Цагдаагийн байгууллага, алба хаагчид Цагдаагийн албаны тухай хууль, Сонгуулийн тухай хуульд заасан үүргийнхээ дагуу Монгол Улсын Ерөнхийлөгчийн 2017 оны ээлжит сонгуульд нэр дэвшигчдийг хамгаалах, сонгуулийн санал авах байруудыг хамгаалалтад авах, сонгуулийн сурталчилгаатай холбоотой зөрчлүүдийн талаарх гомдол, мэдээллийг шалган ажиллаж байгаа аж. Тодруулбал, нийслэлд байрлах 403 сонгуулийн санал авах хэсгийн хороодын байрны аюулгүй байдал, хамгаалалтад 1002 алба хаагчаас хоногт 501 алба хаагч, орон нутагт байрлах 1580 санал авах байрны хамгаалалтад 1801 алба хаагч, нийт 1983 санал авах байрны хамгаалалтад 2803 алба хаагч тасралтгүй үүрэг гүйцэтгэн ажиллаж буй юм байна.
Сонгуулийн сурталчилгаа эхэлснээс хойш 406 хэрэг, зөрчил, маргааныг шалгаж шийдвэрлэн ажиллажээ. Үүний 279 нь нийслэлд, 127 нь орон нутагт бүртгэгдсэн байна. Тэдгээрээс 64.5 хувь буюу 262-ийг нь шийдвэрлэсэн, 78-ыг шүүхэд шижлүүлж, үлдсэн 144 гомдлыг хуулийн хугацаанд шалган шийдвэрлэхээр ажиллаж байгаа аж.
Нийслэлийн сонгуулийн хорооноос өнөөдөр /2017.06.25/ сэтгүүлчдэд мэдээлэл хийлээ.
Сонгуулийн бэлтгэл ажил хэрхэн хангагдсан тухай нийслэлийн Сонгуулийн хорооноос өнөөдөр /2017.06.25/ мэдээлэл хийлээ.
Их Британийн парламентын компьютерийн сүлжээг хакердсан тухай мэдээллээ. “The Telegraph” сонинд бичсэнээр парламентын гишүүд электрон шуудан руугаа нэвтэрч чадахгүй байгаа гэнэ. Өнгөрсөн шөнө буюу бямбаас ням гаригт шилжих шөнө Лордын танхмын гишүүд аюулгүй албанаас энэ талаар анхааруулсан захидал хүлээн авсан байна. Парламентын компьютерийн сүлжээг хакердсан нь үнэн болохыг гишүүн Кристофер Леннард баталжээ.
Баянгол дүүргийн 18-р хорооны иргэн Л.Дүгэрсүрэн “Монгол Улсын нийт иргэдийн өмнө төрийн тэргүүнээ сонгох чухал үүрэг ирээд байна. Тийм ч учраас мэтгэлцээн хийх нь зайлшгүй шаардлагатай. Харин энэ мэтгэлцээнийг заавал сонгууль болох хугацаанд тулгаж хийх шаардлага байсан уу гэж асуумаар байна. Бусад орны жишгээс харахад хоёроос гурван удаагийн мэтгэлцээн хийдэг. Гэтэл ганц удзаагийн мэтгэлцээнээр юу асууж, тодруулж мэтгэлцэх билээ. Өнөө орой болохоо больчих юм бол хугацаа нь тулчихсан энэ үед хэцүү шүү дээ. Энэ хариуцлагагүй бүх зүйлийн цаана Монгол улсын эрх ашиг явж байгааг ойлгох хэрэгтэй байна. Ямартай ч миний хувьд Монгол Улсын Ерөнхийлөгчид нэр дэвшигчдээс “27 жил хоёр нам ээлжилж төр барьсан хэрнээ эх орны баялгийг ард түмэнд эргүүлж өгнө гэж одоо яриад байх юм. Төр барьж байх үедээ яагаад хийгээгүй юм бэ” гэж асуумаар байна. Мөн өнөөдрийг хүртэл энэ их байгалийн баялагтай орон хэрнээ нефтийн үйлвэргүй байсаар байна вэ гэж асуухыг хүсч байна. Энэ мэтчилэн нэн хэрэгцээтэй асуудлыг шийдэж чадахаар, Монголоо гэсэн сэтгэлтэй хүн хэрэгтэй байна. Гэхдээ ийм хүн энэ нэр дэвшигчдэд алга. Үнэхээр сонголтгүй сонгууль болж байна.
Т.ЭНХТАЙВАН: ТЭР НАМ, ЭНЭ НАМ ГЭХЭЭСЭЭ ИЛҮҮ БИДНИЙГ УДИРДАЖ ЧАДАХ МЭДЛЭГ БОЛОВСРОЛТОЙ ХҮН ХАМГИЙН ЧУХАЛ
Чингэлтэй дүүрэг орчин үеийн дэвшилтэт эмчилгээний тоног төхөөрөмж бүхий жишиг өрхийн эмнэлэгтэй боллоо. Дүүргийн 12 дугаар хороонд орон нутгийн хөгжлийн сангийн 1,2 тэрбум төгрөгийн хөрөнгө оруулалтаар жишиг өрхийн эмнэлгийг барьсан байна. Уг өрхийн эмнэлгийг барихаар дүүргийн хөрөнгө оруулалтаар зураг төсвийг тусгайлан боловсруулж, бүтэц зохион байгуулалт, үйл ажиллагааны хувьд жишиг эмнэлэг болгохоор зорилт тавьжээ. Эмнэлгийн тоног төхөөрөмж, материаллаг баазыг бэхжүүлэхэд дүүргийн зүгээс анхаарал хандуулж 600 сая төгрөгийн хөрөнгө оруулалтыг шийдвэрлэн орчин үеийн аппаратаар тоноглосон аж. Тухайлбал, хамгийн сүүлийн үеийн Япон улсад үйлдвэрлэгдсэн дижитал рентген аппарат, шүдний иж бүрэн тоног төхөөрөмж, лабораторийн иж бүрэн тоног төхөөрөмжийг суурилуулан иргэдэд үйлчилгээ үзүүлж эхлэжээ. Жишиг өрхийн эмнэлэг 1050 метр квадрат ашигтай талбайтай, стандартад нийцсэн 32 өрөө, шүд, эхо, рентген, сэргээн засах бие даасан танхимтай юм байна. 
Монгол Улсын Ерөнхийлөгчийн ээлжит сонгууль энэ сарын 26-нд болно. Иймээс УИХ-ын зарим гишүүд, нийгмийн зүтгэлтнүүд өөрийн твиттер хуудаснаа юу гэж жиргэснийг сонирхуулъя.
Монгол Улсын Ерөнхийлөгчийн сонгуульд АН-аас нэр дэвшигч Халтмаагийн Баттулгын сонгуулийн сурталчилгааны хаалт 15:20 цагт Сүхбаатарын талбайд эхэллээ. “Монгол ялна” гэсэн уриа бүхий футболк, малгайтай нас насны хүмүүс цугласан байлаа. +35 хэмийн халууныг үл ажран зогсох АН-ын гишүүд дэмжигчид, түүнд саналаа өгөхөөр шулуудсан хүмүүс жанжны талбайг бүхэлд нь дүүргэжээ. Сонгуулийн сурталчилгааны хаалтыг нээж Ардчилсан намын дарга С.Эрдэнэ “Баттулга бидний адил жирийн нэг хүн. Эгэл бор амьдрал дундаас боссон бидний төлөөлөл. Тэр төрөөс төрсөн тэрбумтан биш” хэмээхэд талбайд цугласан хүмүүс “Уухай” түрэн дэмжиж буйгаа илэрхийллээ. Тэрбээр үргэлжлүүлэн “Энэ удаагийн Ерөнхийлөгчийн сонгуульд монгол ялах ёстой. Ардчилал ялах ёстой. Баттулга ялах ёстой. Монгол Улсын тусгаар тогтнол өнө мөнх оршиг. Сонголт мэргэн байх болтугай” хэмээсэн юм. Үүний дараа Ардчилсан намын анхдагчдын нэг Нийслэлийн Засаг дарга асан Эрдэнийн Бат-Үүл үг хэлсэн юм. Тэрбээр “Хоёр хоногийн дараа монголчууд сонголтоо хийж Төрийн тэргүүнээ сонгох гэж байна. Монгол Улсад УИХ-ын найман сонгууль болж, 1993 оноос хойш долоо Ерөнхийлөгчийн долоо дахь сонгууль явагдах гэж байна. Орон нутгийн маш олон сонгууль явсан. Гэхдээ энэ сонгууль бүрт нэр дэвшигчийн гэр бүл, үр хүүхэд рүү нь дайрч байсангүй. Баттулгын хүү улстөрч биш. Харин Баттулга улстөрч. Хүүгээр нь барьцаалдаг улс төр өмнө нь хэзээ ч болж байгаагүй. Энхболдтонгуудын улс төр хэрээс хэтэрлээ. Өмнө нь нэр дэвшигчдийн гэр бүл, үр хүүхдийнх нь нэр төрийг хайрладаг байсан. Одоо тийм биш болоод байна. Баттулга гэлтгүй АН-ынхны үр хүүхэд, ардчиллыг дэмждэг хүмүүсийн үр хүүхдүүдийг барьцаалж байна. Би энэ үгээ хэлэх гэж наашаа зорьж ирсэн. Ирэхдээ би энэ энгэр дээрх тэмдэгээ зориуд зүүж ирсэн. Энэ тэмдэг 1190 онд ардчиллыг ялуулсан та нарыг тэмдэг. Ардчиллын баатруудын тэмдэг. Сүүлийн үед олигархиуд айлгах гэж үздэг болсон. Амиа бодсон улстөрчдөөс айхгүй ээ” гэв. Мөн тэрбээр “Шударга сонгууль болбол Энхболд хоёроор ч гарч чадахгүй. Энхболд газрын наймаагаар баян, ядуугийн туйлыг бий болгосон. Тиймээс нийслэлийнхэн, гэр хорооллынхон маань түүнтэй тооцоотой. Өмнө нь өөр газар нэр дэвшээд олдоггүй байсан юм. Одоо харин боломж гарч ирлээ. Энхболд ялахгүйгээ мэдээд аль хэдийнэ саналын хуудсыг тоолчихсон байгаа. Шударга сонгууль болбол монгол ялна. Шударга бус сонгууль болж Энхболд ялбал бид Үндсэн хуулиа хамгаалж тэмцэх болно. Үндсэн хуулинд төрийн эрхийг хууль бусаар авч болохгүй гээд заачихсан байгаа. Ийм байдлыг зөвшөөрөхгүй. Ард түмний эрхийг шударга бусаар авч болохгүй. Монгол ялна” гэхэд намынх нь гишүүд дэмжигчид түүнийг уухайлан дэмжив.
Монголын хилээр их хэмжээний бууны сум нэвтрүүлэхийг завдсан хоёр иргэнд ял оноох шүүх хурал Тувагийн БНУ-д өчигдөр буюу Баасан гарагт болж өнгөрсөн байна. Тодруулбал, энэ оны гуравдугаар сард Эрзинский дүүргийн шүүх хууль бусаар галт зэвсэг хадгалсан хэргээр 38 настай Бады Минчээд энгийн дэглэмтэй шоронд гурван жил хорих, 32 настай Аян-оол Дондогт хоёр жилийн тэнсэн харгалзах ял оноож байсныг өчигдөр давж заалдах шатны шүүх хурлаас хэвээр үлдээжээ. 2015 оны долдугаар сард 53,950 ширхэг 5.6 мм-ийн калибрийн сум Монголын хилээр давуулах гэж яваад баригдаж байжээ. Новосибирскээс ангийн зориулалттай 54,000 бууны сумыг найзаараа дамжуулж авсан иргэд үүнийгээ моринд тээвэрлэн хилээр нууцаар гаргах гэж яваад баригджээ. Оросын хилийн цэргүүд тэднийг 2015 оны долдугаар сарын 29-нд саатуулсан байдаг юм.