Зам, Тээврийн Хөгжлийн сайд Д.Ганбат төмөр зам, автозам, автотээвэр, агаарын тээврийн салбарын үйл ажиллагаа, тулгамдаж байгаа шийдвэрлэх шаардлагатай асуудал, цаашид баримтлах бодлого, хэрэгжүүлэх төсөл хөтөлбөрүүдийн талаар өнөөдөр мэдээлэл өглөө.
Ухаа худаг- Гашуун сухайт чиглэлийн 267 км төмөр замыг барих концессын гэрээг Монголын Төмөр Зам компани “Самсунг Си энд Ти” компанитай байгуулсан байсан.
Энэ гэрээг хоёр тал тохиролцсоны үндсэн дээр өнөөдөр хүчингүй болгосон байна. Гэрээ дүгнэх үйл ажиллагаа гурван сарын турш үргэлжилж өнөөдөр ийнхүү дуусгавар болсныг Зам Тээврийн Хөгжлийн сайд Д.Ганбат мэдээллээ.
Тэрбээр “Гашуун сухайт хүрэх энэ төмөр зам нийгэм, эдийн засгийн онцгой ач холбогдолтой. Энэ зам жилд 30 сая тонн нүүрс тээвэрлэх хүчин чадалтай. Нүүрсээ тогтмол тээвэрлэхэд 11 жилийн дотор зардлаа 100 хувь нөхнө.
Ухаа худаг-Гашуун сухайт чиглэлийн төмөр замыг “Энержи Ресурс” компани өөрөө ашиглалтад оруулаад 30 жилийн дараа улсад тодорхой хувийг нь өгөх нөхцөлтэй байсан. Уг компанийн боловсруулсан ТЭЗҮ-гээр энэ зам 1.1 тэрбум ам.доллараар босно. Өмнөх Засгийн газрын үед Н.Алтанхуяг Ерөнхий сайд энэ гэрээг хүчингүй болгож, Монголын Төмөр Зам компанид эрхийг нь шилжүүлсэн.
Энэ төмөр замыг ганцхан Таван толгойн нүүрсийг тээвэрлэнэ гэж бодож болохгүй. Оюу толгойн зэсийн баяжмалыг ч гэсэн энэ замаар экспортод гаргана. Төмөр замын тавдугаар зөрлөгийг Оюу толгой уурхайтай холбож баяжмалаа тээвэрлэнэ. Мөн ойр хавийн төр болон хувийн хэвшлийн ордуудын нүүрсийг тээвэрлэж, тээврийн эрчмийг ихээр нэмэгдүүлэх боломжтой.
“Энержи Ресурс”-ын боловсруулсан ТЭЗҮ-д зөвхөн Ухаа худаг-Гашуун сухайтын төмөр зам гэж байсан. Одоо Таван толгой-Гашуун сухайтын төмөр зам болох юм байгаа юм. Энэ утгаараа төр, улсын төсөвт төвлөрөх орлого нь нэмэгдэх ач холбогдолтой төмөр зам.
“Самсунг Cи энд Tи” компани санхүүгийн хувьд асуудал үүссэн гэж үзээд хууль хяналтын байгууллагаар шалгагдаж байгаа. Тэгэхээр энэ талаар мэдээлэл өгөх боломж одоохондоо байхгүй.
Харин уг компани МТЗ компанитай санхүүжилтын асуудлаас болоод зогссон гэрээгээ цаашид үргэлжлүүлэх боломжгүй гэж мэдэгдсэн байгаа.
МТЗ компаниас санхүүжилтийн асуудлыг шийдвэрлэж, замыг үргэлжлүүлэн барих хүсэлтийг тавьсан боловч Самсунг Cи энд Tи компанийн зүгээс хөрөнгө оруулалтын асуудлыг шийдсэн ч үргэлжлүүлэх боломжгүй гэж мэдэгдсэн. Тийм учраас бид дараагийн хөрөнгө оруулагчийг олж хамтран ажиллахын тулд уг гэрээг цуцлахаас өөр аргагүй боллоо гэж үзсэн юм. Гэрээгээ дүгнээд хоёр тал гэрээгээ өнөөдөр хүчингүй болголоо. Ямар нэгэн гомдол санал гараагүй” гэв.
