Төрийн өмчийн их дээд сургуулиудын Үйлдвэрчний эвлэлийн хороодын зөвлөл болон Монголын Боловсрол, шинжлэх ухааны үйлдвэрчний холбооноос өнөөдөр мэдээлэл хийлээ. Өнгөрсөн арваннэгдүгээр сарын 16-ны өдөр батлагдсан Боловсролын тухай хуульд нэмэлт, өөрчлөлт оруулах тухай, дээд Боловсролын тухай хуульд өөрчлөлт оруулах тухай хууль баталсантай холбогдуулан Төрийн өмчийн их, дээд сургуулиудын Удирдах зөвлөл болон сургуулийн захирлыг тухайн яамны сайд нь томилдог байх өөрчлөлтийг эсэргүүцэж байгаагаа илэрхийллээ.
Боловсролын тухай хуульд 216 оны дөрөвдүгээр сард оруулсан өөрчлөлтөөр төрийн өмчийн их, дээд сургуулиудын захирлыг сайд биш тухайн сургуулийн Удирдах зөвөл томилдог байхаар тусгажээ. Гэвч энэ өөрчлөлтийг шинээр томилогдсон Боловсрол, соёл, шинжлэх ухаан, спортын яам /БСШУСЯ/-ны сайд хүчингүй болгож, төрийн өмчийн их, дээд сургуулиудын захиралыг сайд томилдог байх шийдвэр гаргасан нь улстөржсөн шийдвэр гэж үзэж байгаа гэнэ. Тиймээс энэ асуудлаа эргэн харж, болосвролын салбарын хуульд өөрчлөлт оруулах, аливаа шийдвэрт салбарынхаа ажилтан, удирдлагуудаас санал авч хэлэлцэж байхыг анхааруулж байгаа гэв.
БСШУСЯ-ны зүгээс төрийн өмчийг эзэнтэй байлгах, төр өмчөө хамгаалах нь зүйтэй гэж үзэн их, дээд сургуулиудын удирдлагыг сайд томилдог байх шийдвэр гаргаж байжээ. Хэрэв ийм шийдвэр гаргахгүй бол төрийн их, дээд сургуулиудыг хувьчлах, сургуулийн удирдлага, ажилчдыг өөрсдийн дураар халдаг, сольдог байдал газар авч байсан гэж БСШУСЯ мэдэгдлээ.
Зөвшөөрөлгүй ТҮЦ-үүдийг албадан нүүлгэж байгаатай холбогдуулан ТҮЦ эрхлэгч иргэдийн төлөөлөл өнөөдөр мэдээлэл хийлээ. ТҮЦ буулгах ажлыг Нийслэлийн өмчийн харилцааны газраас зохион байгуулж байгаа билээ. Тэд хэлэхдээ “Бид төрөөс ямар ч тэтгэвэр, тэтгэмж авахгүйгээр өөрсдийнхөө амжиргааг залгуулж байна. Нэг хүний 7-8 хүн байдаг. Тиймээс бид энэ удаа хэвлэлийн хурал зарлах боллоо. Бид нийслэлээс тавьсан бүх шаардлагыг биелүүлээд, “Эрүүл, жаргалтай Улаанбаатар” уриан дор бүх зөрчил дутагдлаа засъя. Бидэнтэй хамтарч ажиллаач, бид юу хийх ёстой вэ? гэдэг асуудлыг шат шатны байгууллагуудад бүгдэд нь тавьсан. Гэвч өчигдрөөс эхлээд бидний заримынх нь тогийг таслаад эхэллээ. Ард иргэдийг хөдөлмөрлөх гэхэд яагаад юм хийлгэхгүй байгаа юм бэ гэсэн энэ олон асуултдаа бид удирдлагуудаас хариу авмаар байна. Төрийн албаны уялдаа холбоогүй шийдвэрээр олон хүн хохирч байна. 2014 онд баталсан тогтоол, тухайн үеийн удирдлагуудын заавраар шинэчлэсэн загварын ТҮЦ-үүдийг өр зээл тавин худалдаж авсан. Гэтэл өнөөдөр өр зээлээ төлж дуусаагүй байхад дахин үйл ажиллагааг зогсоох шийдвэр гарлаа. Бидний хохирлыг буруу шийдвэр гаргасан тухайн үеийн удирдлагууд хариуцах уу, хохирлыг хэн барагдуулах вэ. Иймд Нийслэлийн Засаг дарга, Нийслэлийн өмчийн харилцааны газар бусад холбогодох байгууллагууд энэхүү асуудалд анхаарал хандуулаасай гэж хүсэж байна” гэв.
