Удахгүй монголчуудын уламжлалт баяр болох гэж байна. Баярын үеэр иргэд ууц, тавгийн идээгээ алдахаас өгсүүлээд маш их хулгайд өртдөг билээ. Тэгвэл гэмт хэргээс урьдчилан сэргийлэх, таслан зогсоох, шуурхай илрүүлэх зорилгоор цагдаагийн байгууллагаас жил бүр “Сар шинэ” нэгдсэн арга хэмжээг өрнүүлдэг.
Улаанбаатар хотын Цагдаагийн газрын дарга, туслах комиссар Ж.Эрдэнэболд “Сар шинийн баяр дөхөж буйтай холбогдуулаад ЦЕГ, НЗДТГ, НИТХ-аас өгсөн чиг үүргийн дагуу “Сар шинэ” арга хэмжээ өчигдрөөс эхэлж байна. Энэ арга хэмжээний хүрээнд нийслэлд ЦЕГ-ын Олон нийтийн аюулгүй байдлыг хангах албанаас 270 цагдаагийн алба хаагч нэмэгдлээр гарч ажиллана. Гудамж, талбайд ажиллах эргүүлийн үйл ажиллагаа сайн байснаар гэмт хэргийн тоо багасдаг. Урьдчилан сэргийлэх ажилд мэдэгдэхүйц үр дүн өгдөг нь судалгаа, статистик тоо баримтаас харагддаг. Энэ үүднээс урьдчилан сэргийлэх ажлыг сайжруулах чиглэлээр эргүүлүүдээр дамжуулан тодорхой арга хэмжээг авна. Мөн ЦЕГ-аас явуулын камерын төвүүдийг авч гэмт хэрэг, зөрчил ихээр үйлдэгддэг гудамж талбайд ажиллуулна” гэлээ.
Хууль зүйн байнгын хороогоор “Эрдэнэт” үйлдвэрийн 49 хувийн энгийн хувьцааг Монголиан Коппер Корпорейшн ХХК худалдан авсантай холбогдох асуудлыг шалгах ажлын хэсгийн дүгнэлтийг хэлэлцэх үеэр АН-ын бүлэг тав хоногийн завсарлага авсан. Энэ талаар АН-ын бүлгийн дарга С.Эрдэнэ мэдээлэл хийлээ.
Булган аймгийн Засаг даргын Тамгын газар, Төрийн албаны салбар зөвлөлөөс энэ сарын 20-21-ний өдрүүдэд “Төрийн албан хаагчдын нэгдсэн зөвлөгөөн”-ийг зохион байгууллаа.
УИХ-ын гишүүн Д.Сарангэрэл Агаарын бохирдлыг бууруулах чиглэлээр авч хэрэгжүүлж байгаа арга хэмжээ, “Цэвэр агаар” сангийн хөрөнгөөр хэрэгжүүлсэн ажлын талаар Ерөнхий сайд Ж.Эрдэнэбатад хандаж асуулга тавьж, хариуг нь авчээ. Ерөнхий сайдаас илгээсэн хариунд гэр хороололд тараасан сайжруулсан зуухтай холбоотой сонирхолтой тоо байна. 2011-2016 оны хооронд олон улсын төслүүдтэй хамтарч нийт 175,6 мянган сайжруулсан зуух тараажээ. Нийслэлийн гэр хорооллын нийт өрхийн 97,6 хувь нь ийм зуухтай болсон юм байна.
УИХ-ын Хууль зүйн байнгын хорооны хуралдаанаар Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төслийн анхны хэлэлцүүлгийг хийж, дэмжлээ.
Хууль зүйн байнгын хороо өнөөдрийн хуралдаанаараа “Эрдэнэт үйлдвэр” болон “Монголросцветмет” компанийн 49 хувийг худалдан авсан асуудлыг шалгах, санал, дүгнэлт боловсруулах ажлын хэсгийн танилцуулгыг хэлэлцэхээр төлөвлөсөн байсан.
УИХ-ын чуулганы энэ сарын 12-ны өдрийн хуралдаанаар ЦЕГ-ын дарга Ө.Энхтөрийг Сонгуулийн Ерөнхий хорооны гишүүнээр томилсон билээ. Түүнийг гадаадад ажиллахаар томилогдсон Д.Дэлгэрцогтын оронд Сонгуулийн Ерөнхий хорооны гишүүнээр томилсон юм.
АНУ-ын Ерөнхийлөгчөөр сонгогдсон Д.Трампыг тангараг өргөсөн өдөр эмэгтэйчүүдийн цуглаан болсон билээ. Уг арга хэмжээнд Америкийн алдартай одод оролцож үг хэлсэн юм. Дуучин Мадонна цуглаанд оролцож үг хэлэхдээ Цагаан ордонг дэлбэлэх хэрэгтэй гэжээ. Ерөнхийлөгч Д.Трампын хамтрагч, Конгрессын тэргүүн асан Ньют Гингрич нэрт дуучинг ингэж хэлснийх нь төлөө баривчлах хэрэгтэй гэжээ.
“Монгол Улс бол нарны эрчим хүчний диваажин” гэж гадны мэргэжилтнүүд хүлээн зөвшөөрдөг. Гэтэл бид цахилгаан эрчим хүчний үйлдвэрлэлийнхээ 2-3 хувийг л сэргээгдэх эрчим хүчний эх үүсвэрээс хангаж байгаа. Нүүрсний баялагтаа эрдсэн цамаархал, эдийн засгийн нөхцөл байдал гээд олон шалтгаан үүний ард бичигдэх нь гарцаагүй. Тэгвэл 40 жилийн өмнө Америкт нарны цахилгаан станц ашиглалтад орж байсан нь нефтийн хомсдолоос үүдэлтэй. Харин өнөөдөр дэлхийн уур амьсгалын өөрчлөлт, агаар мандал дахь нүүрсхүчлийн хийг бууруулахад сэргээгдэх эрчим хүчний оролцоо идэвхжиж, энэ бодлогод дэлхийн 150 гаруй улс орон нэгдээд байгаа аж. Манай улсын хувьд ч мөн энэ бодлогыг дэмжиж, 2030 он гэхэд сэргээгдэх эрчим хүчний эзлэх хэмжээг 30 хувьд хүргэх томоохон зорилт тавиад буй. Үүнийг Эрчим хүчний сайд П.Ганхүү онцолж, “Олон улсын сэргээгдэх эрчим хүчний агентлаг”-ийн VII чуулганд оролцох үеэрээ мэдэгдэв.
-УЛС ТӨРИЙН БАРОМЕТР-