Month: March 2017

“Mongolia Gold 2017” алтны салбарын хөрөнгө оруулалтын хурал, үзэсгэлэнд оролцохыг урьж байна.

“Mongolia Gold 2017” алтны салбарын хөрөнгө оруулалтын хурал, үзэсгэлэн энэ долоо хоногийн баасан гаригт буюу 3-р сарын 17-нд Чингис хаан зочид буудалд болно.

Тус хурал, үзэсгэлэн нь алтны салбарт хөрөнгө оруулалтыг татах, алтны олборлолт, хайгуулын төсөлд бизнесийн харилцаа, хамтын ажиллагааг бий болгох, дэвшилтэд техник, технологи нэвтрүүлэх, алтны хайгуул, судалгааг хөгжлийн шинэ шатанд хүргэх зорилгоор явагдана.

“Mongolia Gold 2017” хурал, үзэсгэлэнг Голомт банк, Монполимет, Вагнер ази тоног төхөөрөмж компаниуд ивээн тэтгэж байна.

Хуралд алтны салбарын төрийн болон бизнесийн 20 гаруй илтгэл тавигдаж, 400 гаруй гадаад, дотоодын төлөөлөгчид оролцоно. Мөн 27 компанийн техник, технологи, алтны төслийн үзэсгэлэн гарна.

Тус хурал, үзэсгэлэнд оролцохыг хүсвэл

www.mongolia-gold.com – сайтруу орж бүртгүүлэх,

70111106, 91911383, 89113499 утасуудаар холбогдоорой.

Монгол дахь Америкийн Худалдааны Танхим (АмЧам Монгол) нь 2017 оны 4-р сарын 1-ны Бямба гарагт хоёр дахь жилдээ нийгмийн хариуцлагын санаачилгын хүрээнд “АмЧамын Ментор Өдөрлөг 2017”-г Корпорэйт Зочид Буудал Энд Конвеншн Центрт зохион байгуулах гэж байна.

Энэхүү арга хэмжээ нь 3-4-р курсийн 100 оюутан залууст бүтэн өдрийн турш Монголын тэргүүлэх бизнесийн манлайлагчдын илтгэлийг сонсох, шилдэг компаниудын хүний нөөцийн захирлууд удирдан явуулах карьер хөгжүүлэлт, хувь хүний хөгжил, өөртэй итгэлтэй болох, багаар ажиллах чадвар хөгжүүлэх болон хэрхэн амжилттай CV бичих зэрэг сургалтуудад хамрагдах боломжийг үнэ төлбөргүй олгох юм. Арга хэмжээнд АмЧамын дараах гишүүн компаниудын гүйцэтгэх удирдлагууд болон төлөөлөл оролцож илтгэл тавих болно.

• Биатрис Кэмп, АНУ-ын Элчин Сайдын Яамны Олон нийттэй харилцах албаны дарга
• Ө. Ганзориг, Голомт банкны гүйцэтгэх захирал
• Ч. Ганхуяг, Ард Санхүүгийн Нэгдлийн гүйцэтгэх захирал
• Л. Гантөмөр, М-Си-Эс Холдинг ХХК-ийн гүйцэтгэх захирал
• Гарретт Вилсон, Вагнер Ази Автомотив ХХК-ийн гүйцэтгэх захирал
• Н. Мөнхнасан, Монполимет Группийн гүйцэтгэх захирал

Оролцохыг хүссэн оюутан залуус 2017 оны 3-н сарын 17-ний 18:00 цагаас өмнө бүртгүүлсэн байх шаардлагатай ба сонгон шалгаруулалтын гол шалгуур үзүүлэлт нь англи хэл дээр 200 хүртэлх үгтэй эссе бичиж ирүүлэх юм. Эссенд өөрийн товч танилцуулга, нийгмийн идэвхи, яагаад арга хэмжээнд оролцох хүсэлтэй байгаа ба ирээдүйн хүсэл мөрөөдөл, зорилгоo товч ба тодорхойгоор илэрхийлсэн байх шаардлагатай. Шалгаруулагчид оролцогчийн эссений агуулга болон англи хэлний чадавхийг харгалзан шүүнэ. Арга хэмжээтэй холбоотой нэмэлт мэдээллийг 7000-3437, info@amcham.mn-аас авах боломжтой.

Бүртгүүлэх линк: https://form.jotform.me/70508180552452

АМЧАМ МОНГОЛЫН ТУХАЙ

АмЧам Монгол нь АНУ-Монгол Улс хооронд бизнесийн түншлэлийг өргөжүүлэх, бэхжүүлэх, эрх ашгийг нь хамгаалах болон Америкийн хөрөнгө оруулалтыг Монголд татах чиглэлээр ажилладаг бие даасан, гишүүддээ үйлчлэх төрийн бус байгууллага юм. АмЧам Монгол нь Вашингтон ДиСид байрладаг 3 сая гаруй гишүүдтэй дэлхийн хамгийн том бизнесийн холбоо болох Америкийн Худалдааны Танхимын албан ёсны салбарын статустай. Мөн АмЧам Монгол нь Ази Номхон далайн 29 орнуудын Америкийн худалдааны танхимуудыг нэгтгэдэг Ази Номхон далайн орнуудын Америкийн Худалдааны Танхимуудын Зөвлөл байгууллагын гишүүн юм.

Баянхонгор аймгийн Засаг даргын Тамгын газрын Хууль, эрх зүйн хэлтсээс “Хуулиа дээдэлье” аяныг жил бүр уламжлал болгон зохион байгуулж ирсэн. 2017 онд тус аяныг “Хүүхдийн гэмт хэрэг, зөрчлөөс урьдчилан сэргийлэхэд иргэн бүрийн оролцоо” сэдвийн хүрээнд 14 хоногийн хугацаанд амжилттай зохион байгуулсан байна. Учир нь аймгийн хэмжээнд бага насны хүүхэд холбогдсон гэмт хэрэг 2016 оны байдлаар 23 бүртгэгдсэн бол 2017 оны эхний 2 сарын байдлаар 13 хүүхэд холбогдон шалгагдаж байгаагаас харахад энэ төрлийн гэмт хэрэг өсөх хандлагатай байна.

Уг аяны хүрээнд Аймгийн ерөнхий боловсролын сургуулийн ахлах ангийн сурагчдад зөв хүмүүжил, ёс зүйн төлөвшилт олгох цуврал лекцийг 3700 гаруй сурагчдад уншиж, 750 гаруй сурагчдаас 5 асуулт бүхий санал асуулгын хуудсыг ажиллуулжээ.

Мөн аймгийн Ерөнхий боловсролын сургуулийн сурагчдыг гэмт хэрэг, зөрчилд өртөж хохирох, холбогдохоос урьдчилан сэргийлэх ажилд хүүхэд бүрийн оролцоог нэмэгдүүлэх, хүүхэд хүүхдэдээ сайнаар нөлөөлөх, тэдний хууль, эрх зүйн мэдлэгийг дээшлүүлэх зорилгоор 110 гаруй сурагчдад “Хүүхдийг гэмт хэргээс урьдчилан сэргийлэхэд хүүхдийн оролцоо” сэдэвт сургалтыг зохион байгуулж, “Хүүхдийг гэмт хэрэг, зөрчлөөс урьдчилан сэргийлэхэд иргэн бүрийн оролцоо” сэдвийн хүрээнд “Дэвжээ” тэмцээнийг амжилттай зохион байгуулж ажилласан байна.

Эй Би Си Ворлд компани нь 2013 оноос хойш Монголын оюутан залуучуудыг Герман улсад сувилагчын мэргэжил эзэмшүүлэхэд чиглэсэн үйл ажиллагааг амжилттай явуулж ирсэн.

2017 оноос бид энэ үйл ажиллагаагаа улам боловсронгуй болгон “Германд 100 сувилагч – 100 ажлын байр” гэсэн тусгай хөтөлбөрийг 3-5 жилийн хугацаатай зарлаж байна.
Хөтөлбөрийн хүрээнд нийт 100 хүнийг aсран сувилахуйн мэргэжлээр сургаж, Германы эмнэлэгүүдэд баталгаатай ажлын байраар хангах, тэндээ урт хугацаанд ажиллаж амьдрах боломжийг олгох юм.

Энэ хөтөлбөр нь хэнд илүү тохиромжтой вэ?
– 10 жилийн ахлах ангийн сурагчид буюу төгсөөд сувилагчийн мэргэжлээр суралцахаар төлөвлөж байгаа бол
– Сувилахуйн чиглэлээр суралцаж байгаа эсвэл төгсөөд ажлын байргүй байгаа оюутан залуучууд
– Сувилагчаар ажиллаж байсан эсвэл ажиллаж байгаа 35 хүртэлх насны хүмүүс
“Танилцуулга Өдөрлөг”-т та хүрэлцэн ирснээр тус хөтөлбөрийн тухай дэлгэрэнгүй мэдээлэлтэй танилцаж, биднээс сонирхсон бүх асуултандаа хариулт авах боломжтой.

Оролцогчийн тоо хязгаартай тул та урьдчилж бүртгүүлнэ үү.
Утасны дугаар: 7000-4090, 8082-4090

ХЭЗЭЭ: 2017 оны 3-р сарын 18-ны
Бямба гаригт 13-15 цагийн хооронд

ХААНА: Сүхбаатарын талбайн баруун талд, Монголын Үйлдвэрчний Эвлэлийн Холбооны байрны 4 давхарт

Дэлгэрнгүй мэдээллийг https://www.facebook.com/events/333677113696032 линкээр орж сонирхоноуу.

Засгийн газрын өнгөрөгч мягмар гарагийн хуралдаанаар “Эх, хүүхэд, нөхөн үржихүйн эрүүл мэнд” үндэсний хөтөлбөрийг баталсан. Хөтөлбөрийг хэрэгжүүлэх арга хэмжээг жил бүрийн үндсэн чиглэл, шаардагдах хөрөнгийг улс болон орон нутгийн төсөвт тусгаж, олон улсын зээл, тусламжид хамруулах замаар санхүүжүүлэхийг холбогдох сайд, аймаг, нийслэлийн Засаг дарга нарт үүрэг болгосон юм.

Сүүлийн 20 жилийн хугацаанд хэрэгжүүлсэн 10 гаруй хөтөлбөрийн дүнд эхийн эндэгдэл өндөртэй орноос дунд зэрэгтэй орны түвшинд шилжсэн. Гэсэн ч эх, хүүхдийн өвчлөл, эндэгдэл тогтвортой буурахгүй, зарим бүс нутаг, аймагт эндэгдлийн харьцаа өндөр хэвээр байгаа юм.

2011-2015 эхийн эндэгдлийн харьцаа Баян-Өлгий аймагт 89.5, Баянхонгорт 73.6, Завханд 65.9, Өвөрхангайд 52.3, Төв аймагт 50.9, Хөвсгөлд 49.8, Сэлэнгэд 41.2, Хэнтийд 38.1 хувь байгаа нь улсын дунджаас өндөр гэсэн үг юм.

Эхийн эндэгдлийн шалтгаанд дүн шинжилгээ хийхэд 32.9 хувь нь ажилгүй, 25 хувь нь малчин, 9.9 хувь нь оюутан эх байсан нь амьжиргаа, шилжилт хөдөлгөөн, засаг захиргааны завсардал, эмнэлгийн тусламж, үйлчилгээг оройтож авснаас болсон байна.

Хөтөлбөрийг хэрэгжүүлснээр эх, хүүхэд, нөхөн үржихүйн эрүүл мэндийн тусламж, үйлчилгээний бэлэн байдлыг хангаж, оношлогоо, эмчилгээний дэвшилтэт аргыг нэвтрүүлж, хүний нөөцөө чадавхижуулан эх, хүүхдэд үзүүлэх эрүүл мэндийн тусламж, үйлчилгээний чанар, хүртээмж сайжирна гэж албаныхан үзэж байна.