Month: March 2017

Утааны эсрэг ээж аавуудад өнөөдөр /2017.03.18/ 13 цагаас Сүхбаатарын талбайд жагсаж байна. Нийслэл хотод хэдий утаа багассан ч утааны эсрэг жагсаалыг сар бүр зохион байгуулахыг зохион байгуулагчдын зүгээс хэлсэн юм. Тэд өмнө нь Засгийн газарт хоёр удаа шаардлага хүргүүлж, хоёр удаагийн жагсаалыг зохион байгуулсан ч ямар хариу ирээгүй учир энэ удаа Захиргааны хэргийн шүүхэд хандаж байгаагаа мэдэгдэв.

“Үндэсний аюулгүй байдлын зөвлөл өнгөрөгч нэгдүгээр сарын 10-нд хуралдаж, хоёрдугаар сарын 20 гэхэд хийх ажлынх нь төлөвлөгөө хугацаатай, тоон дүнтэй гаргаад Засгийн газар боловсруулж, өргөн барих ёстой байсан. Гэтэл одоо болтол хариу өгөөгүй хэвээр байна. Засгийн газрын мэдээллийн албанаас өгсөн мэдээнд “Сайжруулсан түлш”-ээ “Боловсруулсан түлш” болгон өөрчилж, стандартыг нь өөрчилнө гэсэн байсан. Бид дэвшилтэт арга замыг хүсэн хүлээж байсан. Бидний эхний жагсаалын дараа Үндэсний аюулгүй байдлын зөвлөл хуралдаж, “Агаар-Орчны бохирдол” гэдэг сэдвээр хэлэлцсэн. Үүний дараагаар үндэсний хөтөлбөрийг боловсруулах хорооныхон бүрдэж, ажиллаж эхэлсэн. Энэ бол үр дүн. Бид сар бүр төв талбайд утааны эсрэг олон нийтийн арга хэмжээ зохион байгуулна” хэмээн Ц.Пүрэвхүү хэлж байв.

Утааны эсрэг ээж, аавууд өнөөдөр жагсаж, “Pixel art” буюу үгний хэлбэрт орж зогсох юм байна. Ингэснээр тэд “Утааг арилга!” “Эмнэлгээ барь!” “SOS MGL” зэрэг гурван үгийг бүтээж зогсох гэнэ.

Энэхүү жагсаалд нэг үгийг бүтээхийн тулд 200 гаруй хүн нэгдэх хэрэгтэй байгаа бөгөөд ойролцоогоор 500 гаруй хүн оролцох хэрэгтэй байгаа аж. Гурав дахь үг нь англи уриа байх бөгөөд гадаадын хэвлэл мэдээллийн хэрэгсэлд түгээх зорилготой гэж зохион байгуулагчид хэллээ. Энэхүү үг бүтээх арга хэмжээнд оролцсон иргэд дараа нь Засгийн газрын ордныг хоёр удаа тойрч алхан Утааг арилгах Үндэсний хөтөлбөрийг төлөвлөгөөтэй нь шаардах аж.

Засгийн газраас жил бүрийн гуравдугаар сарын гурав дахь долоо хоногийн лхагва гаригийг “Газар хөдлөлтийн аюулаас урьдчилан сэргийлэх, таниулах өдөр” болгох шийдвэрийг гаргасан билээ.

Энэ тогтоолын дагуу гуравдугаар сарын 22-нд “Газар хөдлөлтийн аюулаас урьдчилан сэргийлэх, таниулах өдөр”-ийг анх удаа тэмдэглэн өнгөрүүлэх гэж байна. Газар хөдлөлтийн аюулаас урьдчилан сэргийлэх, таниулах өдрийн 16:00 цагт улс орон даяар гамшгийн дуут дохио дууграх бөгөөд зарлан мэдээллийн дадлага сургуулилт зохин байгуулах юм байна.

Энэ талаар Шадар сайд У.Хүрэлсүх тодотгохдоо “Газар хөдлөлтйн гамшгаас хамгаалах асуудлыг засгийн газар болон Онцгой байдлын асуудал эрхэлсэн байгууллага дангаараа хэрэгжүүлэх боломжгүй. Иймд иргэд байгууллага, идэвхитэй хамтарч ажиллах зайлшгүй шаардлагатай. Тиймээс үндэсний хэмжээний хөдөлгөөн зохион байгуулна” гэжээ.

Хилийн чанадад оршин суудаг монгол иргэдийн гадаад паспорт захиалгын хүлээлгийн хугацааг богиносгожээ. Тодруулбал, өмнө нь гадаадад оршин суудаг паспорт захиалсан иргэн дунджаар 60-70 хоног хүлээдэг байсан бол одоо 30 хоног болгон багасгасан байна. Энэхүү шинэ журам хэрэгжиж эхэлснээр монгол иргэд гадаадад байх хугацаандаа тухайн улсад байрлах Монгол Улсын Элчин сайдын яам, Консулын газарт захиалсан паспортын мэдүүлгийг цахим хэлбэрээр хүргүүлэх боломж нээгдэх юм байна. Гадаад харилцааны яам Оюуны өмч, улсын бүртгэлийн ерөнхий газартай хамтран энэ сарын 14-ний өдрөөс энэхүү журмыг хэрэгжүүлж эхэлжээ.

Боловсрол
соёл, шинжлэх ухааны яамны зохицуулалтаар нийслэл хот дахь ерөнхий
боловсролын сургуулийн сурагчид энэ сарын 30-наас эхлэн амрана.
Тодруулбал, нийслэлийн ЕБС-ийн сурагчид энэ сарын 30-наас ирэх сарын
5-ны хооронд долоо хоног амрах юм.

