Эрүүл мэндийн сайд А.Цогцэцэг Бүгд Найрамдах Куба Улсаас Монгол Улсад суугаа Элчин сайд Раул Консепсион болон “Генетикийн инженер, биотехнологийн төв”-ийн төлөөлөгчдийг хүлээн авч уулзав.
Эрүүл мэндийн сайд А.Цогцэцэг “Манай хоёр орны эрүүл мэндийн салбарын харилцаа, хамтын ажиллагаа хөгжсөнөөр Монгол Улсын анагаах ухааны салбарт шинэ дэвшилтэт техник, технологи, эмчилгээний шинэ арга хэлбэр нэвтрүүлэх, биотехнологийн үйлдвэрлэлийг хөгжүүлэхэд ихээхэн хувь нэмэр оруулна гэдэгт итгэлтэй байна” гэлээ.
Энэ үеэр Улсын нэгдүгээр төв эмнэлэг, БНКУ-ын “Генетикийн инженер, биотехнологийн төв” хооронд зүрх судасны өвчин, элэгний В гепатит, чихрийн шижингийн үеийн хөлний шархны эмчилгээ, хурц шамбарам өвчний эмчилгээ, уушгины хавдрын эмчилгээ зэрэг чиглэлүүдээр хамтран ажиллахаар харилцан ойлголцлын захидалд гарын үсэг зурлаа.
“Генетикийн инженер, биотехнологийн төв” нь 1982 онд байгуулагдсан төрийн байгууллага бөгөөд эрүүл мэндийн салбарт хэрэглэж буй 857 нэр төрлийн бүтээгдэхүүнийхээ 67 хувийг тус төв дотооддоо үйлдвэрлэдэг нь эрүүл мэндийн салбарын бие даасан байдлыг хангахад чухал үүрэг гүйцэтгэж байгаа тухай тус төвийн ерөнхий захирал Эулогио Пиментел танилцуулав. Түүнчлэн хеберпрот гэдэг эм нь чихрийн шижингийн үеийн хөлний шархыг эмчилдэг, үр дүн өндөртэй, дэлхийд ганц байдаг бэлдмэл гэдгийг тэрээр онцлосон юм.
Куба Улс 11 сая хүн амтай, дундаж наслалт 78,4, эрүүл мэндийн гол үзүүлэлт болох нярайн эндэгдэл 1000 төрөлтөд 4,2 байгаа нь тус улсын эрүүл мэндийн салбарын хөгжлийг илтгэж байна.
Монгол Улсын Ерөнхийлөгчийн дэргэдэх Хэлний бодлогын үндэсний зөвлөл /ХБҮЗ/ хийсэн ажлынхаа тайланг Монгол Улсын Ерөнхийлөгч Ц.Элбэгдоржид тавилаа.
Сургалтыг нээж, БСШУСЯ-ны Төрийн нарийн бичгийн дарга Б.Баярсайхан үг хэлсэн юм. Тэрбээр “Засгийн газрын 2016-2020 оны үйл ажиллагааны хөтөлбөрт хүүхдийг аюулгүй орчинд сурч, боловсрох нөхцөлийг бүрдүүлэх зорилт тусгагдсан. Энэ хүрээнд бид хүүхэд хамгааллын олон талт ажлыг хийж, хэрэгжүүлэхээр зорьж байна. ЕБС-ийн сурагчид цахим орчин дахь элдэв дарамт, гүтгэлэг, доромжлолд өртөх болжээ. Хүүхдүүд нэг, нэгнээ гадуурхаж, бусдыгаа доромжлох хэрэгсэл нь интернэт хэрэглээ, цахим орчин болж хувираад байна. Ганц жишээ дурдахад сүүлийн дөрвөн жилийн хугацаанд сэтгэл гутрал, гадуурхал, хүчирхийлэл, дарамт шахалтаас үүдэлтэйгээр 90 гаруй хүүхэд амиа хорложээ. Энэ бол зөвхөн салбарын яамны асуудал биш ЕБС-иудын нийгмийн ажилтнууд, багш, эцэг, эхчүүдийн үүрэг, хариуцлага улмаар нийгмээрээ анхаарах асуудал юм. Тиймээс эцэг, эхчүүд та бүхэн хүүхдүүдийнхээ цахим орчинд юу үзэж, харж, хэнтэй хэрхэн харилцаж байгаад анхаарал хандуулах нь чухал. Ялангуяа ЕБС-иудын нийгмийн ажилтнууд сурагчидтайгаа ойр ажиллаж, ойлголцож, тэднийг аливаа хэлбэрийн гадуурхалд өртөхөөс урдчилан сэргийлэх үүрэгтэй” гэв.
Засгийн газрын 2017 оны 03 дугаар сарын 15-ны өдрийн хуралдаанаар Эрүүл мэндийг дэмжих сангийн дүрэм, хөрөнгийг зарцуулах журмыг хэлэлцэн дэмжлээ. Монгол Улсын Засгийн газрын 2016-2020 оны үйл ажиллагааны хөтөлбөрт Эрүүл мэндийг дэмжих санг байгуулахаар заасан бөгөөд Засгийн газрын тусгай сангийн тухай хуульд 2016 оны 11 дүгээр сарын 10-ны өдрийн УИХ-ын нэгдсэн хуралдаанаар нэмэлт оруулсан.
Жил бүрийн 3 дугаар сарын 22-ны өдрийг “Дэлхийн усны өдөр” болгон тэмдэглэдэг. Манай улсын хувьд 2005 оноос энэхүү өдрийг тэмдэглэж ирсэн юм. Дэлхийн усны өдрийг энэ жил НҮБ-аас “Хаягдал ус” уриан дор тэмдэглэн өнгөрүүлэхээр болжээ. Монгол Улсад хэрхэн тэмдэглэх талаар Байгаль орчин, аялал жуулчлалын яам, Монголын байгаль орчны иргэний зөвлөлөөс мэдээллээ.
Улсын Их Хурлын гишүүн О.Баасанхүү өнөөдөр сэтгүүлчдэд мэдээлэл хийлээ. 
Нийслэлийн Засаг Даргын Тамгын Газраас Утааны эсрэг ээж аавуудад Цэргийн баяраар буюу энэ Бямба гарагийн 12:30 цагаас Сүхбаатарын талбайн баруун урд хэсэгт цуглаан хийхийг нь зөвшөөрсөн байна. Уг нь бол цэргийн баярын парадтай хугацаа нь давхцаж байгаа учир хүсэлтийг хүлээн авах боломжгүй гэж мэдэгдэж байсан юм. Гэвч цагийг зөрүүлэн жагсаал хийх боломжийг олгосон байна.