОХ-ны байранд байрлан нэг баг болж, “Хүрхрээ үндэсний дээд лиг”-ийн “Эрчим”, “Сэлэнгэпресс”, “Эф Си Улаанбаатар” клубүүдтэй нөхөрсөг тоглолтууд хийсэн юм. Тэдгээр тоглолт, бэлтгэлүүд дээр өөрийгөө харуулж чадсан болон өөрийн арга багтаа нэгтгэхээр эртнээс төлөвлөсөн шилдэг 23 тоглогчийг шигшээ багт албан ёсоор багтаалаа.
Монголын 23 хүртэлх насны залуучуудын шигшээ багийг “Хүрхрээ үндэсний дээд лиг”-ийн “Атлетик 220”, “Хоромхон”, “Эрчим”, “Дэрэн”, “Сэлэнгэпресс”, “Хангарьд”, “Гоёо Эф Си”, “Унаганууд”, “Улаанбаатар сити” гэсэн клубүүдэд тоглодог хамгийн шилдэг тоглогчид бүрдүүлэх болсон. Герман дасгалжуулагч Майкл Вайсс ‘Би шигшээ багтаа сэтгэл хангалуун байна. Манай тоглогчдод авьяас бий. Бид богино хугацаанд чамлашгүй ахиц гаргасан. Урт хугацаанд тогтмол бэлтгэлтэй байвал цаашид амжилтанд хүрэх бүрэн боломж байна’ гэлээ. Манай шигшээ баг “Азийн 23 хүртэлх насны АШТ”-ий “H хэсэг”-т Тайланд, Индонези, Малайз улсуудтай өрсөлдөнө. Тэмцээнээс өмнө Солонгост нэгдсэн бэлтгэл хийхээр ирэх сарын таванд эх орноосоо өмнө мордох бөгөөд наана нь 06 сарын 27-нд Монгол дахь легионеруудтай нөхөрсөг тоглолт хийх хуваарьтай байна.
Шигшээ багаа дэмжиж тамирчдаа хамруулсан клубүүддээ баярлалаа.
Монгол Улсын төрийн соёрхолт, яруу найрагч Р.Чойномын “Эрх чөлөө”, “Уур минь хүрч байна” хос цомог, “Р.Чойном” нэртэй түүний зохиол бүтээлийн 13 ботийн нээлт болон эрдэм шинжилгээний хурал маргааш Хүүхдийн төв номын санд болно.
Францын парламент болох Үндэсний хурлын сонгуулийн дүн гарахад, тус улсын Ерөнхийлөгч Эммануэль Макроны удирдсан “Урагшаа” хөдөлгөөний нэр дэвшигчид парламентын доод танхимын 577 суудлаас 308-ыг нь авчээ. Харин тус хөдөлгөөний холбоотон болох “Ардчилсан хөдөлгөөн” нам 42 суудал авсан тухай тус улсын Дотоод хэргийн яамнаас гаргасан хамгийн сүүлийн үеийн мэдээнд дурдсан байна. Ингэснээр Э.Макроны удирдсан хөдөлгөөн Үндэсний хуралд үнэмлэхүй олонх болж байгаа юм. 
Засгийн газрын болон Увс аймгийн Засаг даргын 2016-2020 оны үйл ажиллагааны хөтөлбөр дэх “Хүн амын хүнсний хангамжийг тогтворжуулах, махны нийлүүлэлтэд улирлын хамаарлыг багасгах, иргэдэд эрүүл, баталгаат хүнс хэрэглэх нөхцөл бүрдүүлэх” ажлын хүрээнд Увсын Тариалан суманд мах бэлтгэх үйлдвэр байгуулахаар болсон.
“Монголын зэс” ХХК-ийн нэхэмжлэлтэй гомдлын дагуу Захиргааны хэргийн шүүх зургадугаар сарын 8-ний өдөр хуралдаж, Монгол Улсын Засгийн газар, Төрийн өмчийн бодлого, зохицуулалтын газар болон Оюуны өмч, улсын бүртгэлийн газрын гаргасан шийдвэрүүдийг хүчингүй болгожээ. Тодруулбал, “Монголын зэс” ХХК-ийн нэхэмжлэлтэй Монгол Улсын Засгийн газар, Төрийн өмчийн бодлого, зохицуулалтын газарт холбогдох “Монгол Улсын Засгийн газрын 2017 оны гуравдугаар сарын 29-ний өдрийн “Эрдэнэт үйлдвэр” ХХК, “Монголросцветмет” ХХК-ийн ТУЗ-ийг 100 хувь төрөөс бүрдүүлэх тухай” даалгаврыг илт хууль бус болгохыг тогтоолгох, Монгол Улсын Засгийн газраас өгсөн даалгаврын дагуу Төрийн өмчийн бодлого, зохицуулалтын газраас гаргасан шийдвэрүүдийг хүчингүй болгуулах захиргааны хэргийг хянан хэлэлцэж, дээрх шийдвэрүүдийг хүчингүй болгосон байна.
Хөдөлмөр, нийгмийн хамгааллын яамны нээлттэй өдөрлөг өнөөдөр Д.Сүхбаатарын талбайд болж буй. Тус яамны харьяа байгууллагууд өдөрлөгт оролцож, иргэдийг 20 мянган нээлттэй ажлын байранд бүртгэх юм байна. Мөн хөгжлийн бэрхшээлтэй иргэдэд зориулан протез, ортопедын үйлчилгээ үзүүлж, тэргэнцэр шаардлагатай иргэдийн хүсэлтийг хүлээн авах, Мэргэжлийн боловсрол, ур чадвар олгох сургуульд бүртгэх, даралт үзэх, цусан дахь сахарын хэмжээ тодорхойлох зэрэг үйлчилгээ үзүүлэх юм байна.
Монголын жүдо бөхийн шигшээ багийн тамирчид БНСУ болон Япон улсад олон улсын хамтарсан бэлтгэл хийсэн байна.
“Баянгол дүүрэг, Хорооллын эцсээс Гэмтлийн эмнэлгийн уулзвар хүртэлх 1км авто замыг шинэчлэх ажил эхэлсэн.
Тулгар төр байгуулагдсаны 2226 жил, Их Монгол улс байгуулагдсаны 810 жил, Ардын хувьсгалын 96 жилийн ойн Үндэсний их баяр наадмаар худалдаа, үйлчилгээ эрхлэгчдэд олгох зөвшөөрлийн материалыг дүүргийн Хүнс худалдаа үйлчилгээний хэлтэс авч эхлээд байна. Зөвшөөрөл хүссэн материалыг зургадугаар сарын 27-ны өдрийг хүртэл авах юм.
Өчигдөр буюу 2017 оны 6-р сарын 18-ны өдөр НӨАТ-ын урамшууллын сугалааны 2017 оны тав дахь тохирол явагдлаа. Энэ удаагийн тохиролд 2017 оны тавдугаар сарын 1-нээс тавдугаар сарын 31-ний өдрийн хооронд худалдан авалт хийж, 2017 оны 6 дугаар сарын 17-ны 23 цаг 59 минутаас өмнө бүртгүүлсэн 12,975,195 баримтаас: