Сүүлийн өдрүүдэд ихэнхдээ 30-35 хэм хүртэл халахаар байна. Энэ үед наршихаас хэрхэн сэргийлэх талаар мэргэжлийн эмч нар дараах зөвлөгөөг өгч байна.
Нарших шинж дараах байдлаар илэрдэг байна
-Бие сулрах
-Толгой эргэх
-Дотор эвгүй болох
-Хөлс гарах нь багасах
-Анхаарал төвлөрөхгүй болох.
-Биеийн халуун бага зэрэг нэмэгдэх
Хөнгөн наршсан үед халуун 38.5С д хүрч нүүр чинэрэн улайж цээж багтран амьсгалахад хүндрэлтэй болно. Үүний зэрэгцээ царайны өнгө цонхийж, бөөлжис цутган их хэмжээний хөлс гарч, нүүрний арьс хүйтэрч, судасны лугшилт түргэсдэг.
Хэрэв наршсан байдал хүндэрвэл манарч унах, шөрмөс татах, биеийн халуун 40С -аас давах зэрэг шинж тэмдэг илэрдэг тул яаралтай арга хэмжээ авах хэрэгтэй.
Хэрэв наршсан бол:
Эхлээд халуун орчноос холдуулж, зулай хэсэгт бүлээн усаар шавшин, сэрүүхэн газар
хэвтүүлж, мөн хүйтэвтэр давстай ус уулгана.
Манарч унасан хүний суга болон хөлний дотор хэсэгт хүйтэн жин тавих юм уу спиртээр биеийг нь арчихын зэрэгцээ салхин сэнсээр үлээлгэж болно.
Өвчтөн сэрсэний дараа, буцалсан хүйтэн ус уулгаж, үүний зэрэгцээ наршихаас сэргийлэх эм бэлдмэлүүд өгч болно.
Н.Ганаа
Улаанбаатарын иргэд наадмын урт амралтаа авсан юм шиг хотоос бөөн бөөнөөрөө гарч байна. Өчигдөр (2017.06.23) буюу баасан гаригийн үд дунд гэхэд л Улаанбаатараас Дархан, Эрдэнэт, Сэлэнгийн чиглэлп зам битүү бөглөөтэй байв. Учир юу гэвэл бүтэн дөрвөн өдрийн туршид амарч байна гэж хөөрч хөөрцөглөсөн хүмүүс хөдөөг зорьж байна. Тэд Ерөнхийлөгчийн сонгуулийг тоохгүй, амарч зугаалах, нар салхинд гарахаа эрхэмлэж байна. Энэ хэд хоногт “Дугана хад”-ны амралт, Аглагийн хийд, цаашлаад Хараа голын хөндий амрагчдаар дүүрэн байх нь. Дөрвөн өдөр гэдэг нь тав дахь, хагас, бүтэн сайн, мөн ирэх долоо хоногийн нэг дэх буюу Ерөнхийлөгчийн сонгуулийн өдөр. Нэг дэх буюу 26-нд бүх нийтээрээ амарч байгаа. Мөн Тэрэлжийн зам ч битүү байгаа сурагтай. Амарч зугаалахаар гэр бүлээрээ, найз нөхдөөрөө явж байгаа энэ олон иргэд 1 дэх өдөр чавхдаж ирээд саналаа өгөх үү. Бараг л үгүй дээ. Дээрээс нь сонголтгүй сонгууль гэсэн яриа нийгэмд гараад байгаа. Тэгэхээр Ерөнхийлөгчийн сонгуулийн товыг зарласан төрийн шийдвэр эхнээсээ буруу болжээ.
Хэлэлцэж байгаа асуудалтай холбогдуулан асуулт асууж, санал хэлэх гишүүн байсангүй. Тиймээс “Монгол Улсын Ерөнхийлөгчийн 2017 оны ээлжит сонгуулийн санал авах өдрийг тогтоох, сонгуулийг товлон зарлах тухай” УИХ-ын тогтоолын төсөлд “Ерөнхийлөгчийн ээлжит сонгуулийг 2017 оны хоёрдугаар сарын 17-ноос эхлэн, санал авах ажиллагааг 2017 оны зургаадугаар сарын 26-ны өдөр, гадаадад амьдарч байгаа иргэдийн саналыг зургаадугаар сарын 10-11-ний өдөр явуулахаар товлон зарласугай” гэж дурджээ. Байнгын хорооны хуралдаанд оролцсон гишүүдийн 90 хувийн саналаар тогтоолын төслийг дэмжсэн юм. Ингэж л тогтоолын төсөл байнгын хороогоор дэмжигдсэн байдаг. 
“Боловсрол суваг” телевизээс зохион байгуулдаг “Яг түүн шиг” шоуны гала тоглолтыг зургадугаар сарын 25-д тоглохоор болоод байсан билээ. Харин сонгуультай холбоотойгоор энэхүү шоу дахин тодорхойгүй хугацаагаар хойшлогдохоор болжээ. Шоу хойшлогдох болсон тухай “Боловсрол суваг” телевизийн удирдлагууд хэлэхдээ ”Бид сонгуулийн ерөнхий хорооноос гаргасан саналыг хүндэтгэж, маргааш болох байсан “Яг түүн шиг” шоуны гала тоглолтыг цуцлах болсноо мэдэгдэж байна. Энэ удаагийн гала тоглолтод “Яг түүн шиг I, II” шоуны шилдэг оролцогчид оролцохоос гадна гадаадын дуучид урилгаар оролцох байсан юм. Одоогоор энэхүү тоглолт хэзээ болохыг хэлж мэдэхгүй байна. Өмнө нь JCI ASPAC арга хэмжээ Улаанбаатар хотноо анх удаа болж байгаатай холбогдуулан шоуг цуцалж байсан бол энэ удаа дахин цуцлагдах болсонд харамсаж байна. Гэхдээ бид Сонгуулийн ерөнхий хорооны саналыг хүндэтгэж байгаа. Энэ удаагийн шоу ямар ч улс төрийн нөлөө байгаагүй гэдгийг хэлмээр байна. Ардчилсан намын зүгээс “Яг түүн шиг” шоуны гала тоглолт сонгуулийн ирц бүрдүүлэхгүй байх эрсдэлтэй гэж мэдэгдсэнд харамсаж байна. Бид энэ удаагийн гала тоглолтод гадны уран бүтээлчдийг оролцуулахаар болсон бөгөөд тэдний тоглолтын хуваарийн дагуу энэхүү тоглолтийг зургадугаар сарын 25-д болохоор төлөвлөөд байсан юм. Тоглолтын тасалбар худалдан авсан иргэдтэй эргэн холбогдоно. “Яг түүн шиг” шоу иргэдийн дунд хамгийн их хүлээлттэй нэвтрүүлгийн нэг болсон нь сошиал хуудсанд хандаж байгаа мэдээллээс харагдаж байна. Энэхүү гала тоглолтыг хүлээж байсан нийт үзэгчдээсээ хүлцэл өчье” гэсэн юм.
Монгол Улсын Ерөнхийлөгчийн долоо дахь удаагийн сонгууль ирэх даваа гаригт болно. Сонгуулийн санал хураалтаас өмнө өнөөдөр МҮОНТВ-ээр 21 цагт гурван нэр дэвшигч мэтгэлцэх учиртай. Ардчилсан намаас нэр дэвшигч Х.Баттулга, Монгол Ардын намаас нэр дэвшигч М.Энхболд, Монгол ардын хувьсгалт намаас нэр дэвшигч С.Ганбаатар нарын мөрийн хөтөлбөр, бодлого, зарчим өнөөдөр илүүтэй ард түмэнд тодорхой болно. Учир нь гурван нэр дэвшигчийн хувьд сонгуулийн сурталчилгааныхаа үеэр бодлого, мөрийн хөтөлбөр ярихаасаа илүүтэйгээр хэн нэгнийгээ харлуулах, муу муухайг нь ил болгох “илчлэлт” явагдсан гэхэд хилсдэхгүй. Гурван нэр дэвшигчийн хувьд сонгуулиас өмнө нэг биш нэлээд хэдэн удаагийн мэтгэлцээн хийх байсан ч тохироо нь бүрдэлгүй явсаар өнөөдрийг хүрэв. “Сонгуулийн хэтэрхий хар бараан мэдээлэл дундаас бодлого, мөрийн хөтөлбөр нь харагдахгүй байна. Ийм хар сонгуулийн технологийг үзсэнгүй” хэмээн хашир улстөрчид хүртэл халаглаж байсныг манайхан мэднэ.
Монголын Хөлбөмбөгийн Холбооноос жил бүр уламжлал болгон зохион байгуулдаг өсвөрийн УАШТ-ий 13 хүртэлх насны аваргууд өчигдөр тодорлоо.
