“Арван жилийн дараа гэхэд Улаанбаатарчууд утаанаас болж тэр чигтээ уушгины өвчнөөр өвчилнө” гэсэн сэтгэл сэртхийлгэсэн яриаг анх сонсоод “Арай ч үгүй байлгүй дээ” хэмээн итгэж ядан ам уралдан ярьцгааж байсан цаг саяхан. Гэтэл өнөөдөр нийслэлд эрүүл уушигтай хүн үлдээгүй гэхэд бараг хилсдэхээргүй болжээ.
Тодруулбал, Жил ирэх тусам уушгины өвчлөл нэмэгдэж, хүүхэд залуучууд нь уушигны бронхит, угийн булчирхайн томролттой, 70-аас дээш насныхан уушгины хорт хавдартай хэмээн оношлогдож байгаа бөгөөд Улаанбаатар хотод ажилладаг рентгений эмч нар “Нэг сайхан эрүүл уушиг харах юмсан” гэж ярилцдаг болсон гэнэ.
Хамгийн сүүлийн жишээ дурьдахад, өчигдөр буюу энэ сарын 3-нд нэг эмч өөрийн цахим хуудсандаа, “Амралтын өдрүүдэд 40 хүүхэд үзлээ. Агаарын бохирдлоос болж бүгд уушигны бронхит, угийн булчирхайн томролттой байна” хэмээн нийтэлжээ.
БНСУ-ын Цагаачлалын албанаас хэрэгжүүлж байгаа тус улсад визийн хугацаагаа хэтрүүлэн хууль бусаар оршин суугаа гадаадын иргэдийг сайн дураараа нутаг буцахад нь өршөөл үзүүлэх аяны үргэлжлэх хугацааг энэ оны 12 дугаар сарын 31-нийг хүртэл сунгажээ. Визийн хугацааг хэтрүүлэн оршин сууж буй гадаадын иргэд дээр дурдсан хугацаанд сайн дураараа нутаг буцах тохиолдолд БНСУ-д буцаж орох эрх нь нээлттэй аж.
БНСУ-ын Чонан хотод зургаа дахь удаагаа болсон “Чонан – Дэлхийн бүжгийн наадам”-д эх орноо төлөөлөн оролцсон Нийслэлийн Улаанбаатар чуулгын бүжигчид Хамтлагийн төрөлд 3-р байр, Хосын төрөлд 35 хосоос бүжигчин Э.Алдар, Б.Ганчимэг 4-р байрт шалгарчээ. Тэмцээнийг Ардын болон үндэсний, хөгжөөн дэмжигчдийн зэрэг төрлүүдээр зохион байгуулдаг бөгөөд энэ удаагийн наадамд гурван тивийн 17 орны бүжигчид авьяас, ур чадвараа сорьж оролцжээ. “Чонан – Дэлхийн бүжгийн наадам” есдүгээр сарын 28-наас 10 дугаар сарын 2-ны хооронд Сөүл хотын дагуул хотуудад болсон юм.
Агуу зөнч Вангагийн цорын ганц залгамжлагч гэж өргөмжлөгдсөн охиныг санаж байна уу? Түүнийг Каедэ Убер гэдэг. Францын энэ охин бол ирээдүйг харж, нөгөө ертөнцийнхөнтэй ярилцдаг, товчоор өгүүлэхэд гоц чадвартай. Ийм хүн төрнө гэдгийг Ванга өөрөө хорвоогийн мөнх бусыг үзүүлэхийн өмнө зөгнөжээ.
Сүүлийн жилүүдэд манай улсын иргэд хилийн чанадад ажиллах, аялах, суралцах зорилгоор зорчих хөдөлгөөн өсөн нэмэгдсээр байна. 
Хөгжлийн бэрхшээлтэй иргэдийнхээ эрх ашгийг хамгаалахаар ажиллаж байгаа иргэн Б.Чулуундолгор хотын даргатай уулзаж, Нийслэлийн Засаг даргын дэргэдэх “Хөгжлийн бэрхшээлтэй иргэдийн зөвлөл”-ийн үйл ажиллагааг үргэлжлүүлэх талаар санал солилцоо.
Нийслэлийн Засаг даргын ирэх дөрвөн жилийн үйл ажиллагааны мөрийн хөтөлбөрт “Түгжрэлгүй гудамж, бухимдалгүй хот” гэсэн дэд хэсэг тусгагдсан. Энэ хүрээнд төсөвт хүндрэл учруулахгүй, зардал гарахгүйгээр Замын хөдөлгөөнийг оновчтой зохион байгуулах ажлын хэсгийг байгуулан ажиллажээ. Улаанбаатар хотын Цагдаагийн газар, Замын цагдаагийн газар, ЗХУТ, нийслэлийн Автозамын газрын хамтарсан тус ажлын хэсгээс өнөөдөр нийслэлийн Замын хөдөлгөөний тэмдэг тэмдэглэгээг сайжруулах, зарим уулзварыг тогтмол баруун гар тийш эргэдэг болгохоор зохицуулалт хийснээ танилцууллаа. Нийслэлийн Засаг даргын орлогч Ж.Батбаясгалан “Өнөөдөр хүчин төгөлдөр мөрдөгдөж байгаа “Замын хөдөлгөөний дүрэм”-ийн хүрээнд энэхүү зохицуулалтыг хийж байгаа. Энэ зохицуулалт нь уулзваруудын нэвтрүүлэх чадварыг 20 орчим хувиар нэмэгдүүлэх боломжтой гэж тооцсон” гэлээ. Ихэнх улс орнуудад тогтмол асах нэмэлт ногоон гэрлээр баруун гар тийш эргэхийг зөвшөөрсөн дүрэмтэй байдаг. Манай улсын хувьд Улаанбаатар хотын боломжит уулзваруудад энэ хувилбарыг хэрэгжүүлэх бэлтгэл ажлыг хангаад байна. Нийслэлийн Засаг даргын Тамгын газар, Замын цагдаагийн газартай хамтран иргэдийн дунд санал асуулга явуулж, иргэдийн зүгээс хэрэгжүүлэх нь зүйтэй гэж үзжээ. Тиймээс Баруун дөрвөн замын уулзвар, Зүүн дөрвөн замын уулзвар, Гэсэр сүмийн уулзвар, Саппорогийн уулзварт нэмэлт тэмдэг, тэмдэглэгээ, гэрлэн дохио, мэдээллийн самбар байршуулан аравдугаар сарын 10-ны өдрөөс эхлэн хэрэгжүүлэхээр боллоо. Нийслэлийн хэмжээнд гэрлэн дохионы зохицуулалттай 142 уулзвар байдгаас 48 нь баруун гар тийш тогтмол эргэх боломжтой юм. Үүнд:
Хүүхдийн мөнгийг энэ сарын 3 буюу өчигдрөөс олгож эхэлжээ. Хүүхдийн мөнгийг зорилтот бүлэгт хамаарагдах 60 хувьд нь олгохоор болсон. Үлдсэн 40 хувьд хамрагдах хүүхдийн мөнгийг банкинд хүүгүй байршуулж байгаад 2019 оноос олгох шийдвэр гарсан билээ.