Жүдо бөхийн үндэсний шигшээ багийн ахлах болон дасгалжуулагчийн нээлттэй сонгон шалгаруулалт энэ сарын 30-нд болно.
Бүртгэл энэ сарын 29-ныг хүртэл явагдах юм. Сонгон шалгаруулалтад оролцох дасгалжуулагчид өргөдөл, намтар болон төрийн албан хаагчийн анкетыг бөглөсөн байх шаардлагатай. Мөн Үндэсний шигшээ багийн ахлах дасгалжуулагчийг сонгон шалгаруулах журмын 2 дугаар зүйлийн 2.2-д заасан шаардлагыг хангаж буйг нотлох бичиг баримтуудыг бүрдүүлнэ. Үүнд биеийн тамир, спортын их, дээд сургууль төгссөн бакалавр болон түүнээс дээш цолтой байх, өндөр зэрэглэлийн тамирчидтай гурван жил ажилласан байх, дасгалжуулагчаар мэргэжил дээшлүүлэх сургалтад хамрагдсан байх, дасгалжуулсан тамирчин нь олон улсын тэмцээнд амжилт үзүүлсэн байх шаардлагатай юм. Мөн сахилгын шийтгэлгүй байх, тамирчдад анхан шатны тусламж үзүүлэх мэдлэгтэй байх зэрэг шаардлага тавьдаг байна.
НИТХ дахь Ардчилсан намын бүлгээс агаарын бохирдлын асуудлаар яаралтай ээлжит бус чуулганыг хуралдуулах шаардлагыг НИТХ-ын дарга Ц.Сандуйд хүргүүлсэн билээ. Уг шаардлагыг хүлээн авч энэ сарын 27-нд хуралдаан хийх тухай НИТХ-ын Тэргүүлэгчдийн хурлын тогтоол гаргасан байна. Үүнтэй холбогдуулан ирэх долоо хоногт НИТХ-ын тэргүүлэгчид утааны асуудлаар ээлжит бусаар хуралдах аж.
ОБЕГ-ын Шуурхай удирдлагын төвд өчигдөр галын дөрвөн дуудлага ирсэн байна.
Монгол Улс, АНУ хоорондын Олон улсын худалдаа, хөрөнгө оруулалтын асуудлаар ил тод байдлыг хангах тухай хэлэлцээр (Ил тод байдлын хэлэлцээр)-т 2013 оны 9 дүгээр сарын 24-ний өдөр Нью-Йорк хотноо гарын үсэг зурсан.
Жюү жицүгийн УАШТ Спортын төв ордны “А” тэнхимд боллоо.
УИХ-ын Хууль зүйн байнгын хорооноос Зөрчлийн тухай хуулийн төсөлд иргэн, хуулийн этгээдээс санал авч байна.
Тэтгэврийн зээлийн хүүг бууруулсантай холбогдуулан ХНХЯ-наас тэтгэвэр тогтоолгон авч байгаа нийт тэтгэвэр авагчдын тэтгэврийн тогтоолт, олголтыг шалгах, одоо авч байгаа тэтгэврийн хэмжээг баталгаажуулах, үр дүнг тэтгэвэр авагчдад мэдээлэх, тэтгэвэр авагчдаас гаргасан өргөдөл, хүсэлтийг хүлээн авч түргэн шуурхай шийдвэрлэх, аяныг улсын хэмжээнд нэгдүгээр сарын 16-наас гуравдугаар сарын 15-ныг хүртэл өрнүүлж байна.
“Мөнгөн өвөл” биеийн тамир, чийрэгжүүлэлийн арга хэмжээ Үндэсний цэцэрлэгт хүрээлэнд болж байна. Тус өдөрлөгийг Биеийн тамир спортын газар, Нийгмийн эрүүл мэндийн үндэсний төв, Монголын цанын холбоо хамтран зохион байгуулж буй.
Вашингтон хотод АНУ-ын 45 дахь Ерөнхийлөгч Дональд Трампын тангараг өргөх ёслолтой давхцсан эсэргүүцлийн жагсаалын үеэр хоёр цагдаа болон өөр нэг хүн гэмтэж бэртэж, 95 жагсагч баривчлагджээ.