Харин
орон нутгийн ЕБС-ийн сурагчид ирэх Пүрэв гараг буюу энэ сарын 23-аас
дөрөвдүгээр сарын 5-ныг хүртэл хоёр долоо хоног амарна. Ингэхдээ тухайн
орон нутгийн цаг үеийн нөхцөл байдлаас /хөл хорио тогтоосон, халдварт
өвчин дэгдсэн, цаг агаарын хүндрэл, хаваржилт г.м/ хамааран Засаг дарга
сурагчдын амралтад зохицуулалт хийх эрхтэй юм байна.

Улаанбаатар хотын цагдаагийн газрын нэрийг Нийслэлийн цагдаагийн газар болгон өөрчиллөө.

Мөн
ЦЕГ-ын дэргэдэх Лицензийн төвийн нэрийг Иргэдэд үйлчлэх төв болгон
өөрчилсөн байна. Иргэдэд үйлчлэх төв нь олон улсын болон дотоодын
жолоодох эрхийн үнэмлэх олгох, жолоодох эрхийн үнэмлэх сэргээх гэх мэт
цагдаагийн байгууллагад хуулиар харъяалуулсан чиг үүргийн дагуу
ажиллана.

Нийслэлийн
цагдаагийн газрын Гэмт хэргээс урьдчилан сэргийлэх хэлтсийг, Гэр бүлийн
хүчирхийлэл, хүүхдийн гэмт хэргийн эсрэг хэлтэстэй нэгтгэн зохион
байгуулжээ. Мөн Улаанбаатар хотын цагдаагийн газрын 3 дугаар хэлтэс буюу
Зам тээврийн гэмт хэргийг мөрдөн шалгах хэлтсийг Замын цагдаагийн
албаны харъяаны хэлтэс болгон өөрчилсөн байна.

Эр цэргийн
алба хаасан, дүйцүүлсэн, хаагаагүй, хаах гэж байгаа, зугтаж бултсан ч
гэсэн шаардлага гарвал эх орноо хамгаалахад бэлэн байгаа Монголынхоо бүх
эрчүүдэд Зэвсэгт хүчний яруу алдарт 91 жилийн ойн баярын мэнд хүргэе.

1. Хулан тахийн унагийг гартаа оруулан номхоруулж

Хол ойрын хүмүүст гайхагдан магтагдаж үзээгүй ч

Арван алдын ургыг агтны толгойд углаж

Аавын цагаан буяныг эдэлж явсан удаатай та эр хүн

Эрээн асарын өмнө зодог шуудаг өмсөж

Эртэй бяртай бөхчүүдтэй хүч үзэн яваагүй ч

Өнгө нэхий дэлнийхээ дал мөрийг буулгаж

Үе тэнгийн нөхөдтэй барилдаж явсан удаатай та эр хүн

Эрхий мэргэний нумыг яадал мэдэн татаж

Эгнүүлж тавьсан байг бут ниргэж үзээгүй ч

Гучин хоёр хасааны голын хоёр домбон дээр

Гурвалжин цагаансумаар гурав оносон удаатай та эр хүн

2. Эрт цагт төрсөн бол чи эгээ л Чингисийн хүлэг баатар байх байсан.

Тэгэхдээ, тэнгэрлэг дээдсийн цус тасраагүй цагт

Сэлмээрээ ч байна уу, үзгээрээ ч байна уу

Сийлж үлдээх үйлс чамд зөндөө байгаа

Таньд эр цэргийн баярын мэнд хүргье!!!

3. Амьдралын саадыг давах гэж эр хүн та хүчтэй төрдөг

Амраг жаахан ханиа жаргаах гэж ухаантай төрдөг

Алаг бяцхан үрдээ ааваа гэж дуудуулахаар эр хүн болж төрдөг

Эр хүн танд Амар амгалан амьдралыг бүтээх

Эрдэнийн алтан түлхүүр зөвхөн таны гарт гэдгийг ямагт санагтун.

Монголын бүх сайхан эрчүүддээ баярын мэнд хүргэе.

4. Хатуу хорвоогийн нум нь та байг

Халамжит бүсгүйн хайр нь та байг

Энхрий үрсийн бахархал нь та байг

Энэ улсынхаа эзэн нь та байг Баярын мэнд хүргэе…

5. Шилэн Форд чинь хүчтэй байг

Шимсэн дарс чинь тансаг байг

Ширэн хэтэвч чинь зузаан байг

Шилсэн амраг чинь тачаангуй байг

Эр хүн танд Амар амгалан амьдралыг бүтээх

Эрдэнийн алтан түлхүүр зөвхөн таны гарт гэдгийг ямагт санагтун.

Зэвсэгт хүчний 96 жилийн ой, Монгол
цэргийн өдөр өнөөдөр /2017.03.18/ тохиож байна. Энэхүү өдрийг
тохиолдуулан Монгол Улсын их хурлын гишүүн, Засгийн газрын гишүүн,
Батлан хамгаалах яамны сайд Б.Бат-Эрдэнэ тэргүүтэй офицерууд 11.30 цагт
Их жанжин Сүхбаатарын хөшөөнд цэцэг өргөлөө.

Жил бүрийн энэ л өдөр цэцэг өргөх
ёслолыг сонирхохоор цөөнгүй хүмүүс цугларчээ. Тэр дунд 36 жилийн дараа
уулзаж буй он жавууд, хуучны цэргийн шинелиэрээ ч гоёсон ахмадууд ч
ирсэн байв.