“Өдрийн сонин”-ы мягмар гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Манай сонин өнөөдрийн дугаарынхаа нэгдүгээр нүүрт УИХ-ын намрын чуулганы нээлт болон УИХ-ын гишүүн Н.Амарзаяагийн ярилцлагыг онцолж байна.
“Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг Баримт, үзэл бодлын гуравдугаар нүүрт нийтлэлч П.Хашчулууны “Монголын хамгийн эмзэг цэгээр байнга оролдох нь хаанахын бодлого вэ?” нийтлэл хэвлэгдлээ.
Харин улс төрийн тав болон зургадугаар нүүрнээс Хууль зүйн сайд асан Х.Тэмүүжингийн ярилцлагыг уншиж сонирхоорой.
Баримт, үйл явдлын долдугаар нүүрнээс байгуулагдаад удаагүй хөрөнгө оруулалт нь хаанаас хийгддэг нь тодорхойгүй нэгэн компани сургууль, цэцэрлэгийн 72 барилгыг хоёр жилийн дотор барина хэмээн Засгийн газартай концессын гэрээ хийсэн талаар унших боломжтой. Мөн сүүлийн үед хэвлэл мэдээллийн хэрэгслээр шуугиад байгаа жирэмсэн эхийн гуяыг хөхөртөл нь базаж чимхсэн гэх мэдээллийн дагуу холбогдох албаныхан мэдээлэл хийжээ. Энэ талаар мөн энэ нүүрнээс уншаарай.
“Эмч” буланд Улсын нэгдүгээр төв эмнэлгийн гемодиализийн масгийн эмч Д.Хурцбаярыг оролцуулж гемодийлизийн аппаратны хүрэлцээ болон бөөхний өвчнөөр шаналж байгаа хүмүүсийн хүндрэлтэй асуудлуудын талаар ярилцсан юм. Энэ тухай 11 дүгээр нүүрнээс уншина уу.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
УБТЗ-ын Ерөнхий хороо есдүгээр сарын 27-28-ны өдрүүдэд Москва хотноо хуралдаж, Ерөнхий хорооны орлогч даргаар дэд сайд Б.Цогтгэрэл, нарийн бичгийн даргаар Төмөр зам, далайн тээврийн бодлогын хэрэгжилтийг зохицуулах хэлтсийн дарга Ж.Батболд, “Улаанбаатар төмөр зам” хувь нийлүүлсэн нийгэмлэг /ХНН/-ийн даргаар Д.Жигжиднямаа нарыг томилохоор шийдвэрлэсэн байна.
Монголын зохиолчдын эвлэлийн хорооноос жил бүр уламжлал болгон зохион байгуулдаг богино өгүүллэгийн “Утгын чимэг” наадмын бүртгэл өнөөдөр эхэллээ. МЗЭ нь 1990 онд богино хэмжээний өгүүллэгийн “Шувуун саарал” наадмыг анх зохион байгуулсан бол 1993 оноос “Утгын чимэг” хэмээн нэрлэж, өдгөө 23 дахь жилтэйгээ золгож байна.
Нийслэлийн Засаг даргын Ногоон хөгжил, агаарын бохирдолын асуудал хариуцсан орлогч Ж.Батбаясгалан Герман улсын “Олсберг” компанийн захирал Ралф Керстингийг хүлээн авч уулзлаа. Олсберг нь Герман улсын удам дамжсан 400 жилийн арвин их туршлагатай зуух болон халаалтын төхөөрөмж үйлдвэрлэдэг компани юм. Уулзалтын үеэр ноён Ралф Керстинг Монгол Улсын нөхцөл байдалд зохицсон, ялангуяа Монгол гэрийн онцлогт тохируулан үйлдвэрлэсэн шинэ халаалтын төхөөрөмж бүтээснээ танилцууллаа. Энэхүү төхөөрөмжийн ажиллах зарчим нь шөнийн цагаар цахилгааны хямдралтай тариф боддогддог үед хуримтлуулсан дулаанаа 24 цагийн турш барих боломжтой. Тиймээс энэ төхөөрөмжийг дэмжиж өргөн хэрэглээнд оруулснаар Улаанбаатар хотод тулгамдаад байгаа агаарын бохирдлыг бууруулахад өндөр ач холбогтой юм. Харин үүний тулд шөнийн цахилгааны тарифдаа хямдрал үзүүлэх хэрэгтэй” гэлээ.
Италийн Неаполь хотоос холгүй орших нэгэн газарт мансууруулах бодис хууль бусаар наймаалагчдын орогнодог байранд нэгжлэг явуулах үеэр Нидерландын алдарт зураач Винсент Ван Гогийн 14 жилийн өмнө хулгайд алдагдсан хоёр уран зургийг цагдаа нар олж илрүүлжээ.
ОХУ-д өдөр тутам олборлож буй нефтийн хэмжээ өнгөрсөн есдүгээр сард 11.1 сая баррельд хүрч, дээд амжилт тогтоосон байна. Энэ нь сард 4 хувиар өссөн үзүүлэлт бөгөөд 1991 оноос хойших хугацаанд хамгийн их өсөлттэй сар байлаа гэж тус улсын Эрчим хүчний яам мэдэгдэв.
Ардчилсан намын сонгуулийн төв штаб өнөөдөр хуралдаж, Нийслэлийн дүүргүүдийг хариуцсан сонгуулийн менежерээр Д.Баттулгыг томилжээ. Тэрээр өнгөрсөн дөрвөн жил Нийслэлийн Иргэдийн Төлөөлөгчдийн Хурлын даргаар ажиллаж байсан билээ.
Цус сэлбэлт судлалын үндэсний төвөөс санаачлан 
Монгол Улс эдийн засгийн хүндрэлд орж, Олон улсын валютын сангаас санхүүгийн тусламж хүссэн тухай “Financial Times” сонин мэдээлжээ