НҮБ-ын Уур амьсгалын ногоон сан (Green Climate Fund)-ийн Удирдах зөвлөлийн 14 дэх удаагийн өртгөтгөсөн хуралдаан 2016 оны 10 дугаар сарын 14-ний өдөр БНСУ-ын Инчеон хотноо боллоо. Уг хуралдаанаар дэлхийн уур амьсгалын өөрчлөлтийг сааруулах, хүлэмжийн хийг бууруулах чиглэлийн төсөл хөтөлбөрүүдэд 745 сая ам.долларын санхүүжилт хийхээр шийдвэрлэсний зэрэгцээ тус сангаас магадлан итгэмжлэгдсэн Хэрэгжүүлэгч Байгууллага (Accredited Entities)-уудын тоог наймаар нэмж, 41 болгосны дотор ХасБанкийг Монгол Улс дахь Үндэсний Хэрэгжүүлэгч Байгууллага хэмээн магадлан итгэмжиллээ.
Монгол улс нарны анхны цахилгаан станцаа Дархан-Уул аймагт барих гэрээг өнгөрсөн долдугаар сард байгуулсан. Тус гэрээний хүрээнд Дарханд төвтэй дотоодын “Solar power international”, Японы “Sharp” корпорац, “Shigemitsu shoji” компани хамтран 10 мвт-ын хүчин чадалтай станц барьж байгаа юм.
“Oscar”-ын шагналт, нэрт продюсер Андре Морган, “Hollywood School house”-ийг үүсгэн байгуулагч Феррис Вебе, Лос Анжелес хотын амбан захирагч Антонио Вилларайгоса зэрэг олон улсад нэр хүндтэй уран бүтээлчид, нийгмийн зүтгэлтнүүд хүндэт гишүүнээр тус, тус сонгогдон ажилладаг “Азийн дэлхийн шилдэг кино наадам” 10-р сарын 24-өөс 11-р сарын 1 хүртэл болох гэж байна.
МУИС-ийн Хууль зүйн сургуулиас санаачлан Улсын Их Хурлын Тамгын газар, Хууль зүй, дотоод хэргийн яам, Монголын Хуульчдын холбоо, Ханнс Зайделийн сантай хамтран “Монгол Улсын хувийн эрх зүйн тулгамдсан асуудал: Иргэний болон худалдааны хууль тогтоомжийн олон улсын жишиг” сэдэвт олон улсын симпозиумыг Төрийн ордонд зохион байгууллаа.
Монголын спорт холбоодууд “РИО-2016” олимпийн наадмаас хойш өнгөрсөн 90 хоногт багтаж, дөрвөн жилийн тайлангаа хэлэлцэн, дараагийн олимпийн наадамд бэлтгэх үндсэн зорилгоо тодорхойлох хурлаа зохион байгуулдаг уламжлалтай. Олон улсын спортын холбоод ч энэ жишгийг барьж ажилладаг.
-ОХУ-ын Ерөнхийлөгч В.Путин “Алеппо хотод түр гал зогсоох хугацааг боломжийн хүрээнд сунгахад бэлэн байна” гэж мэдэгдлээ. Тэрээр цааш нь “Бид агаарын цохилтыг түр зогсоох хугацааг нөхцөл байдлыг харгалзан үзсэний үндсэн дээр тогтоохоор төлөвлөж байна. АНУ нь Сирийн сөрөг хүчнийхнийг “Жебхат аль-Нусра” зэрэг террорист бүлэглэлээс ялгаж салгана гэсэн амлалтаа биелүүлнэ гэж бид найдаж байна. Ингэснээр бид цаашид хамтын ажиллагаагаа хэрхэн явуулах талаар ойлголцох юм” гэв.
ТХ-ийн сайдын тушаалаар томилогдсон Ажлын хэсгийнхэн “Яаралтай түргэн тусламж”-ийн зориулалтаар ашиглах нисдэг тэрэгний зогсоол байгуулах боломжтой байршлуудад газар дээр нь ажиллаж, судалгаа гаргаад байна. 
Сум, дүүргийн ИТХ 2016 оны ээлжит сонгуулийн санал хураалт өчигдөр улс орон даяар явагдсан ч зарим хэсгүүдэд ирц хүрээгүй, санал тэнцсэн асуудал гарсан байгаа. Иймээс энэ сарын 23-нд буюу ням гаригт ирц хүрээгүй хэсэгт нэмэлт санал хураалт, энэ сарын 29-ны өдөр санал тэнцсэн хэсгүүдэд дахин санал хураалт явуулахаар болсон талаар СЕХ-ноос мэдэгдэж мэдээлэл хийсэн. Cонгуулийн тухай хуулийн 66.1 дэх хэсэгт иргэдийн засаг захиргааны нэг нэгжээс өөр нэгжид шилжин суурьших хөдөлгөөнийг санал авах өдрөөс 60 хоногийн өмнө түр зогсоож, санал авах өдрийн дараах өдөр сэргээнэ гэж заасан байдаг. Тэгвэл дахин санал хураалт явуулахтай холбогдуулан энэ сарын 30-н хүртэл шилжилт хөдөлгөөн хийгүй гэдгийг ч мэдэгдэв.