Month: December 2016

Авлигын эсрэг олон улсын өдрийг тохиолдуулан Монгол Улсын Ерөнхийлөгчийн Тамгын газар, Улсын Их Хурлын Хүний эрхийн дэд хороо, Авлигатай тэмцэх газар, Гадаад харилцааны яам хамтран “Авлига ба хүний эрх” сэдэвт бага хурлыг зохион байгуулах гэж байна.

НҮБ-аас тунхагласан Авлигын эсрэг олон улсын өдөр нь жил бүрийн 12 дугаар сарын 9-нд тохиодог бөгөөд энэ жилийн хувьд Авлигатай тэмцэх газраас авлигын үйлдэл нь хүний эрхийг хэрхэн зөрчиж байгаад дүгнэлт хийж, уг асуудалд иргэд, олон нийтийн анхаарлыг хандуулахаар зорьж байна.

Бага хуралд “Хүний эрхийг хангах эрх зүйн зохицуулалт”, “Хүний эрх ба авлигатай тэмцэх бусад улсын туршлага”, “Авлига, албан тушаалын гэмт явдлаас хүний эрх, эрх чөлөөг хамгаалахад шүүхийн гүйцэтгэх үүрэг, анхаарах зарим асуудал”, “Хүний эрх ба авлига”, “Шударга ёсыг тогтоох, хүний эрхийг хамгаалахад прокурорын үүрэг оролцоо ”зэрэг сэдвээр Улсын дээд шүүх, Улсын ерөнхий прокурорын газар, Хууль зүй, дотоод хэргийн яам, Гадаад харилцааны яам, Авлигатай тэмцэх газар, “Эмнести интернэшнл” төрийн бус байгууллагын төлөөлөл илтгэл тавьж, хэлэлцүүлэх юм.

Монгол улсын Гадаад харилцааны сайд Ц.Мөнх-Оргил өнөөдөр Монгол Улсын Гавьяат жүжигчин Э.Амартүвшинд Монгол Улсын Соёлын элч гэсэн хүндэт өргөмжлөл гардуулан өглөө. Өнгөрсөн жил энэ нэр хүндтэй шагналыг Монгол Улсын Гавьяат жүжигчин, АНУ-ын Бостон Балетын гоцлол бүжигчин Дугараагийн Алтанхуяг хүртэж байсан.

Э.Амартүвшин нь Германы Киел хотын тайзнаа энэ оны аравдугаар сарын 9-нөөс 2017оны зургадугаар сарын 21 хүртэл “Риголетто” дуурийн гол дүрд 15 удаа дуулах гэрээ байгуулсан билээ.

Өнөөдөр ЦЕГ-аас сүүлийн үед гарсан гэмт хэрэг болон дээрмийн гэмт хэрэгтэй тэмцэх арга хэмжээний талаар хэвлэлийн бага хурал хийлээ. Нийслэл хотын хэмжээнд энэ оны өнгөрсөн сарын байдлаар бусдын эд хөрөнгийг дээрэмдэх гэмт хэрэг нийт 353 тохиолдол бүртгэгджээ. Энэ нь өмнөх оныхоо мөн үетэй харьцуулахад гэмт хэргийн илрүүлэлт 62.9 хувиар нэмэгдсэн аж.

Харин энэхүү гэмт хэрэг өмнөх онтой харьцуулахад 12.1 хувиар буурсан гэлээ.

ЦЕГ-ийн Хэвлэл мэдээллийн төвийнахлах мэргэжилтэн, цагдаагийн хошууч Ё.Лхагвасүрэн: Баянзүрх, Чингэлтэй дүүргийн нутаг дэвсгэрт энэ оны 10,11 дүгээр саруудад бусдын эд хөрөнгийг дээрэмдэх, булаах гэмт хэрэг нэмэгдсэн. Энэ гэмт хэрэгтэй тэмцэх, бууруулах, таслах зогсоох, урд нь үйлдэгдэн гарсан гэмт хэргийг илрүүлэх, эзэн холбогдогчийг нь олж тогтоох чиглэлээр цагдаагийн байгууллагаас “Цохилт” нэгдсэн арга хэмжээг зохион байгуулж ажиллалаа.

Арга хэмжээний хүрээнд нийт 87 гэмт хэргийг цагдаагийн байгууллага илрүүлж, эзэн холбогдогчийг олж тогтоох, хэрэг бүртгэх, мөрдөн байцаах ажиллагаа хийгдээд явж байна. Энэ оны 11 дүгээр сараас хойш иргэн Ц гэгч нь 21 удаагийн үйлдлээр бусдын эд хөрөнгийг дээрэмдсэн гэмт хэрэг үйлдсэнийг илрүүллээ. Тухайн Ц гэгч нь өмнө нь ял шийтгэл эдэлж байгаад Өршөөлийн хуулиар суллагдсан юм.