Монгол Улс ойн тооллогоо 40 жилийн дараа анх удаа олон улсад хүлээн зөвшөөрөгдсөн аргачлалаар явуулж, дүнг гаргажээ. Уг ойн тооллогын тайланг Засгийн газарт хүлээлгэн өгөх ёслолын үйл ажиллагаа өнөөдөр болж, БОАЖ-ын сайд Д.Оюунхорол нээж үг хэлэв. Салбарын сайдын хэлснээр, Монгол Улс НҮБ-ын Уур амьсгалын өөрчлөлтийн суурь конвенцид нэгдэж, UN-REDD хөтөлбөрийн түнш орон, 2012 онд REDD+ хөтөлбөрт хамрагдаж Монгол орны ойн хүлэмжийн хийн шингээлт, ялгаруулалтыг олон улсын шаардлагад нийцсэн арга аргачлалаар тодорхойлох, тайлагнах үүргийг хүлээжээ. Энэ үүргийнхээ хүрээнд ойн үндэсний тооллогыг амжилттай явууллаа. “Анхны тооллогоос 40 жилийн дараа хийгдсэн энэ удаагийн ойн тооллого нь зорилго, хамрах хүрээ, арга аргачлалын хувьд нилээд өргөн цар хүрээтэй өндөр ач холбогдолтой боллоо. Монгол орны ойн хүлэмжийн хийн шингээлт, ялгаруулалтын суурь үзүүлэлтийг тогтоож, НҮБ-ын Уур амьсгалын өөрчлөлтийн суурь Конвенцийн Засгийн газар хоорондын комисст тайлагнаснаар ойн доройтол, хомсдлыг бууруулах, хүлэмжийн хийн шингээлтийг нэмэгдүүлэх чиглэлээр олон улсын төсөл, хөтөлбөрөөс санхүүгийн дэмжлэг авах, карбоны худалдаанд оролцох боломж нээгдэж байна.
Гадаад харилцааны яамнаас өнөөдөр хэвлэлийн бага хурал хийж, сүүлийн үед өрнөсөн зарим асуудлаар тайлбар хийлээ. Тухайлбал, Энэтхэгийн зээлтэй холбоотой асуудлаар яамны зүгээс “Манай хилийн чанадад байгаа дипломат төлөөлөгчийн газрын тэргүүнүүд тэр дундаа Элчид сайн, Ерөнхий консул, консулууд төвөөсөө зөвшөөрөл авч байж суугаа орныхоо хэвлэл мэдээллийн байгууллагад ярилцлага өгдөг. Энэтхэгийн нэг тэрбум ам.долларын хөнгөлөлттэй зээлийн шугамтай холбоотой мэдээллээр хэвлэлд өгсөн ярилцлагыг тодруулах үүрэг даалгаврыг Элчин сайдад нь өгчихсөн байгаа. Удахгүй хариу ирнэ” гэв. Далай ламд виз олгосон ажилтныг ажлаас нь халсан асуудлын хувьд “Энэ нь өөрөө Төрийн нууцын зохих зэрэглэлтэй холбоотой учраас ямар нэгэн хариу, тайлбар, мэдээлэл өгөх боломжгүй байна. Та бүхэн зөвөөр ойлгоно биз” гэсэн юм
Өмнөд Солонгос улсын Ерөнхийлөгч Пак Гын Хе-г бизнес эрхлэгч Чуй Сүн Шил-ийн хэрэгтэй холбогдуулан албан тушаалаас нь огцруулсан билээ.
Улсын тусгай хамгаалалттай газар нутагт галт зэвсэг авч явсан үйлдлийг цагдаагийн алба хаагчид илрүүлэн, хариуцлага тооцжээ.
УИХ-ын Хууль зүйн байнгын хорооны хуралдаан үргэлжилж байна. Яг одоо Гэр бүлийн хүчирхийлэлтэй тэмцэх тухай хуулийн төслийг хэлэлцэж байгаа юм. Харин хуралдааны эхэнд гишүүдийн олонхийн саналаар өнөөдөр хэлэлцэхээр төлөвлөөд байсан оффшорын асуудлыг зохицуулах тухай буюу Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг хэлэлцэхийг долоо хоногоор хойшлууллаа. Учир нь тус хуулийн төслийн ажлын хэсэг хуралдаагүй аж.
НҮБ-ын шинээр сонгогдсон Ерөнхий нарийн бичгийн дарга Антонио Гутерреш өчигдөр тангарагаа өргөлөө. Энэ үеэр тэрбээр дэлхий нийтийн өмнө тулгарсан сорилтуудыг шийдвэрлэхийн төлөө ажиллана гэдгээ амласан юм.
