Монгол Үндэсний бөхийн холбооны тэргүүн Р.Нямдорж энэ сарын 10-нд болох МҮБХ-ын ээлжит бус хурлыг хуралдуулахгүй бөхчүүдийг хагаралдуулж, ирц бүрдүүлэхгүй байх хүсэлт тавьж байгаа талаар УИХ-ын гишүүн, дархан аварга А.Сүхбат, “Ээлжит бус их эе”-ийг хуралдуулах ажлын хэсгийн ахлагч гэх Ү.Хүрэлбаатар, Улсын начин МҮБХ-ны цэцдийн зөвлөлийн гишүүн Ц.Дуламсүрэн, Хөвсгөл аймгийн ҮБХ-ны тэргүүн Эрдэнэбаяр нар мэдээлэл хийлээ.
Мэдээллийн эхэнд МҮБХ-ны Цэцдийн зөвлөлийн гишүүн Ү.Хүрэлбаатар “Монголын үндэсний бөхдөө хүн болгон хайртай. МҮБХ-оог тойрсон маргаан өнөөдрийн маргаан биш юм. 2002 оны 12 дугаар сард МҮБХ-ны IV Их эе гэж болсон. Тэр хурлыг удирдаж, тэргүүлэгчээр ажилласан хүмүүс нь дархан аварга Х.Баянмөнх, Б.Бат-Эрдэнэ, А.Сүхбат, Д.Данзан, Ү.Хүрэлбаатар гээд таван хүн байсан. Энэ хурлаар үндэсний бөхийн холбоотой дүрэм, журмыг бүгдийг л шийдсэн. Харин нэг л асуудал шийдэж чадалгүй үлдсэн юм. Тэр нь МҮБХ-ны тэргүүнийг сонгож чадалгүй тарсан. Улмаар 2003 онд энэ асуудлаар шүүхийн байгууллагаас МҮБХ тэргүүнээ сонгож чадаагүй гэсэн албан ёсны шийдвэр гарсан. Ингээд МҮБХ-ны Цэцдийн зөвлөлийг хуралдуулах шаардлагатай байсан болоч одооны тэргүүлэгчид үүнийг ажил болгож хийгээгүй. Энэ нь одоог хүртэл явж байна. Цэцдийн зөвлөлийн гол үүрэг бол Их эеийг хуралдуулах явдал. Бид бол хууль эрх зүйн хүрээнд л бүх үйл ажиллагаагаа явуулж байна” гэв.
Харин УИХ-ын гишүүн А.Сүхбат “Би өөрийгөө ард түмэндээ нэртэй хүн гэж тооцож явдаг. Би монгол бөхдөө өртэй хүн. Хөдөө малчны хүүхэд ямар байдаг билээ. Барилдаж ноцолдож өдгөө дэвжээндээ зогсож байна. МҮБХ-ны тэргүүн Ц.Нямдорж та энэ байгууллагыг 26 жил хууль бусаар удирдаж явлаа. Одоо болоо юм биш үү. Хэдэн жил үндэсний бөхийг самрах гэсэн юм. Танаар удирдуулах, ажлаа хийлгэе гэсэн бөхчүүд алга байна. Уучлаарай. “Монгол бөх цэвэр ариун байж гэмээн Төр ариун байна” гэсэн бодолтой явдаг хүн. Сум орон нутгаар явахад хэцүү болжээ. Аймаг сумын наадам найраатай болсон байна. Сумын цол авахад таван сая төгрөг, аймгийн арслан болоход 50 сая төгрөг, улсын начин цол 500 сая төгрөг гэхчлэн ийм байдалтай явсаар байгаад 26 жил болжээ. Өнөөдөр бөхчүүдийн эрх ашиг зөрчигдөж байна. Зарим бөхчүүдийн цолыг олгохгүй байна. Ерөөсөө барилдаагүй хүнд цол олгох жишээтэй. Монгол Үндсэний бөх их спортын суурь болж өгдөг гайхамшигтай спорт юм. Нэг хүнийг хараад суулгүй монгол бөхийнхөө дэлхийн аваргын тэмцээнийг зохион байгуулъя. Бид нарт боломж бий” гэлээ.
Хурлын төгсгөлд сэтгүүлчдийн сонирхсон асуултад хариулсан юм.
-Дархан аварга Х.Баянмөнх хүргэн А.Сүхбат болоод нутгийнхаа аваргуудыг нэгтгэн “Аваргуудын зөвлөл” гэж байгуулсан. Энэ зөвлөл нь МҮБХ-той ямар ч хамааралгүй хэмээн МҮБХ-ноос мэдэгдэл гаргасан. Энэ талаар тайлбар өгөхгүй юу?
-Аваргуудын зөвлөл анхны хуралдаанаараа дархан аварга Ж.Мөнхбатыг зөвлөлийн даргаар сонгож байсан. Тэр хуралд дархан аварга Б.Бат-Эрдэнээс бусад бүх аваргууд оролцсон юм.
УИХ-ын гишүүн А.Сүхбатын хувьд Бөхийн холбооны тэргүүн Р.Нямдоржийг олон жилийн өмнөөс эсэргүүцсээр ирсэн билээ. Энэхүү мэдээллийн дэлгэрэнгүй дүрс бичлэгийг дор хүргэе.
Монголын шатрын холбооны шүүгчдийн зөвлөлийн анхдугаар хурал өчигдөр амжилттай зохион байгуулагдлаа. 
Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлэг энэ долоо хоногт байнгын хороо, чуулгаанаар хэлэлцэгдэх юм. Өчигдөр байнгын хорооны хуралдааны үеэр хуулийн төслийг санаачлагч С.Чинзориг танилцуулгыг хийхдээ “Манай улсын дотоодын нийт бүтээгдэхүүний 10 гаруй хувийг үйлдвэрлэж буй мал аж ахуйн салбарт ажиллаж буй 300.0 гаруй мянган малчин нийт ажиллагчдын 30 шахам хувийг эзэлж байгаа юм. Эрхэлж буй хөдөлмөрийн онцлогоос хамааран хөдөлмөрийн чадвар эрт буурах, хүнд өвчин тусах, наснаасаа эрт өтлөх, харьцангуй эрт нас барах тохиолдол малчдын дунд түгээмэл байна. Тиймээс холбогдох хуулинд нэмэлт өөрчлөлт оруулах шаардлагатай” гэж онцолсон юм.
Монголын залуу зураачид БНСУ-ын Бусан хотод энэ сарын 12-17-нд “Шинэ давалгаа” үзэсгэлэнгээ гаргахаар болжээ. Тэрээр тус хотод суугаа консулын газраас санаачлан МУЭ-ийн дэргэдэх Залуу уран бүтээлчдийн нэгдэлтэй хамтарч гаргаж байгаа аж. Үзэсгэлэнд нийт 33 уран бүтээлчийн 50 гаруй бүтээл багтсан бөгөөд хоёр улсын соёлын салбарын хамтын ажиллагаанд чухал ач холбогдолтой юм.
Баянгол дүүрэг дэх цагдаагийн хоёрдугаар хэлтсийн алба хаагчид хүүхдийн амь аварчээ. Өнгөрөгч 11 дүгээр сарын 29-ний өдрийн 19:00 цагт тус цагдаагийн хэлтэст “Баянгол дүүргийн дөрөвдүгээр хорооны нутаг дэвсгэрт байрлах “Golden-park” хотхоны 105 дугаар байранд гал гарч байна” гэсэн мэдээлэл иржээ.
Дуудлагын дагуу уг хэлтсийн эргүүлийн офицер, ахмад Б.Ундармаа дэд ахлагч М.Билэгсайхан шуурхай очин шалгахад гал гарсан байрны тог тасарсан, долоодугаар давхраас дээш үзэгдэх орчин муу, маш их утаатай байсан тул хамгаалалтын арга хэмжээ авч, чанга яригчаар иргэдэд сэрэмжлүүлэг зарлаж тус байрны 50 гаруй оршин суугчдыг аюулгүй газар гаргасан байна.
Ардчилсан намын VI Их хурал СТӨ-нд хоёр дахь өдрөө үргэлжилж байна. Өчигдрийн хурлаар намын даргын улс төрийн илтгэлийг сонсож, намын шинэчлэлийн асуудлаар төлөөлөгчид байр сууриа илэрхийлсэн. Харин өнөөдөр намын дүрмийн төслөө хэлэлцэх юм байна. Дүрмийн төслийг боловсруулах Ажлын хэсгийг УИХ-ын гишүүн асан Ш.Түвдэндорж ахалсан бөгөөд Их хурлын 1210 төлөөлөгчид төслийн танилцуулгаа хийсэн байна. Өнөөдөр АН дүрмийн төслийн хэлэлцүүлгээ хийж, батлах юм. Ингэснээр АН нээлттэй, ил тод нам болж шинэчлэгдэнэ гэдгээ зарлаад буй.
ОХУ-ын дипломат төлөөлөгч “Хар сарнай” хамтлагийн дуучин С.Амармандах буюу Амарааг зодож гэмтээсэн нь нийгэмд нэлээд шуугиан дэгдээгээд байна. Түүнийг зодуулах үед хэн ч салгах гэж оролдоогүй бөгөөд түргэн тусламж, цагдаа дуудахын оронд олон хүний нүднээс нууж харанхуй өрөөнд цаг гаруй хугацаанд байлгасан талаарх мэдээлэл байна. Дуучин залуу цус их алдсан ч өөрөө тэндээс гарч такси барьж гэртээ харьжээ. Гэрийнхээ үүдээр ороход нь хүү, охин хоёр нь хаалга тайлж өгчээ. Аавынхаа зодуулсан царай зүсийг харсан бяцхан охин айсандаа цочролд орж хэдэн өдөр уйлагнаж, цочиж сэрж шөнөдөө нойргүй хоносон байна. Дуучны ар гэрийнхэн болон өмгөөлөгч, холбогдох хүмүүсийг ОХУ-ын Элчин сайдын яамны удирдлагууд хүлээн авч уулзсан тухай бид мэдээлсэн. Ингээд дуучин Амараагийн өмгөөлөгч Г.Батбаяраас тодрууллаа. 
УИХ-ын дөрвөн байнгын хороо өнөөдөр хуралдана. Тодруулбал, Төрийн байгуулалтын байнгын хорооны хуралдаанаар “Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төслийн анхны хэлэлцүүлгийг хийх юм.
Замын цагдаагийн алба, Лицензийн төвтэй хамтран “Тээврийн хэрэгсэлд тусгай дуут дохио тавьж хэрэглэх журам”-ын хэрэгжилтийг хангуулах зорилгоор улсын хэмжээнд хяналт шалгалтын ажлыг өнгөрөгч арваннэгдүгээр сарын 14-23-ны өдрүүдэд зохион байгуулжээ.
Кино урлагийн дээд шагнал гардуулах ёслол “Оскар”-ын наадам ирэх хоёрдугаар сарын 26-нд болно. Одоогоор тус наадамд өрсөлдөх кинонуудыг шалгаруулах ажил үргэлжлэн явагдаж байна. Тухайлбал өчигдөр “Оскар”-ын шагналын баримтат киноны төрлийн эхний шалгаруулалт боллоо. Энэ төрөлд Н.Айшолпан охины тоглосон “Бүргэдийн анчин” кино тэнцжээ.