Нийслэлийн Засаг даргын захирамжаар 2016 оны 2 дугаар ээлжийн цэрэг татлага 10 дугаар сарын 21, 22-ны өдрүүдэд явагдаж байна. Нийслэлийн Засаг дарга бөгөөд Улаанбаатар хотын захирагч С.Батболд өнөөдөр цэрэг татлагын явцтай танилцлаа. Чингэлтэй дүүргийн хувьд цэрэг татлагын үйл явц хэвийн үргэлжилж байгаагаас гадна цэрэгт явах хүсэлтэй залуусын тоо ч нэмэгдсэнийг хэлсэн юм. Хотын дарга энэ үеэр “Эмч нартай уулзаж байхад залуус эрүүл мэндийн шалтгаанаар хасагдах тохиолдол багассан байна. Цэргийн насны залуусын эрүүл мэндийн байдал дээшилсэн нь ажиглагдлаа. Чингэлтэй дүүргийн хувьд татагдан ирж байгаа бүх хүүхдээ эрүүл мэндийн урьдчилан сэргийлэх үйл ажиллагаанд хамруулдаг юм байна. Өнгөрсөн онд эрүүл мэндийн шалтгаанаар хасагдсан хүүхдүүдээ бүтэн жилийн турш дүүргийн эрүүл мэндийн нэгдэл болон өрхийн эмнэлгүүд анхаарч ажилладаг. Хоёрдугаарт, залуучуудын бие бялдар сайжирч, цэрэгт явах хүсэлтэй залуус ч олширсон байна.” гэлээ.
Нийслэлийн цэргийн штабын дарга, хурандаа Ж.Болдбаатар “Энэ удаагийн цэрэг татлага шинэ хуулиар явагдаж байгаагаараа онцлог. Батлан хамгаалах болон бусад хуульд 26 нас хүрээд цэргийн алба хаагаагүй иргэн дүйцүүлэх албыг мөнгөн төлбөрийн хэлбэрээр хаадаг. Энэ үйл ажиллагааг шинэ хуулиар зохицуулж өгсөн. Өнөөдрийн байдлаар нийслэлийн хэмжээнд цэргийн дүйцүүлэх алба хаасан 1124 иргэн 591,3 сая төгрөгийн төлбөр төлж, төрийн санд төвлөрүүлээд байна.” гэсэн юм. Чингэлтэй дүүргийн цэргийн штабынхан цэрэгт татагдаж байгаа залуусыг хүссэн ангидаа хувиарлагдах боломж олгоход анхаарч ажиллаж байгаагаа хотын даргад танилцууллаа.
Энэ сарын 17-ны өдөр 3105 дугаартай ачааны галт тэрэг Бага-нуураас нүүрс ачаад ирж явахдаа 406-гийн гарам буюу Замын цагдаагийн урд талын призертэй авто гарам хүрэх гэж явахад зам түгжирч төмөр замын хаалт автоматаар бууж машинууд гацжээ. Хэдийгээр гармын жижүүр Н.Уянга замын хөдөлгөөн зохицуулж байсан цагдаа руу хашгирч машинуудыг явуулахыг хүссэн боловч тэрээр дуу чимээ ихтэйгээс болоод сонсоогүй байна. Ингээд тэрээр машинист руу цаг алдалгүй утасдаж “Зогс” гэдэг дохио өгчээ. Ингээд 70 км хурдтай явж байсан галт тэргийг машинист Т.Золбоо тооромсолж автомашинуудад метр хүрэхгүй зайнд ирэхэд нь галт тэргийг бүрэн зогсоож чадсан байна. Тэрээр “Ийм зүйл өмнө нь хэд хэд гарч байсан гэж ахмад машинистууд ярьж байсан, гэхдээ хүсэх юм биш байна лээ” хэмээн манай сонинд ярилцлага өгчээ.
Дөрвөн удаагийн олимпийн аварга өдгөө 32 настай Каори Ичо ард түмний баатар боллоо. Тэрээр Риогийн олимпод чөлөөт бөхийн 58 кг-ийн жинд Оросын тамирчин Коблова Золобоваг ялан дөрөв дэхь алтан медалиа авсан юм. Түүний олимпоос авсан дөрвөн алтан медаль нь эмэгтэйчүүдийн төрөл дэх түүхэн амжилт юм байна. Түүнийг Ерөнхий сайд Шинзо Абэ өрөөндөө хүлээн авч алтан бүс, кимоно бэлэглэжээ.
Баруун аймгуудад бог малын мялзан төст өвчин илэрсэнтэй холбогдуулж Улсын онцгой комисс Ховд, Баян-Өлгий, Увс аймагт энэ сарын 9-нөөс 16-нд ажиллалаа. Малын мялзан төст өвчин өнгөрсөн оны арван нэгдүгээр сард Ховд аймгийн Булган суманд гарсан. Өвчин анх гарах үед холбогдох албаны хүмүүс тодорхой арга хэмжээ авч ажлаагүйн улмаас 11 мянган толгой мал хорогдсон ажээ.
