Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төслийн анхны хэлэлцүүлгийг өнгөрсөн долоо хоногт хэлэлцэх байсан ч хойшлуулсан. УИХ-ын гишүүн Т.Аюурсайхан уг хуулийн төслийг буцаах тухай саналыг гаргажээ. Тэрбээр “Оффшорыг хориглосон бус, дэмжсэн хуулийн төсөл хуулийн хамгаалалтад орохыг санаархагч оффшорт өөрийн болон гэр бүл, ах дүүгийн нэр дээр сэжиг бүхий данстай тодорхой бүлэг этгээдийн захиалгаар яаруу сандруу байдлаар боловсруулагдан өргөн баригдсан гэж үзэж байгаа тул дөрвөн үндэслэлээр хуулийн төслийг буцааж, ашиг сонирхлын зөрчилгүйгээр дахин боловсруулахыг хүслээ” хэмээсэн байна.
Гишүүд уг хуулийн төсөлд тодорхой заалтуудыг тусган оруулж ирэх чиглэлийг ажлын хэсэгт өгсөн байсан. Уг хуулийн төслийн анхны хэлэлцүүлгийг энэ долоо хоногт хийх юм.
УИХ дахь намын бүлгүүд долоо хоног бүрийн даваа гаригт хуралдаж, тухайн хоноо хоногт чуулган, байнгын хороодод хэлэлцэх асуудлуудаар байр сууриа нэгтгэдэг. Харин өнөөдөр намын бүлгүүд төрийн ордонд хуралдахгүй юм байна. Тодруулбал, МАН-ын бүлэг өргөтгөсөн хурлаа 10.00 цагаас зарлаж, “Тусгаар тогтнолын ордон”-д хуралдахаар болсон. Бүлгийн хурлаар эдийн засгийн хямралаас гарах асуудлаа хэлэлцэх аж. АН-ын бүлгийн тухайд хуралдаанаа тодорхойгүй хугацаагаар хойшлуулж буйгаа хэвлэлийн албанаас нь мэдэгдээд байна. 
Ус цаг уур, орчны судалгаа мэдээллийн хүрээлэнгээс ган зуншлага, цас зудтай холбоотой газрын ажиглалтын болон хиймэл дагуулын олон төрлийн мэдээг гаргадаг бөгөөд эдгээрийг нэгтгэн боловсруулж, зудын эрсдэлийн зураг, мэдээг гаргасан байна.
АНУ-ын Калифорни мужийн Оакланд хотын нэгэн агуулахад гарсан галын улмаас 9 хүн нас барлаа хэмээн урьд нь мэдээлж байсан билээ. Тэгвэл тус галын хохирогчид улам нэмэгдсээр байгаа гэнэ. Одоогоор цогцосуудыг гаргасаар байгаа бөгөөд нийт 33 болоод байгаа гэнэ. Галын шалтгааныг одоо болтол тодорхойлоогүй байгаа аж. Барилгын 20 хувийг л одоогоор самнаад байгаа гэнэ. Цаашид ч хүн нэмэгдэх төлөвтэй байна хэмээн BBC уламжиллаа. Тус агуулахыг цэнгээний газрын зориулалтаар ашиглаж байсан байна. Тус барилгад гал гарахад ус шүршигч багаж төхөөрөмж байхгүйгээс гадна хоёр давхарт нь л ганцхан гарах хаалга байсан байна.
Зуун буудалт даамын багийн улсын аварга шалгаруулах тэмцээн энэ сарын 2-4-ний өдрүүдэд “Бадмаараг” төв дээр боллоо. 16 дахь удаагаа зохиогдмон тус тэмцээнд нийт 15 багийн 75 тамирчин ухаанаа уралдуулсан юм. Швейцарь системээр долоон өрөг тоглож дүнгээ гаргахад Монгол Улсын гавьяат тамирчин, олон улсын их мастер Д.Эрдэнэбилэг ахлагчтай “Champions” баг боломжит 14 онооноос 12-ыг авсан амжилтаар аваргалав. Удаах байруудыг “Алдар” спорт хороо, “Хасу-Мег
Хувийн дүнгээр нэгдүгээр ширээнд ОУИМ Д.Эрдэнэбилэг, хоёрдугаар ширээнд спортын мастер Д.Эрдэмбилиг, гуравдугаар ширээнд спортын мастер Ч.Энхтайван, дөрөвдүгээр ширээнд спортын мастер Г.Хэрлэнмөрөн, тавдугаар ширээнд спортын мастер Б.Билгүүн нар тус тус түрүүлсэн байна.
Өнгөрсөн амралтын өдрүүдэд Өмнөговь аймгийн Цогцэций суманд газар хөдлөлт болсон талаар бид өмнө мэдээлсэн. Тодруулбал, өнгөрсөн баасан, бямба гарагт дараалан 2.4-3.8 магнитуттай 20 удаагийн газар хөдлөлт болж, тус сумын цахилгааныг хязгаарлаж, иргэдийг барилга байгууламжаас гаргах ажлыг зохион байгуулсан. Улмаар тус суманд өндөржүүлсэн бэлэн байдал зарласан юм. Тэгвэл нөхцөл байдал харьцангуй тайван, ахин чичирхийлэл мэдрэгдээгүй учраас аймгийн Засаг даргын захирамжаар өндөржүүлсэн бэлэн байдлыг өчигдөр цуцалжээ.
Өнгөрсөн баасан гаригт дуучин С.Амармандахын зодуулсан хэргийн талаар ар гэрийнхэн нь хэвлэлийн хурал хийсэн билээ. Түүнийг ОХУ-ын дипломат албаны балмад этгээд цэнгүүн дээр дуулчихаад гарч явахад нь араас нь гэтэн очиж метал зүйлээр балбасан нь ил болсон билээ. Энэ тухай камерт бичлэг нь үлдсэн бөгөөд нэлээд бүдэг харагдаж байсан юм. Харин саяхнаас энэ хэргийн талаар илүү нарийвчлалтай харж болохуйц тод бичлэг цацагдаж эхэллээ. Мөн нэмж дурдахад ар гэрийнхэн нь болон найз нөхөд нь хэргийн мөрдөн байцаалт удааширч байцаагч нь хоёр ч удаа солигдсон хэрэгт гомдолтой байгаагаа илэрхийлж эсэргүүцлийн жагсаал зохион байгуулахаа мэдэгдсэн. Ингээд “Аз жаргалтай Улаанбаатар” цэнгүүн дээр юу болсон талаар тодорхой бичлэгийг дор хүргэе.
Монгол Улсын Ерөнхийлөгчийн 2016 оны арванхоёрдугаар сарын 5-ны өдрийн 159 дүгээр зарлигаар Цэвэгмидийн Зоригийг Монгол Улсын Дээд шүүхийн Ерөнхий шүүгчээр томилсон байна.
Монгол Улсын Ерөнхий сайд Ж.Эрдэнэбат захирамж гарган Эдийн засгийн бодлогын зөвлөлийн бүрэлдэхүүнийг шинэчлэн баталлаа. Тус зөвлөл Монгол Улсын дунд, урт хугацааны хөгжлийн бодлого, төр, хувийн хэвшлийн хамтын ажиллагаа, банк, санхүүгийн салбарын асуудлаар Засгийн газарт бодлогын зөвлөгөө өгөх, дэмжлэг үзүүлэх үндсэн чиг үүрэг хүлээнэ.