ОХУ-ын “Зөн билгийн тулаан” нэвтрүүлгийн 16 дахь улирлын ялагч “Оросын хар шулам” гэгддэг хар домын шидтэн, зөн билэгч Виктория Райдос энэ сарын 29-нд Монголд ирэхээр болсон билээ. Тэрбээр “Удмын ид шид ба хүч чадал” лекцээ энэ сарын 30-нд “Чингис” зочид буудалд унших гэнэ.
Лекцээс өвөг дээдсийн зан үйл, өнөөгийн нөхцөлд хэрхэн дагах, удмын мэдээллийн сан хэрхэн бүрэлддэг, өвөг дээдсээ дурсах, хүндэтгэх зан үйл болон оюун санааны удамшил, хүний эрч хүчийг сорогчдоос өөрийгөө хэрхэн хамгаалах зэрэг олон сонирхолтой мэдлэг, мэдээллийг сонсож, ойлгож, амьдралаа хэрэгжүүлэх боломжтой юм байна.
О.ӨНӨР
Баянхонгор аймгийн ихэнх нутгаар 40-60 см зузаантай цас орж, хүчтэй салхи шуурга шуурч, замын үзэгдэх орчин хязгаарлагдмал байгаа тул иргэд, аж ахуйн нэгж байгууллагууд та бүхнийг зорчихгүй байхыг анхааруулж байна гэж Авто тээврийн үндэсний төвөөс анхааруулав.
Цаг уур, орчны шинжилгээний газрын Ус, цаг уур, орчны судалгаа мэдээллийн хүрээлэнгээс гаргасан баруун, төв, говийн аймгуудын нутгаар их хэмжээний цас орж, цасан шуурга болох тухай “Анхааруулах”, “Сэрэмжлүүлэх”, “Урьдчилан сэргийлэх” зэрэглэлтэй цаг агаарын аюулт болон гамшигт үзэгдлийн мэдээг үндэслэн Онцгой байдлын албаны бие бүрэлдэхүүн болзошгүй аюулт үзэгдэл, ослоос урьдчилан сэргийлэх бэлтгэл бэлэн байдлыг ханган ажиллалаа. Тухайлбал, 03 дугаар сарын 21-ний өдрөөс эхлэн баруун болон төв, говийн аймгуудын нутгаар цас орж, хүчтэй цасан шуурга шуурсны улмаас автозам, давааны нөхцөл байдал хүндэрсэн зэргийг харгалзан Архангай, Баянхонгор, Говь-Алтай, Завхан, Өвөрхангай, Өмнөговь, Увс аймгийн нутагт Автотээврийн тухай хуульд заасны дагуу дээрх аймгуудын Засаг даргын захирамжаар гуравдугаар сарын 22, 23-ны өдөр орон нутгийн тээврийн хэрэгслийн хөдөлгөөнийг хязгаарласан.
Японтой харьцуулахад манай улс газар хөдлөлтийн тал дээр харьцангуй тайван байж болох. Гэвч сүүлийн жилүүдэд их, бага гэлтгүй газар хөдлөх давтамж ихэссэн бөгөөд манай орны нийт нутаг дэвсгэрийн 55 хувьд 7-8 балл, 20 орчим хувьд ес ба түүнээс дээш баллын газар хөдлөх магадлалтай гэсэн судалгааг албаныхан гаргасан байна. Энэ дундаас нийслэлийн 75 орчим хувь нь газар хөдлөлтийн долоо ба түүнээс дээш баллын газар хөдлөлтийн чичирхийллийн бүс гэж үздэг. Хэрэв нийслэлийн ойролцоо 6.6-7.6 баллын хүчтэй газар хөдөлбөл хотын барилга, байгууламжийн 22-50 хувь нь товчхондоо нурж унах юм байна.
Харин манай орны хувьд энэ жилээс газар хөдлөлтийн өдөртэй болж байна. Өнөөдөр 16.00 цагт орон даяар Гамшгийн аюулын тухай зарлан мэдээллийн дохиогоор хэрхэн ажиллах талаар сургалт явуулах юм байна. ОБЕГ-аас гамшгийн дуут дохиог орон даяар зарласан тохиолдолд цаашдаа ийм дохио дуугарсан тохиолдолд та хэрхэн өөрийгөө гамшгаас хамгаалах вэ. Тэгвэл та бүхэнд албаныхан дараахь зөөлөгөөг өгч байна.
Канад Улсын Кебек мужид ажиллах Монгол Улсын Өргөмжит консулын газрын нээлтийн ёслол Монреал хотноо 2017 оны 3 дугаар сарын 21-нд болов. Нээлтийн ёслолд Монгол Улсаас Канад Улсад суугаа Элчин сайд Р.Алтангэрэл, Кебек мужийн Олон улсын харилцаа, франкофоны асуудал эрхэлсэн Дэд сайд Жонн Стефан Бернар, Монреал хотын захиргааны гадаад хамтын ажиллагааны дарга Хенри Паул Нормандан нар болон Монреал хот дахь зарим орны Ерөнхий болон Өргөмжит консул, Кебекийн Засгийн газрын холбогдох албаны хүмүүс, тус мужид аж төрж буй Монгол Улсын иргэдийн төлөөлөл, Кебекийн бизнесийн болон хэвлэл мэдээллийн төлөөлөгчид оролцов.
Тэрбээр хэлсэн үгэндээ шинээр томилогдсон Өргөмжит консулын үндсэн үүрэг нь Монгол Улсын иргэдийн хууль ёсны эрх ашгийг хамгаалах асуудал хэмээн онцолж, Монгол, Канадын өргөн хүрээтэй түншлэлийн хамтын ажиллагааг хөгжүүлэх, Монгол Улсыг сурталчлан таниулах, бизнесийн хамтын ажиллагааг хөгжүүлэх чиглэлд идэвхтэй үйл ажиллагаа явуулахыг тэмдэглэв.