Мөн Н нарын гурван этгээд 16 удаагийн үйлдлээр бусдын эд хөрөнгийг дээрэмдсэн хэргийг Улаанбаатар хотын Цагдаагийн газраас илрүүлэн ажиллаа. Бусдын эд хөрөнгийг удаа дараа бүлэглэн дээрэмдсэн Б нарын зургаан этгээдийн хэргийг шалгах ажиллагаа явагдаж байна. Тухайн этгээдүүд гол төлөв ЕБС-ийн хүүхдүүдийн эд хөрөнгийг дээрэмддэг болох нь тогтоогдсон.

Түүнчлэн Баянзүрх дүүргийн наймдугаар хороонд 12 сарын 5-ны өдөр “хүн хутгалагдсан байна” гэсэн мэдээлэл ирж шуурхай шалгасан. Тус хороонд оршин суух Б гэгч 57 настай эрэгтэйг түүний зээ хүү болох 12 настай Ч нь хутгалсан байсан. Хохирогч Б нь эмнэлэгт хүргэгдээд нас барсан. Энэ хэргийг одоогийн байдлаар Баянзүрх дүүргийн Цагдаагийн гуравдугаар хэлтэст Эрүүгийн хэрэг үүсгэн шалгаж эхэлсэн. Зээ хүү Ч нь Сэтгэцийн эрүүл мэндийн төвийн эмчийн хяналтанд байдаг.

Энэ оны 11 сарын 23-ны өдөр Хан-Уул дүүргийн 14-р хорооны нутагт дэвсгэрт хүнд зодуулсан хүн байна гэсэн мэдээлэл цагдаагийн байгуулллагад ирсэн. Энэ мэдээллийн дагуу очиж шалгахад 43 настай А зодуулсан байсан. Энэ хэргийг Хан-Уул дүүргийн нэгдүгээр хэлтэст Эрүүгийн хэргийн 181,3 т зааснаар хэрэг үүсгэн шалгагдаж байна. Яг одоогийн байдлаар Хотын дарга С.Батболд, Г.Сундуй нарт хэрэг үүсгэн шалгаж байгаа гэсэн мэдээлэл тарсан. Одоогийн байдлаар цагдаагийн хэлтэст ямар нэгэн гомдол санал ирээгүй байна. Энэхүү хэрэг хуулийн хүрээнд шалгалтын ажиллагаа хийгдээд явж байна гэлээ.

Хүнс, хөдөө аж ахуй, хөнгөн үйлдвэрийн яамнаас адууг амьдаар нь экспортлохыг хориглосон захирамжийг 2016 оны арваннэгдүгээр сарын 15-нд гаргасан билээ. Эл захирамжийг БНХАУ-руу адуу экспортолдог аж ахуй нэгжүүд зөрчин, Сүхбаатар аймгийн Бичигтийн боомтод амьд адуу тээвэрлэн очжээ. Улмаар хилээр нэвтрүүлэхгүй хориглосноос үүдэн олон адуу үхэж, хоргодох болсон байна.

Энэ талаар өнөөдөр ХХААХҮ-ийн сайд П.Сэргэлэн, дэд сайд Ж.Сауле, Шадар сайдын ажлын зөвлөх А.Үйлстөгөлдөр, Мэргэжлийн хяналтын ерөнхий газрын дарга Н.Цагаанхүү нар мэдээлэл хийлээ.

ХХААХҮ-ийн сайд П.Сэргэлэн “Шадар сайдын саналын дагуу манай яамнаас адууг амьдаар экспортлохыг хориглосон захирамж гаргасан. Гэтэл зарим ААН-үүд захирамжийг зөрчин хил дээр адуу тээвэрлэн очсон байна. Эдгээр тээвэрлэж очсон адуу хилийн боомт дээр үхэж байгаа талаар бичлэг сошиалд тавигдсан байна. Үүнийг бид шалгах үүрэг өгсөн. Одоогоор 800 орчим адуу хилийн боомт дээр байна гэх мэдээлэл бидэнд ирсэн. Тиймээс бид тухайн адуунуудыг нутгийн малчин айлуудад тарааж, маллуулах, эргүүлэн буцаах арга хэмжээ авч байна” гэлээ.

