Авлигатай тэмцэх газраас нийтийн албанд томилогдохоор нэр дэвшсэн 1498 иргэний хувийн ашиг сонирхлын мэдүүлгийг урьдчилан хянаж, шалгажээ. Энэ хүрээнд 1247 мэдүүлгийн хариуг холбогдох байгууллагад хүргүүлсэн бол үлдсэн 251 мэдүүлэг хянагдах шатандаа яваа аж.
Эдгээрээс 914 иргэний мэдүүлэг хувийн ашиг сонирхлын зөрчилгүй буюу нийтийн албанд тэнцжээ. Харин 74 иргэний ажлын байрны тодорхойлолт хуульд заасан шаардлага хангаагүй байна.
Түүнчлэн тэд эрхлэх ажлын хүрээнд хамааралгүй, ашгийн төлөө байгууллагатай нэгдмэл сонирхолтой зэрэг зөрчил үүсч болохуйц нөхцөл илэрчээ. Тиймээс АТГ-аас эл зөрчлийг 30 хоногийн дотор арилгах үүргийг холбогдох байгууллагын удирдлагуудад өгсөн байна.
Мөн шинээр ажилд орсон 237 иргэн урьдчилсан мэдүүлгээ хянуулалгүйгээр томилогдсон, зарим албан тушаалтны мэдүүлгийг томилох эрхгүй этгээд ирүүлсэн зэрэг зөрчил илэрчээ.
Тэрчлэн Засгийн газраас томилогдох 22 агентлагийн удирдах албан тушаалтан хувийн ашиг сонирхлын зөрчилтэй байжээ.
Тухайлбал, Засгийн газрын гишүүн, дэд сайд, УУХҮЯ-ны газрын дарга, ХХААХҮЯ-ны газрын дарга, ГЕГ-ын дэд дарга, “Эрдэнэс таван толгой” ХК-ийн дэд захирал, АМГТГ-ын Нүүрсний судалгааны хэлтэс, Мэдээлэл технологийн төв, Хүнд үйлдвэр, техник технологийн хэлтсийн дарга зэрэг албан тушаалд нэр дэвшсэн иргэдийн мэдүүлэг нь хууль зөрчиж болзошгүй нөхцөлтэй байсан аж.
Энэ талаар АТГ-ын Олон нийттэй харилцах албанаас “Дээрх 22 иргэний мэдүүлэг нь нийтийн албан тушаалтан албаны бүрэн эрхээ хэрэгжүүлэх үед түүний хувийн ашиг сонирхол нийтийн ашиг сонирхолтой зөрчилдөх болон албан үүргээ тэгш, шударгаар хэрэгжүүлэхэд харшаар нөлөөлж болохуйц нөхцөл байдлыг бий болгосонбайна. Мөн “Мэдүүлэг гаргагч хувийн ашиг сонирхлын мэдүүлгээ өөрөө үнэн зөв гаргах үүрэгтэй” заалтыг зөрчсөн байсан” гэх мэдээллийг өглөө.
Тиймээс тус газраас тэднийг томилох эрх бүхий албан тушаалтнуудад “Нийтийн албанд томилогдохоор нэр дэвшсэн этгээд тухайн албан үүргийг гүйцэтгэхэд илт ашиг сонирхлын зөрчил үүсч болох нь тогтоогдсон бол түүнийг тухайн албанд татгалзах үүрэгтэй гэж заасныг хэрэгжүүлж ажиллахыг сануулж, мэдэгдэл хүргүүлсэн байна.
Өнөөдөр буюу есдүгээр сарын 2-нд УИХ дахь МАН-ын бүлгийн хурал хаалттай болж өнгөрлөө. Хуралдаанаар ямар асуудал хэлэлцэн талаар МАН-ын бүлгийн дарга Д.Хаянхярваа сэтгүүлчдэд мэдээлэл өглөө.
УИХ дахь МАН-ын бүлэг зарим төрлийн татвар нэмэх, нийгмийн даатгалын шимтгэл нэмэгдүүлэх зэрэг асуудлыг хэлэлцжээ.
“Интерпласт” олон улсын байгууллагыг төлөөлөн ирсэн Австралийн эмч нарын баг Хөвсгөл аймгийн Нэгдсэн эмнэлгийн эмч нартай хамтран түлэнхийн дараахь сорви, гэмтэлтэй 12 хүүхдэд мэс засал үнэгүй хийж, 5 хүүхдийн сорвинд тариа хийж, 65 хүнд үзлэг оношлогоо хийж зөвлөгөө өгсөн байна. 
УИХ, ЗГ-ын гишүүн, Хууль зүй,
Өнгөрсөн хугацаанд ХСИС 37
Мэдээллийн технологийн үндэсний парк нь Япон улсын мэдээллийн технологийг дэмжих агентлагтай хамтран Азийн бүс нутагт мэдээллийн технологийн монгол мэргэжилтнүүдийн мэдлэг, ур чадварыг дээшлүүлэх, олон улсын түвшинд хүргэх, мэдээллийн технологийн инженерийн шалгалтын цар хүрээг тэлэх, шалгалтын ач холбогдол, мэдээ мэдээллийг төрийн болон бизнесийн байгууллага, их дээд сургуулийн оюутнуудад таниулан сурталчлах зорилгоор “Мэдээллийн технологийн хүний нөөцийн чадвар-10 жил” семинарыг өнөөдөр зохион байгууллаа. МТҮП шалгалт нь Азийн 7 оронд зэрэг авдаг, 12 оронд хүлээн зөвшөөрөгдсөн шалгалт юм байна. Энэхүү шалгалтыг Монгол Улсад нутагшуулаад 10 дахь жилтэйгээ золгож байгаа аж. Дөрвөн түвшний 12 шалгалт байдгаас Монгол Улс одоогийн байдлаар 3 түвшний нийт 21 удаагийн шалгалтыг зохион байгуулсан байна. 21 удаагийн энэ шалгалтад 1500 шалгуулагч хамрагдсанаас 130 шалгуулагч амжилттай дүн үзүүлж сертификатаа гардан авчээ.
Энэхүү семинарт “Монголын МТ-ийн инженерүүдийн ур чадвар, онцлог” сэдвээр илтгэл тавьсан ШУТИС-ийн МХТС-ийн профессор багш А.Алтангэрэлтэй ярилцлаа.
Өчигдөр буюу есдүгээр сарын 1-ний өдөр найман хүүхэд зам тээврийн осолд өртөж, бэртсэн байна. Осолд өртсөн гурван хүүхэд зам гарах үедээ осолд оржээ. Тухайлбал, 13 дугаар сургуулийн хойд талын замд найман настай хүү машинд мөргүүлсэн хэрэг гарсан бол Баянзүрх дүүргийн Мэнгэт хүнсний дэлгүүрийн баруун талын замд 11 настай хүү зам гарж яваад автомашинд мөргүүлсэн байна. Бага насны хүүхдүүд харгалзах хүнгүй, явган хүний гарцгүй газраар зам хөндлөн гарч байсан аж.