Чанар чансаагаар дэлхийд тавдугаарт эрэмбэлэгддэг “Face of beauty international” олон улсын миссийн тэмцээнийг манай улс анх удаа эх орондоо амжилттай зохион байгуулсан.
Тав дахь удаагаа зохиогдсон тус тэмцээн энэ жил “Save the Mazaalai” уриатай зохион байгуулагдсан юм. Тус тэмцээнд 60 орны мисс өрсөлдсөн бөгөөд тэргүүн байрт ОХУ-ын мисс шалгарч, Замби, Филиппинийн гоо бүсгүйчүүд удаах байруудад орсон билээ.
Тэгвэл “Face of beauty international” тэмцээний “Мазаалайн элч” болон “I am me” номинацийн шагналтнууд болох Шинэ Зеланд, Самоа улсын миссүүд мазаалай хамгаалах үйлсэд зориулан 50 мянган ам.доллар хандивлахаар болжээ.
Тэмцээнийг эх орондоо амжилттай зохион байгуулсан хамт олон удахгүй хилийн чанадыг зорьж хандивын мөнгийг гардан авах аж.
Дэлхийн эрүүл мэндийн байгууллага, Сохролоос урьдчилан сэргийлэх олон улсын агентлагаас жил бүрийн аравдугаар сарын хоёр дахь пүрэв гарагийг Дэлхийн хараа хамгаалах өдөр болгон тэмдэглэж ирсэн. Эл өдрийг “ Хамтдаа хүчтэй” уриан дор тэмдэглэн өнгөрүүлэхээр болжээ. Энэ талаар Эрүүл мэндийн яамны Нүдний мэргэжлийн салбар зөвлөлийн дарга Д.Уранчимэг, ДЭМБ-ын хөтөлбөрийн зохицуулагч Доктор Воо Жин, ЭХЭМҮТ-ийн нүдний мэс заслын тасгийн зөвлөх эмч М.Алтанхүү нарын хүмүүс мэдээлэл хийлээ.
Энэ сарын 20-нд манай улсад Олон Улсын Валютын сангийн ажлын хэсэг айлчлахаар болжээ. Тус Ажлын хэсгийн Техникийн багийн дүгнэлтийн дараа ОУВС-гаас Монгол Улсад “Стэнд бай” хөтөлбөрийг хэрэгжүүлэх эсэх талаархи албан ёсны хариу гарах юм байна. Манай улсын хувьд тус хөтөлбөрийн хүрээнд 1-1.5 тэрбум ам.долларын зээл авахаар ярьж байгаа аж.
П.Н.Шастины нэрэмжит төв эмнэлгийн урд талын 300 метр урттай 5830 метр квадрат талбай бүхий зам цас борооны улмаас эвдэрч, хонхорхой газарт нь ус ихээр тогтдог байсан юм. Харин хотын ерөнхий менежерийн санаачилгаар тус замыг засаж тохижуулахаар болсон бөгөөд хуучин замыг засаж ус зайлуулах шугам, явган хүний зам, гэрэлтүүлэгтэй, иж бүрэн тохижилттой авто замын зогсоол болгон шинэчлэн өнөөдөр нээлтээ хийлээ.
Өнгөрсөн шөнө буюу энэ сарын 12-13 нд шилжих шөнө 03:00 цагт Хөвсгөл аймгийн Тосонцэнгэл сумын Ганданд хулгайч нар орж нутаг ус, ард түмний онгон шүтээн болсон хар морьт сахиусыг нь хулгайлсан ноцтой хэрэг гарчээ. Хулгайч нар цагдаа нарын эргүүл буусны дараа хэргийг үйлдсэн гэж таамаглаж байгаа юм. Тиймээс хэргийн талаар ямар нэгэн мэдээлэл сонссон хүмүүсийг сумын цагдаа болон орон нутгийн удирдлагуудад яаралтай мэдэгдэхийг хүссэн байна. 