Ховд аймгийн Булган сумын Ярантын боомтоор 11,5 тун вакцин оруулж ирлээ.
Мялзан өвчний эсрэг вакциныг хүлээн авлаа. 
Монгол Улсын шадар сайдын тушаалаар баруун аймагт гарсан бог малын мялзан төст өвчний голомттой бүсэд ажиллах улсын онцгой комиссын гишүүд Ховд аймагт аравдугаар сарын 9-нд ирлээ. Энэ оны аравдугаар сарын 8-ны байдлаар аймгийн хэмжээнд 74.166 толгой мал өвчилж, 11.869 толгой мал хорогдож, 59.775 мал эдгэрч, 2482 толгой мал өвчний шинж тэмдэг илэрч байгаа аж. Ховд аймгийн 11 суманд бог малын мялзан төст өвчиний голомт илрээд буй аж. Тухайлбал Булган суманд 37847 мал, Үенч суманд 22145 мал өвчтэй байна. Мялзан төст өвчин өмнө манай улсад гарч байгаагүй бөгөөд анхны тохиолдол нь Ховд аймгийн Булган суманд өнгөрсөн оны сүүлээр илэрсэн хэмээн мэргэжлийн хүмүүс хэлж байна.
Ховд аймгийн Булган сумын тамгын газрын дарга Ч.Батаа: Манай сумын хэмжээнд 40 мянган мал өвчилснөөс долоон мянган мал хорогдсон. Өнгөрсөн жилийн 11 дүгээр сарын сүүлээр энэхүү өвчний шинж тэмдэг илэрсэн. Аймгийн Засаг даргын захирамжийн дагуу Булган сум хорио цээрийн бүс нутагт орсон. Одоогийн байдлаар вакцинжуулалтын арга хэмжээ бүрэн авч дууссан. Цаашдаа хорио цээрийн дэглэмээ бууруулах болно.
ХХААХҮ-ийн дэд сайд Ж.Сауле: Засгийн газраас бог малын мялзан төст өвчний эсрэг вакцин худалдан авах санхүүгийн асуудлыг бүрэн шийдсэн. Өмнө нь бог малын мялзан төст өвчин манай улсад гарч байгаагүй. Одоогийн байдлаар Баян-Өлгий, Ховд, Увс, Говь-Алтай аймгуудад энэхүү өвчний шинж тэмдэг илрээд байна. Энэ өвчинтэй холбоотойгоор гадаадын мэргэжлийн малын эмч нар ирж зөвлөгөө өгсөн. Бид нарын хамгийн гол зорилго бол ажлаа хурдан шуурхай, чанартай дуусгах явдал юм. Харин дараа нь хариуцлагын асуудал яригдах болно. Малын мялзан өвчин 2015 оны сүүлээр гарсан. Тэр үеэс одоог хүртэл өвчин даамжирсаар нэг аймгийн хэмжээнд 11 мянган толгой мал хорогдоод байна. Үүнийг бид цэвэр хариуцлагын асуудал гэж үзэж байна. Мөн энэ асуудлаар ямар нэгэн улстөржилт хэрэггүй. Зөвхөн үнэн бодит байдлыг л гаргаж ирэх шаардлагатай. Манай улсын эдийн засаг хүндрэлтэй байгаа энэ үед Засгийн газраас малын гоц халдварт өвчинтэй тэмцэх үйл ажиллагааны хүрээнд 13,2 тэрбум төгрөг төсөвлөсөн. Мөн малчдын хариуцлагын асуудал яригдах ёстой. Мал нь өвчлөхөөр төрийнх болдог, малынхаа ашиг шимийг авах болохоор өөрийнх нь болдог. Энэ үзэл санаагаа өөрчлөх хэрэгтэй гэж малчдадаа хэлмээр байна. Тийм учраас малчдын хувийн хариуцлага, сахилга батын тухай мөрдөгдөх эрх зүйн бодлого явуулах шаардлагатай.
Ариутгал, хяналтын пост.
Ховд аймгийн Манхан сумын малчин Б.Сэндмаа: Манайх дөрвөн зуу гаруй малтай. Сумын зарим багаас бог малаас мялзан өвчин илэрсэн. Энэ өвчин гарсантай холбоотойгоор аймгийн Засаг даргын захирамжаар хорио цээрийн дэглэм мөрдөгдөж ирсэн. Ингэснээр бид намаржаандаа гарч чадахгүй байна. Удахгүй вакцинжуулалт дуусах байх. Өвлийн бэлтгэл ажил тааруухан байна. Учир нь малчид малаа борлуулж, ашиг шимийг нь хүртэх боломж багассантай холбоотой.
