ХААИС-ийн ХААШУЗ-ийн харьяанд Нүүдлийн соёл судлалын төв байгуулагдлаа. Энэхүү төв нь үндэсний болон бүс нутаг, олон улсын хэмжээнд нүүдлийн соёл иргэншил, уламжлалыг судлан сурталчлах зорилготой аж. Мөн дэлхийн Монгол судлалыг дэмжиж, гадаад болон дотоодын хэл, соёлын байгууллагуудтай хамтран ажиллаж, Монголын нүүдлийн соёлыг хүртээмжтэй, үр өгөөжтэй, ашигтай бүтээл болгоход чиглэгдэж буй юм.
Нүүдлийн Соёл Судлалын төв нь мал аж ахуй, газар тариалангийн соёл, байгаль хамгаалах, газар орноо танин мэдэх уламжлалт мэдлэг, ардын сурган хүмүүжүүлэх зүй, ардын билиг судлал, шилжилтийн үеийн Монголын нийгэм, эдийн засаг зэрэг уламжлалт болон орчин үеийн шинэ чиг хандлага бүхий сэдвээр олон улсын хамтарсан болон үндэсний хэмжээний онол практикийн ач холбогдолтой төсөл, хөтөлбөрийг хэрэгжүүлэх, олон улсын, бүс нутгийн, үндэсний хэмжээний эрдэм шинжилгээний хурал зохион байгуулах, англи, монгол хэлээр сэтгүүл эрхлэн гаргах, судалгааны ажлын үр дүнгээр ном, бүтээл хэвлүүлэх зэрэг үйл ажиллагаа явуулах юм байна.
Нийслэлийн хэмжээнд цэргийн жинхэнэ алба хаах хугацааг дуусгаж, бэлтгэлээр халагдсан байлдагч, түрүүчийг хүлээн авах, цэргийн жинхэнэ албанд залуучуудыг татах, гэрээт цэргийн албанд элсүүлэх ажлыг 2016 оны 10 дугаар сарын 21-23-ны өдрүүдэд зохион байгуулахаар Нийслэлийн Засаг дарга бөгөөд Улаанбаатар хотын Захирагч С.Батболд захирамж гаргасан. Үүнтэй холбогдуулан Нийслэлийн цэрэг татлагын товчооны бүрэлдэхүүн өнөөдөр хуралдаж, цэрэг татлагын бэлтгэл ажлын талаар танилцууллаа.
Нийслэлийн хэмжээнд он гарсаар гал түймрийн улмаас 7 хүүхэд түлэгдэж, 4 хүүхэд нас барсан байна. Нийслэлийн Онцгой байдлын газрын албан хаагчид гал түймрийн дуудлагад цаг алдалгүй шуурхай ажилласнаар нийт 27 хүүхдийг гал түймэрт өртөж, эрүүл мэнд, амь насаа алдахаас авран хамгаалсан байна. Эцэг эх, томчуудын хайхрамжгүй байдлаас бага насны хүүхдүүд гал түймэрт өртөж түлэгдэж, гэмтэж, эрүүл мэнд амь насаа алдсан тохиолдол гарч байгаа тул нийт эцэг эхчүүд, томчуудыг гэр, орон байрныхаа галын аюулгүй байдлыг хангаж, ахуйн ослоос урьдчилан сэргийлж бага насны хүүхдэд тавих хараа хяналтыг сайжруулах, харгалзах хүнгүйгээр гэрт нь цоожилж үлдээхгүй байж, хүүхдэд тавих хараа хяналтаа дээшлүүлэхийг НОБГ-аас анхааруулж байна.
Нийслэлийн 377 жилийн ойн хүрээнд Улаанбаатар хотын хөгжил дэвшилд үнэтэй хувь нэмэр оруулсан шилдэг бүтээн байгуулалтыг шалгаруулах ёслолыг 4 дэх жилдээ зохион байгуулна. Энэ удаагийн оны шилдэг бүтээн байгуулалтыг дараах 4 төрөлд нэр дэвшүүлж, сонгон шалгаруулахаар боллоо.