Шадар сайд У.Хүрэлсүхийн зүгээс хилийн боомт амьд адуу тээвэрлэж очсон ААН-үүдийг буцаан татахыг үүрэгджээ.

Мөн Шадар сайд У.Хүрэлсүхийн зүгээс хилийн боомт амьд адуу тээвэрлэж очсон ААН-үүдийг буцаан татахыг үүрэгджээ. Харин энэ талаар Сүхбаатар аймгийн Мэргэжлийн хяналтын газрын даргаас тодруулахад “Бидэнд одоогоор чиглэл ирээгүй. Ерөнхийдөө хүлээлтийн байдалтай байна. Бид санхүүгийн боломжгүй байдлын улмаас газар дээр нь очиж танилцан, томилолтоор ажиллаж чадахгүй байна.Ямартай ч 800 гаруй адуу байгаа гэсэн. Машин тус бүрээс 2-3 адуу үхсэн гэх мэдээлэл ирсэн” гэлээ.

Эх сурвалжийн өгсөн мэдээллээр ойролцоогоор 30 орчим машин хил дээр байгаа бөгөөд 50 гаруй адуу өлдөн үхэж, тэдгээрийг ойролцоох жалганд нь булсан аж. ХаринСүхбаатар аймгийн Мэргэжлийн хяналтын газраас 30 орчим адуу үхсэн гэж мэдээллээ. Уг нь нэг машинаас 2-3 машин хоргодсон гэж тооцвол бараг 60 гаруй адуу үхсэн байх магадлалтай юм байна.

Өнөөдөр Сүхбаатар дүүргийн МАН-ын хорооны удирдлагууд эмэгтэй гишүүнээ зодож танхайрсан асуудлаар МАН-ын гишүүн, 65 дугаар үүрийн дарга З.Хүрэлбаатар, С.Ариунтуяа нар мэдээлэл хийсэн юм. Тэдний зүгээс МАН-ын хорооны удирдлагууд сүүлийн жил гаруй хугацаанд гишүүдээ дотор нь талцуулж, хувааж, дүрмийн бус хурлыг олон хийх болсон хэмээн мэдээллээ. Ээлжит нэгэн дүрмийн бус хурлынх нь үеэр намын гишүүн эмэгтэйг удирдлагын нэг нь толгой руу нь цохиж гэмтээсэн хэмээн мэдээлж байна. Одоо тус эмэгтэйн биеийн байдал сайнгүй, гэртээ байгаа гэж мэдээлсэн юм.

Тиймээс тэд намынхаа дарга нарын дотооддоо хийж буй хууль бус үйлдлийг илчлэхээр ийнхүү хэвлэлийнхэнд хандаж байгаа аж. Тэд цаашид ч үнэн бодит байдлыг мэдээлнэ гэдгээ энэ үеэр мэдэгдлээ.

С.Ариунтуяа:

Сүхбаатар дүүргийн МАН-ын хорооны удирдлагууд сүүлийн жил гаруй хугацаанд дотоод дахь гишүүдээ хувааж талцуулдаг болсон. “Энэ бодлогыг дага, чиний бодлого буруу” гэх мэтчилэн намын нөхөд, гишүүдийг миний чиний гэсэн үзэл суртлаар талцуулах болсон. Энэ асуудлыг бид дэлгэж тавихаар эргээд хэвлэл мэдээллээр гүжирдэж байна. Олон нийтийн ажил зарлахдаа гишүүдээ ялгаварлаж, тодорхой албан тушаалтай хүмүүст л дуулгана гэх мэтчилэн хууль бус, дүрмийн бус хурал их хийдэг болсон.

2016 оны арванхоёрдугаар сарын 4-ний өглөө 10.00 цагийн үед манай журмын нөхдүүд утсаар ярьсан. “Дүүргийн намын хорооноос бүх үүрээс намын гишүүдийг авчирч дүрмийн бус хурал зарлаж байна. Энэ дээр ирж, юу болж байгааг тодруулъя” гэж дуудсан. Энэ дагуу би 11.00 цагийн үед очиход 62 дугаар үүрийн дарга н.Сайханцэцэгийг ИТХ-ын сонгуульд нэр дэвшихдээ намын бодлого дагаагүй тул үүрийн даргаас чөлөөлнө гэж хуралдаж байсан. Ингээд манай намын журмын нөхдүүд ороод “Ямар хурал вэ, бидэнд яагаад хэлээгүй вэ” гэж асуухад Сүхбаатар дүүргийн удирдлага, дэд дарга, улс төрийн ажилтнууд тэр эмэгтэй рүү дайрч давшилсан. Дүрмээ барьж ажиллах шаардлага тавьсан эмэгтэйг “согтуу байна, тэнэг авгай” гэх мэтчилэнгээр Сүхбаатар дүүргийн МАН-ын хорооны дэд дарга н.Мөнгөншагай хэлсэн. Гэтэл хажуу талаас нь улс төрийн ажилтан н.Олимпиад орж ирээд тэр эмэгтэйг зодсон. Гартаа барьж байсан аягаараа цохисон. Өнөөдөр энэ хүний биеийн байдал муу байна.