Мэдээлэл харилцаа холбооны үйлчилгээг хөгжлийн бэрхшээлтэй хүний хэрэгцээ, шаардлагад нийцүүлэх, хэрэгжилтийг сайжруулах” сэдэвт хэлэлцүүлэг өнөөдөр Япон-Монголын төвд боллоо. Үүнд, “Харилцаа холбоо, мэдээллийн технологийн газар”, хөгжлийн бэрхшээлтэй иргэдийн ТББ-ууд зэрэг 32 байгууллагын 59 төлөөлөл оролцсон юм. Мэдээллийн хүртээмжийг сайжруулснаар хөгжлийн бэрхшээлтэй иргэдийн нийгмийн оролцоо сайжрах ба өдөр тутмын амьдралд бие даан оролцох гол нөхцөл болох юм.
Samsung Electronics” корпораци нь Galaxy Note 7 загварын ухаалаг гар утсыг наймдугаар сарын 19-нөөс борлуулж эхэлсэн боловч энэ гар утсыг цэнэглэж байхад дэлбэрч дуулиан дэгдсэн билээ. Тиймээс дэлхий даяар борлуулагдсан 2.5 сая гар утсыг зах зээлээс эргүүлэн татсан юм.
Засгийн газраас “Боловсролын зээлийн сан” байгуулж, “Оюутны хөгжлийн зээл”-ийн журмыг баталсан. Энэ хүрээнд БСШУС-ын сайд Ж.Батсуурь өчигдөр сэтгүүлчдэд мэдээлэл өглөө. Тэрбээр “Засгийн газрын ээлжит хуралдаан хуралдаж, Монгол Улсын Засгийн газрын мөрийн хөтөлбөрт тусгагдсан боловсролын салбарын зорилтуудыг хэрэгжүүлэх хэд, хэдэн чухал шийдвэрийг гаргалаа. Нэгдүгээрт, “Оюутны хөгжлийн зээл” олгох харилцааг зохицуулсан журмыг баталсан. Хоёрдугаарт, гурав ба түүнээс дээш хүүхэд нь их, дээд сургуульд суралцаж байгаа тохиолдолд нэг хүүхдийнх нь сургалтын төлбөрийн буцалтгүй тусламжийг олгохоор болсон. Ойролцоогоор улсын хэмжээнд 1500 орчим оюутанд энэхүү буцалтгүй тусламжийг олгох урдчилсан тооцоо байна. Гуравдугаарт, “Боловсролын зээлийн сан”-г байгуулж түүгээр дамжуулан “Оюутны хөгжлийн зээл” олгох ажлыг арилжааны банк зохион байгуулна. Бага хүүтэй, суралцагч сургуулиа төгсч, ажилтай, орлоготой болсон цагаасаа эргүүлж төлөх бололцоог хангасан, туйлын тааламжтай нөхцөлтэй, хөнгөлөлттэй зээл авах харилцааг зохицуулсан журмыг Засгийн газрын хуралдаанаар баталлаа. “Оюутны хөгжлийн зээл” нь гурван үндсэн төрөлтэй. Нэгдүгээрт, хүү бууруулах зээл, хоёрдугаарт, богино хугацаатай зээл, гуравдугаарт, урт хугацаатай зээл. Арилжааны банкуудаас сургалтын төлбөрийн зориулалтаар цалин, тэтгэврийн зээл авсан оюутан, суралцагсад хүү бууруулах зээлд хамрагдах боломжтой. Өөрөөр хэлбэл, өндөр хүүтэй авсан зээлээ “Оюутны хөгжлийн зээл” рүү шилжүүлэх боломж нь хангагдаж байна. Харин богино хугацаатай зээлийн хувьд нэг жил. Урт хугацаатай зээлийн хувьд 10 хүртэлх жил байхаар тооцоолсон” гэлээ. Оюутны сургалтын зээлтэй холбоотой асуудлаар Ж.Батсуурь сайдаас зарим зүйлийг тодрууллаа.
НҮБ-аас тунхагласан Авлигын эсрэг олон улсын өдөр жил бүрийн 12 дугаар сарын 9-нд тохиодог билээ. Энэ өдрийг угтан Авлигатай тэмцэх газраас төрийн байгууллага, хувийн хэвшил, иргэний нийгэм, хэвлэл мэдээлэл, эрдэмтэн судлаачид, оюутан сурагчид буюу олон нийтийг хамруулан хэд хэдэн арга хэмжээ зохион байгуулахаар ажилдаа ороод байна.