Доналд Трамп, Хилари Клинтон хоёрын мэтгэлцээн болж өндөрлөлөө. Урьдчилсан санал асуулгын дүнгээс харахад Хиллари Клинтон есөн хувийн саналаар тэргүүлж байсан. Хоёр дахь удаагийн мэтгэлцээний дүнгээр Хиллари Клинтон 47 хувийн санал авч өрсөлдөгчөө тэргүүлсэн юм. Энэ удаад Доналд Трампийг нэлээд хүчин чармайлт гаргана гэж ардчилсан намаас үзэж байв. Гэвч энэ удаагийн мэтгэлцээнээр Доналд Трамп олигтой үр дүн гаргаж чадалгүй 52:39 харьцаагаар ялагдлаа. Хиллари Клинтон ялагч болох нь тодорхой боллоо гэж олон улс дүгнэж байна. Мексикийн дагуу хана барихыг та дэмжиж байсан шүү дээ гэж Трамп Клинтоноос асуужээ. Харин Клинтон “Одоо цаг үе нь өөр болсон байна. Би тэр үед дэмжиж байсан ч цагаачдыг заавал хана барьж тусгаарлалгүйгээр техник технологийн хөгжлөөр асуудлыг шийдэж болно шүү дээ” хэмээжээ. Трамп мөн асууж байгаа асуултууд Хиллариг дэмжсэн өнгө аястай байна хэмээн шүүмжилсэн байна. Мөн үр хөндөлт, эдийн засгийн асуудлаар ярьжээ. Дундаж давхарынханд хөрөнгө оруулах нь зөв. Тэгснээр нийгмийг эрүүлжүүлж байдаг хэмээн Хиллари хэлсэн бол Доналд Ерөнхийлөгч болвол 10 сая ажлын байр бий болгоно хэмээжээ. Мэтгэлцээний үзэгчдийн 36 хувь нь Ардчилсан намын үзэгчид байсан бол 29 хувь нь Бүгд найрамдах намын үзэгчид байжээ. Гэхдээ үзэгчдийн 10 хүн тутмын 6 нь Доналд Трампийг өнөөдөр сайн байлаа гэж үзсэн байна.
БНСУ-ын Сөүл хотын цагдаагийн газраас манай улсын иргэнийг энэ оны аравдугаар сарын 11-ний өдөр санаатайгаар гал тавьж, хохирол учруулсан хэрэгт сэжиглэн саатуулжээ. Албаны эх сурвалжын мэдээлснээр уг эмэгтэй Сөүл хотод суралцдаг, оюутан аж.
Сум, дүүргийн ИТХ-ын сонгууль 10 дугаар сарын 19-ний өдрийн 07.00-22.00 цагийн хооронд орон даяар нэгэн зэрэг болж өндөрлөлөө. Сэлэнгэ аймгийн хувьд санал өгөх нэрсийн жагсаалтанд 68409 иргэн бичигдсэнээс 41373 иргэн саналаа өгч сонгуулийн ирц 60,48 хувьтай байв. Хамгийн ирц өндөртэй сумдад Түшиг сум 74,9 хувь, Сант сум 73,8 хувь, Баянгол сум 72,3 хувийн ирцтэй байсан бол хамгийн бага ирцтэй сумд нь Сүхбаатар сум 54,8 хувь,
Нийслэл хотод олон улсын усны салбарынхан энэ сарын 23-27-ны өдрүүдэд чуулах гэж байна. Тухайлбал, Олон улсын ус зүйн хөтөлбөрийн Зүүн өмнөд Ази, Номхон далайн бүсийн удирдах хорооны 24 дүгээр хурлыг БОАЖЯ,ЮНЕСКО-гийн Жакарта дахь төлөөлөгчийн газар, ЮНЕСКО-гийн Монголын Үндэсний Комисс болон ЮНЕСКО-гийн Олон улсын ус зүйн хөтөлбөрийн Зүүн өмнөд Ази, Номхон далайн бүсийн удирдах хорооны нарийн бичгийн дарга нарын газар хамтран ажиллахаар болжээ.
Энэ онд улсын хэмжээнд ургацын урьдчилсан балансаар 501.0 мянган тонн үр тариа, үүнээс 482.1 мянган тонн буудай, 174.7 мянган тонн төмс, 117.5 мянган тонн хүнсний ногоо, 32.5 мянган тонн тосны ургамал, 43.4 мянган тонн малын тэжээлийн ургамал тус тус хураан авахаар тогтоогдоод байна. Харин одоогийн байдлаар 75.5 мянган га-г ангилан хадаж, нийтдээ 324.0 мянган га-гаас 452.8 мянган тонн үр тариа /441.4 мянган тонн улаан буудай, 14.2 мянган га-гаас 150.3 мянган тонн төмс, 7.7 мянган га-гаас 86.8 мянган тонн хүнсний ногоо, 18.6 мянган га-гаас 45.2 мянган тонн тэжээлийн ургамал/, 35.8 мянган га-гаас 15.1 мянган тонн тосны ургамал тус тус хураан аваад байна.