Банкны шалгуур, нөхцөлийг хангасан элэгний с вирустэй иргэдэд энэхүү өвчлөлийг бууруулахад хувь нэмрээ оруулах зорилготойгоор “ХасБанк” хөнгөлөлттэй зээл олгохоор болсон юм. Зээлийн мөнгийг эмчилгээний зээлд зориулан тусгайлан гаргасан төлбөрийн картад олгох бөгөөд уг картыг одоогоор ХасБанктай хамтын ажиллагааны гэрээ байгуулсан Интермед, Гранд мед, Сонгдо эмнэлэгүүд, Хаппи Веритас, Гялс, Мед аналитик, Стандлаб, Онкоген, Итгэл, Элэгний төв лабораториуд болон Омбол, Монгол эм импекс эм ханган нийлүүлэгч байгууллагуудын карт уншигч машинд уншуулан эмчилгээ, үйлчилгээний төлбөрөө төлөх юм байна.
Зээлийн хэмжээ нь 2.5-4 сая төгрөг хүртэл байх бөгөөд 36 сарын хугацаатай хүү нь 1.2 хувь байх аж. Энэхүү зээлийг 18-аас дээш настай эрх зүйн бүрэн чадамжтай, зургаа болон түүнээс дээш сарын хугацаанд тогтвортой ажил эрхэлсэн эсвэл 12 сараас дээш хугацаагаар бизнесийн үйл ажиллагаа явуулсан иргэн авч болох юм байна.
О.ӨНӨР
Залуу монгол судлаачдын зуны сургуулийг жил бүр уламжлал болгон зохион байгуулдаг. Энэ жилийн сургуульд ОХУ, Герман, Швейцари, Чех, Унгар, Итали, Финланд, БНХАУ, Япон, Австрали, АНУ тэргүүтэй дэлхийн 12 орны 18 их сургууль, судалгааны төвөөс 30 гаруй залуу судлаач, оюутан оролцож байна. Тус арга хэмжээнд оролцогчдыг Монгол Улсын Ерөнхийлөгчийн Тамгын газрын П.Цагаан Ерөнхийлөгчийн дэргэдэх Иргэний танхимд өнөөдөр хүлээн авч уулзлаа.Тэрбээр залуу монгол судлаачидтай танилцаж, монгол судлалын салбарыг сонгон суралцаж буйд нь талархал илэрхийлэн, монгол хэл, соёлын талаар ярилцав. Зуны сургуулийн гол зорилго нь ирээдүйн залуу судлаачдыг монгол ахуй орчинтой танилцуулж, хэл соёлын амьд харилцааны орчинд сургахад оршиж байгаа билээ. 
Булган аймгийн Бугат сумын төвөөс хойд зүгт 17 км-т өчигдөр 12.25 цагт 3.5 магнитудын хүчтэй газар хөдлөсөн байна. Одон орон, геофизикийн хүрээлэнгээс өгсөн мэдээллээр газар хөдлөлтийн өргөрөг 48.95 уртраг 103.45 солбилцолд бүртгэгдсэн байна. Тус хэсэг нь Булган аймгийн Бугат сумын Хан жаргалант багт харьяалагддаг бөгөөд нутаг дэвсгэрт зуншиж буй иргэд, мал одоогоор ямар нэгэн хохирол амсаагүй байна.
Улсын ерөнхий прокурорын газраас мэдээлэл хийсэн билээ. Тус газраас энэ оны эхний найман сарын байдлаар бэлтгэсэн тайлан мэдээ хүргэсэн юм. Энэ онд Гадаад улсад хорих ял шийтгүүлсэн Монгол улсын иргэн ялтан шилжүүлж авах ажиллагааны хүрээнд БНХАУ-д ял эдэлж байсан нэг ялтанг шилжүүлэн авчээ. Мөн таван ялтны хүсэлтийг хянаж, дөрвөн хүсэлтийг шаардлагатай материалыг бүрдүүлэн холбогдох байгууллагад уламжилсан байна. Мөн Монгол Улсад хорих ял эдэлж буй гадаад улсын иргэдээс энэ онд гурван иргэн эх орондоо шилжих хүсэлт гаргасан байна. Тодруулбал, Бангладеш улсын 1 иргэн, БНХАУ-ын 2 иргэн байгаа ажээ.