Улсын онцгой комисс.
Баян-Өлгий аймгийн Булгам сумын онцгой комиссын шуурхай хуралдаан.
Баян-Өлгий аймгийн Булган сумын мал эмнэлгийн үржлийн тасгийн эрхлэгч С.Халебек:
ХХААХҮ-ийн дэд сайд Ж.Сауле нь Улсын онцгой комиссын шийдвэрээр Баян-Өлгий аймагт хил дамнасан малын халдварт өвчнөөс урьдчилан сэргийлэх ажлын хэсгийг ахалж, холбогдох хүмүүсийн хамт тус аймагт 3 өдөр ажиллалаа. Ажиллах үеэр аймгийн Онцгой комиссыг хуралдуулж хил дамнасан малын халдварт өвчнөөс урьдчилан сэргийлэх чиглэлээр санал солилцож, цаашид анхаарах асуудлын талаар хэлэлцэв. 
Баян-Өлгий аймгий Засаг даргын орлогч Ш.Хавыл:
Увс аймгийн Өмнөговь сумын засаг дарга Р.Төмөрчөдөр: 
Өчигдөр буюу Пүрэв гарагт Олон Улсын Хөлбөмбөгийн Холбоо (FIFA)-ийн чансаа шинэчлэгдэн гарлаа.
2011 онд 168 дугаарт эрэмбэлэгдсэн нь манай хөлбөмбөгчдийн дээд амжилт юм.
Төсвийн хүрээний мэдэгдэл, төсөөлөл хоёрын тоонууд хэр бодитой төсөөлөл вэ. Төсвийн алдагдалыг бууруулах боломж байна уу. Төсвийн зарлагын реформын хувьд засгийн газар ямар зүйлүүдийг төлөвлөж байна. Хийж байгаа таамаглал нь төсвийн төсөөлөл дээрээ хэр буусан бэ. Концессыг гэрээний үр дүнг бас хэлж өгөөч, тооцсон тооцоолол байна уу
“Эрдэнэс Монгол” ХХК-ийн Төлөөлөн Удирдах Зөвлөлийн шийдвэрээр УИХ-ын гишүүн асан Л.Одончимэдийн хүү Одбаярыг тус компанийн Дэд захирлаар томиллоо. О.Одбаяр нь “Эрдэнэс Монгол” компанийн Бизнес хөгжлийн асуудлыг хариуцан ажиллах юм. Тэрээр “Алтай Холдинг” компанийн Дэд ерөнхийлөгч, UB Cinema ХХК-ийн Төлөөлөн удирдах зөвлөлийн дарга, “Ард даатгал” ХХК-ийн Төлөөлөн удирдах зөвлөлийн гишүүнээр ажиллаж байсан туршлагатай аж. 
Авлигын эсрэг хуулийн 14 дүгээр зүйлийн 14.2, 14.3 дахь хэсэгт заасны дагуу төрийн өндөр албан тушаалтнууд АТГ-т хөрөнгө, орлогын мэдүүлгээ өгөх ёстой билээ. Дээрх хуулийн дагуу 243 албан тушаалтан байршуулжээ. Үүнд шинэээр сонгогдсон УИХ-ын гишүүдийн нэрс ч оржээ. Энэ талаар мэдээллийг авахыг хүсвэл та 
Риогийн олимпод хүрэл медаль хүртсэн манай улсын тамирчин Г.Отгонцэцэгийн багш Д.Энхбаатар Казакстаны эмэгтэйчүүдийн шигшээ багийн ахлах дасгалжуулагчийн албанд томилогджээ. Тэрээр 11 дүгээр сард Кызылордод болох УАШТ-ий дараа албан ёсоор ажилдаа орох юм байна. Манай мэргэжилтэн Д.Энхбаатар 2020 он хүртэл ажиллах гэрээ байгуулжээ. Г.Отгонцэцэгийн хувьд жингийнхээ гуравдугаарт жагсаж байгаа бөгөөд ирэх долоо хоногт Абу Дабид болох Их дуулгад оролцохоор бэлтгэлээ базааж байна.
Өнгөрсөн оны 11 дүгээр сарын 28-ны өдөр Баянгол дүүргийн нутаг дэвсгэрт 19 настай залууг 26 удаа хутгалж, амийг нь хохироосон аймшигт хэрэг гарсан билээ. Энэ хэрэгт 33 настай Б гэгчийг сэжиглэн шалгаж эхэлсэн юм. Баянгол дүүргийн Эрүүгийн хэргийн анхан шатны шүүхээс Б-д холбогдох хэргийг “Аргагүй хамгаалалт” хэмээн хэрэгсэхгүй болгосныг Эрүүгийн хэргийн давж заалдах шатны шүүх мөн хэвээр үлдээсэн билээ.