Сүхбаатар аймгийн Онгон суман дахь Монгол улсын баатар Чойн Дугаржавын нэрэмжит Цэргийн гавьяаны одонт Хилийн цэргийн 0184-р ангиас Сүхбаатар аймгийн Баруун-урт сумын 2-р Бүрэн дунд сургууль, Онгон сумын Бүрэн дунд сургуулийн ахлах ангийн сурагчдын дунд “Ирээдүйн хилчин” тойрон аялалыг 2016 оны 10 сарын 14-16 өдрүүдэд зохион байгуулсан байна.
Хил хамгаалах бодлого, хилийн цэргийн үйл ажиллагааг өсвөр насны хүүхэд, залуучуудад сурталчлах, цэрэг эх оронч үзэл хүмүүжил төлөвшүүлэх зорилготой уг аялалд 11-12-р ангийн нийт 31 сурагч хамрагджээ.
Тус сурагчид Хилийн цэргийн 0184 дугаар ангийн үйл ажиллагаатай танилцаж, цэрэг эрсийн жирийн амьдралаар амьдарч, Хилийн заставын харуулд гарч цагийн манаанд зогсон жинхэнэ цэргийн амьдралаар 3 хоногийг өнгөрүүлжээ. Хүүхдүүд энэхүү үйл ажиллагааг зохион байгуулахад гүн туслалцаа үзүүлсэн хурандаа Х.Гантулга захирагчтай 0184-р ангийн хамт олонд талархал илэрхийлж байлаа. 
Терроризмын эсрэг
Сонгуулийн ерөнхий хорооноос
Төрийн өндөрлөгүүд сум, дүүргийн ИТХ-ын 2016 оны ээлжит сонгуульд саналаа өгч байна. УИХ-ын дарга М.Энхболд 13:00 цагт Чингэлтэй дүүргийн сонгуулийн нэгдүгээр тойргийн 2,036-р хэсгийн санал авах байранд буюу Нийслэлийн 23-р дунд сургууль дээр очиж саналаа өглөө. Одоогийн байдлаар улсын хэмжээнд сум, дүүргийн ИТХ-ын 2016 оны ээлжит сонгуулийн ирц 16,5 хувьтай байна. Сонгуулийн эцсийн мэдээллийг тав хоногийн дараа хүргэдэг билээ.
Эрүүгийн цагдаагийн газрын “Хар тамхитай тэмцэх хэлтэс”-ийн алба хаагчид Иргэний агаарын тээврийн цагдаагийн хэлтэс, Буянт-Ухаа дахь гаалийн газартай хамтран есдүгээр сарын 23 ны өдөр хар тамхи хууль бусаар нэвтрүүлсэн хоёр этгээдийг барьж, эрүүгийн хэрэг үүсгэн мөрдөн байцаах ажиллагаа явуулж байна. 
Нийслэлийн сонгуулийн хорооны дарга Ү.Ганболд, нарийн бичгийн дарга Т.Батдорж нар 12.00 цагийн байдлаар дүүргүүдийн сонгуулийн ирцийн мэдээллийг өглөө.
Нийслэлийн Засаг дарга С.Батболд сум, дүүргийн иргэдийн төлөөлөгчдийн хурлын сонгуулийн Сүхбаатар дүүргийн 1948 дугаар хэсэг дэх санал авах байранд очиж саналаа өглөө. Тэрээр “Сум, дүүргийн иргэдийн төлөөлөгчдийн хурлыг сонгох энэ сонгууль 2 онцлогтой. Нэгдүгээрт, засаг захиргааны анхан шатны нэгжийн хувьд иргэддээ хамгийн ойрхон байдаг хурлыг сонгоно. Хоёрдугаарт, Засгийн газар, аймаг, нийслэлийн бодлогыг анхан шатандаа хэрэгжүүлэх боломжийг олгох сонгууль гэдгээрээ онцлогтой юм. Тийм учраас нийслэлийн иргэдээ сонгуульдаа идэвхтэй оролцож, саналаа өгөхийг уриалж байна” гэлээ.