Тиймээс бид холбогдох хууль хяналтын байгууллагад мэдэгдсэн. Намын удирдах албан тушаалтнуудад өргөх бичгээ явуулсан. Энэ бол анхны асуудал биш. Манай дүүргийн намын хороо сүүлийн жил гаруйн хугацаанд дандаа зөрчил, тэмцэлтэй, хавчин гадуурхсан байдал үргэлжилсэн. Өнгөрөгч ИТХ-ын сонгуульд бүх нэр дэвшигчийг ялгаварлан гадуурхсан. Бодлогын туслалцаа байгаагүй. Бид энэ бүгдийг намын удирдлагуудад мэдэгдэж албан бичиг хүргүүлсэн ч ямар нэг хариу ирээгүй.

Магадгүй эмэгтэй хүнийг цус нөжтэй нь холиод гаргаж байгаа хүмүүс маргааш, нөгөөдөр хүний аминд хүрэхийг үгүйсгэхгүй.

Цохиулсан эмэгтэй удахгүй биеийн байдал, тухайн асуудлын талаар хэвлэлийн хурал хийнэ гэдгээ мэдэгдсэн.

З.Хүрэлбаатар:

Монгол Ардын нам нь Монголын үндэсний аюулгүй байдал, тусгаар тогтнолын төлөө бүгдийг хийж буй ууган хүчин. Бид намынхаа төлөө ажиллаж, өнгөрсөн УИХ болон орон нутгийн сонгуульд намын гишүүний итгэл үнэмшлээр далайцтай ажиллаж, олонхи болсон. Манай Сүхбаатар дүүргийн хувьд тодорхой ялалт авч чадаагүй.

Өнөөдөр бидний ярих гол асуудал нь Сүхбаатар дүүргийн намын хороонд болсон явдлыг үнэнээр нь мэдээлэх юм.

Өнгөрсөн сонгуулиар Сүхбаатар дүүргийн намын хороо олонхи болж чадаагүй шалтгааныг би бодлогын алдаа гэж харж байгаа юм. Алаагүй баавгайн арьсыг хувааж авна гэдэг шиг намын хорооны удирдлагууд УИХ, орон нутгийн сонгуульд ялчихаад тэр эмоцоороо өөрсдийнх нь үгэнд ордоггүй, нам доторхи хэсэг хүмүүсийг элдвээр цоллож, орон нутгийн сонгуульд “унагах” тактик хэрэглэж, бодлогын том алдаа гаргаснаас ялагдсан гэж харж байгаа.

Өнгөрөгч амралтын өдөр нэр бүхий хүнийг дүүргийн намын хороон дээр дуудаж хурал хийсэн байгаа юм. Улмаар тэднийг ялагдсан тул хариуцлага хүлээнэ гэсэн. Энэ нь анхан шатны үүрүүдийн дотоод үйл ажиллагаанд шууд оролцож байгаа хэрэг.

Хоёрдугаарт, ялсан үүрийн дарга нарыг ч мөн дуудаж хурал хийсэн. Миний зүгээс “Та нар яагаад хурлаа дур мэдэн зарлаж байгаа юм бэ” гэхэд “Хүрлээ даргаа танай үүрийг зарлаагүй. Өөр үүрийг зарласан” гэж байгаа юм. Тэгэхээр нь “Яагаад ялсан 64 дүгээр үүр хурал зарладаг билээ. Энэ үүр ялсан шүү дээ” гэхэд “Энэ бол үүрийн гишүүдийн асуудал” гэж байсан. Гэтэл тэр хооронд 61, 62 дугаар үүр хуралдаад дүүргийн намын хорооныхон нэг гишүүнийг нь зодсон байгаа юм. Иймэрхүү улаан цагаандаа гарсан зүйл их байна. Тиймээс бид цаашид дуу хоолойгоо үргэлжлүүлэн хүргэсээр байх болно гэв.