Month: June 2017

Засгийн газрын 2013 оны 11 дүгээр сарын 30 өдрийн 394 дүгээр тогтоолын хоёр дугаар хавсралтаар батлагдсан “Үндэсний боловсруулах үйлдвэрт арьс, шир бэлтгэн тушаасан хоршооны гишүүн малчин, мал бүхий этгээдэд мөнгөн урамшуулал олгох тухай журам”-тай билээ. Энэ журмын дагуу өнөөдрөөс эхлэн арьс ширний урамшууллыг олгож эхэллээ. Энэхүү урамшууллыг 64,255 малчин авах бөгөөд арьс, ширний урамшууллыг Монгол банк дахь Малчин дансаар дамжуулан олгож байна.

Ойн хомсдол, доройтлоос үүдэлтэй хүлэмжийн хийн ялгаралтыг бууруулах зорилготой UN-REDD+ үндэсний хөтөлбөрийн шугамаар АНУ-ын Ойн албаны ой хамгааллын хяналт, мониторинг хариуцсан мэргэжилтэн, шавж судлаач Карен Ридлей Монгол орны ойн хөнөөлт шавжийн бодлого, зохицуулалт, хийж хэрэгжүүлж байгаа үйл ажиллагаатай танилцаж, зөвлөмж өгөхөөр 15 хоногийн хугацаатай ажиллаа.

Энэ хугацаанд тэрбээр ойн хөнөөлт шавжийн судалгаа, тэмцлийн ажлын чиглэлээр үйл ажиллагаа явуулж байгаа төрийн байгууллага, ойн хөнөөлт шавжтай тэмцэх ажилд хэрэглэх бэлдмэл бодис үйлдвэрлэдэг аж ахуйн нэгж, байгууллагууд болон шавж судлалын чиглэлээр үйл ажиллагаа явуулж байгаа хүрээлэнгүүдийн үйл ажиллагаатай танилцаж, эрдэмтэн, судлаачидтай уулзаж, туршлага солилцсон юм.

Мөн Архангай, Булган, Сэлэнгэ, Нийслэлийн ногоон бүс, Горхи-Тэрэлжийн БЦГ-ын ойн санд ойн хөнөөлт шавжтай тэмцэл хийсэн газрууд, тэмцлийн ажил гүйцэтгэж байгаа аж ахуйн нэгжүүдийн үйл ажиллагаа, арга технологитой газар дээр нь танилцлаа.

Ийн ажилласны үр дүнд АНУ-ын Ойн албаны мэргэжилтэн, шавж судлаач Карен Риплей Монгол орны ойн хөнөөлт шавжтай тэмцэж байгаа арга технологи дэлхий жишигт нийцэж байна гэж дүгнэсэн юм.

Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхүүд “Шүүхийн үйлчилгээний төв” тохижуулж, өнөөдөр нээлтээ хийлээ. Шүүхийн үйлчилгээний шинэ стандартыг хэвшүүлсэн тус төвийг шүүх ба олон нийтийн харилцааг бэхжүүлэх, ил тод, нээлттэй байдлыг хангах, иргэдийн санаа бодлыг судлах, шүүхэд итгэх иргэдийн итгэлийг дээшлүүлж, шүүхэд мэдүүлэх эрхийг хангах зорилготойгоор тохижуулсан аж. Тохь тухтай орчинд шүүхээс шуурхай үйлчилгээ авах, иргэдийн шүүхэд мэдүүлэх эрхийг хангах, шүүхийн үйл ажиллагаанд олон нийтийн хяналтыг тогтоох, хэрэг маргааны талаарх мэдээллийг хүртээмжтэй хэлбэрээр авах орчинг хангаснаараа тус төв ач холбогдолтой болсон гэнэ.

Онцгой байдлын ерөнхий газрын дарга, бригадын генерал Т.Бадралаар ахлуулсан ажлын хэсэг Булган аймагт ажиллалаа.

Булган аймгийн Онцгой байдлын газрын хамт олон өөрсдийн хүч, нөөц бололцоо, орон нутгийн төсөв, тусламж, дэмжлэгээр 26:15 метр талбай бүхий спорт заалны суурийг өнгөрсөн жил тавьж байсан. Тэгвэл алба хаагчдын бие бялдар, үүрэг гүйцэтгэх чадавхийг дээшлүүлэх, чөлөөт цагийг зөв боловсон өнгөрүүлэх, албаны бэлэн байдлыг хангуулах, бэлтгэл сургуулилт хийх таатай нөхцөлийг бүрдүүлэх “Онцгой” биеийн тамир, сургалтын төвийг нэг жилийн дотор барьж ашиглалтад оруулаад байна.

Бригадын генерал Т.Бадрал Булган аймагт ажиллах үеэр уг төвийн нээлтийн үйл ажиллагаанд оролцов.

ОБЕГ-ын дарга хэлсэн үгэндээ “Булган аймгийн Онцгой байдлын газрын алба хаагчид маань өөрсдийн ажиллах нөхцөлөө сайжруулж материаллаг баазаа бэхжүүлэх чиглэлээр санал санаачилга гаргадгаараа албандаа анхдагч төдийгүй зургаан удаа “Тэргүүний хамт олноор” шалгарч байсан манай шилдэг, үлгэр жишээч хамт олон гэдгийг онцоллоо.

Мөн Онцгой байдлын албыг бүх талаар дэмжин хамтран ажилладаг орон нутгийн удирдлагуудад ОБЕГ-ын даргын зөвлөлийн гишүүдийн өмнөөс болон хувиасаа, албаны нийт бие бүрэлдэхүүний нэрийн өмнөөс талархаж байгаагаа энэ үеэр илэрхийлсэн юм гэж Булган аймгийн Онцгой байдлын газраас мэдээллээ.

АН-аас Сонгуулийн ерөнхий хороонд хандан хэд хэдэн шаардлага тавиад байгаа билээ. Үүний нэг нь саналаа өгсөн сонгогчийн хуруунд бэхээр тэмдэглэгээ хийж нэг иргэн хэд хэдэн удаа санал өгөхөөс сэргийлэх ёстой гэж үзэж байгаа аж.

Эх сурвалжийн мэдээллээр сонгогчдын саналаа өгснийг илэрхийлэх бэхэн тэмдэглэгээг хийх шийдвэрийг гаргахаар болж байгаа гэсэн мэдээлэл байна. Өнөөдрийг хүртэл албан ёсоор шийдвэрлээгүй байгаа ч сонгууль болохоос өмнө уг шийдвэр гарна гэсэн хүлээлт байна. СЕХ-ноос бэхэн тэмдэглэгээ хийхэд бэрхшээл байхгүй гэдэг шалтгааныг урьд нь хэлж байсан. Сонгуулийн хуульд бэхэн тэмдэглэгээ хийх шаардлагатай хөрөнгийг улсын төсөвт суулгаж авах эрхийг нь хуульчилсан бөгөөд Сонгуулийн ерөнхий хороонд эрхийг нь олгосон. Гэвч шаардлагыг биелүүлэхгүй байна гэсэн бичгийг АН-аас удаа дараа өгөөд байгаа билээ.

Б.ОДМАА