Өнөөдөр улс орон даяар орон нутгийн сонгууль явагдаж байна. Бүх нийтээрээ сонгуульдаа идэвхтэй оролцох боломжийг хангаж энэ өдрийг төрөөс амралтын өдөр болгосон. Хүний сонгох, сонгогдох эрх бол үндсэн хуулинд заасан язгуур эрх ашиг билээ. Тиймээс та өөрсдийгөө төлөөлөх хамгийн ойрын төлөөлөл болох хүнээ сонгохдоо яараарай. Залуучууд идэвх султай оролцож байгаа мэдээ эхнээсээ гараад эхэлчихлээ. Таны төлөө төрөөс асар их хөрөнгө гарган энэхүү сонгуулийн үйл ажиллагааг зохион байгуулж байгаа гэдгийг санаад яг одоо та суудлаасаа босон дөрвөн жилдээ нэг оногдох иргэнийхээ үүргийг биелүүлээрэй. Хэн ч гарч ирсэн яахав дээ, эсвэл бүгдийг нь танихгүй юм чинь дээ гэж хойш суулгүй хороон дээрээ очин нэр дэвшиж байгаа хүмүүсийн материалыг уншаад ч болов өөрийн итгэл даах хүнийхээ нэрний ард ганцхан удаа үзгээр дугуйлаарай. Нэр төрөө эрхэмлэдэг сонгогч таны нэг өдрийн урагшаа алхсан алхам монголын маань сайн сайхан ирээдүйд асар их хувь нэмэр болно гэдгийг бүү мартаарай. Энэ өдрийг тэнгэр хүртэл ивээж ойрдоо хүйтэрнэ гэсэн цаг агаар дулаан өнгөө үзүүлж сонгуулиа хурдан өгөөрэй гэх шиг намрын шаргал өдөр налайж байна. Төрийн гурван тэргүүн маань ч аль хэдийн хаана өгөхөө товлож эхнээсээ өгөөд эхэлчихлээ. Монгол төрийн алтан гагнаас үеийн үед бэхжихийн тулд таны ганц санал ч гэсэн хувь нэмэр болж үр хүүхдийн тань амар амгалан нийгэмд амьдрах нь таны идэвх зүтгэлээс хамаарах юм шүү. Залуус аа, саналаа идэвхтэй өгөөрэй!
Өнөөдөр орон нутгийн буюу сум, дүүргийн иргэдийн төлөөлөгчдийн сонгууль орон даяар явагдаж байгаатай холбогдуулан цагдаагийн байгууллага сонгуулийн үед хэв журам, гэмт хэрэг зөрчлөөс урьдчилан сэргийлэх чиглэлээр өндөржүүлсэн бэлэн байдалд бүрэн бүрэлдэхүүнээрээ үүрэг гүйцэтгэж байна.
Онц ноцтой дээрмийн хэрэг үйлдэж оргон зайлсан гурван этгээдийн нэгийг эрэн хайх ажиллагаа явуулж, Булган аймгийн нутаг дэвсгэрээс баривчилжээ.
Оргон зайлсан гэх С.Галбадрах нь Эрүүгийн хуулийн тусгай ангийн 147.3 заасан гэмт хэгийг үйлдэн, оргон зайлсан гэсэн үндэслэлээр мөрдөн байцалтын ажиллагааг эхлүүлсэн байна. Энэхүү заалтад “Энэ хэргийг онц аюултай гэмт хэрэгтэн, зохион байгуулалттай бүлэг, гэмт бүлэглэл, урьд нь уулгалан довтлох гэмт хэрэгт шийтгүүлсэн этгээд үйлдсэн, энэ хэргийн улмаас онц их хэмжээний хохирол, бусдын бие махбодид хүнд гэмтэл учирсан бол эд хөрөнгийг хурааж арваас дээш хорин жил хүртэл хугацаагаар хорих ял шийтгэнэ” гэжээ.