Засгийн газрын хуралдаанаар өнөөдөр хэд, хэдэн томилгоо хийх сураг байна. Иргэний нисэхийн ерөнхий газар, Шударга өрсөлдөөн хэрэглэгчийн төлөө газар гэх мэт агентлагууд болон зарим яамдын зарим дарга нарыг томилох бололтой. Ямартай ч Засгийн газар томилгоо, халаа сэлгээнийхээ асуудлыг хурдан цэгцлэхийг холбогдох газрууд шаардаж байгаа аж.
Монголын хүндийг өргөлтийн эмэгтэй тамирчин энэ жил анх удаа хүн төрөлхтний эв нэгдлийн их наадам 31 дүгээр олимпод оролцсон билээ. Тэр бол Риогийн олимпийн хүндийг өргөлтийн тэмцээний 69 кг-ийн жинд оролцсон ОУХМ М.Анхцэцэг юм. Тэрбээр энэ жил 18 настай.
Улсын ерөнхий прокурорын газраас өнөөдөр мэдээлэл хийсэн. Энэ үеэр олны анхаарал татаад буй томоохон хэргүүдийн талаар мэдээлэл өглөө. Мэдээллийг УЕП-ын туслах, Дотоод аюулгүй байдлын хэлтсийн дарга Э.Амарбат болон Нийслэлийн прокурорын газрын прокурор Г.Бясман нар мэдээлэл өгсөн юм. Ингээд олны анхаарлын төвд зүй ёсоор орж буй УИХ-ын гишүүн асан Х.Баттулга болон түүний зөвлөх асан А.Гансүх нарын төмөр замтай холбоотой хэргийн талаар дараах мэдээллийг өгөв.
Улсын ерөнхий прокурорын газрын Дотоод аюулгүй байдлын хэлтсийн дарга Э.Амарбат мэдээлэл хийсэн. Энэ үеэр олны анхаарлыг татсан хэд хэдэн хэргийн талаар товч мэдээлэл өгөв. Сонгуулийн үеэр МАН-тай холбоотой 60 тэрбум төгрөгийн гэх бичлэг нэлээдгүй шуугиан дэгдээсэн. Тэгвэл энэ асуудлын талаар ирүүлсэн гомдлын дагуу шалгахад тус бичлэг шүүхийн шинжилгээгээр эвлүүлэг байсан нь тогтоогдсон байна. Тиймээс 60 тэрбумын асуудлаар эрүүгийн хэрэг үүсгэхээс татгалзжээ. 
Өнөөдөр Улсын Ерөнхий Прокурорын газрын дарга Э.Амарбат мэдээлэл хийж тус байгууллагын хагас жилд хийж гүйцэтгэсэн ажлын тайланг танилцуулав. Тэрбээр мөн 2016 оны УИХ болон орон нутгийн сонгуулийн үеэр гарсан гэмт хэргийн шинжтэй гомдлын шийдвэрлэлт ямар явцтай байгаа талаар мэдээлэл хийлээ.
Бразилын Рио-де-Жанейро хотноо олимпийн наадам үргэлжилж байна. Тэгвэл өнөөдөр “Рио 2016” олимпийн наадмын чөлөөт бөхийн барилдаан эхэлнэ. Улаанбаатарын цагаар 22:00 цагаас эхэлж, медалийн төлөөх барилдаан шөнийн 03:00 цагаас болно. Олимпийн дэвжээнд манай эрэгтэй зургаа, эмэгтэй дөрвөн тамирчин өрсөлдөнө. Тиймээс Монголын чөлөөт бөхийн холбооны ерөнхийлөгч, сүмогийн их аварга Д.Дагвадорж тамирчдаа дэмжихээр Риод очоод байна. 