Өнөөдөр буюу найм дугаар сарын 17-нд Засгийн газрын ээлжит хуралдаан боллоо. Хуралдаанаар нийгэм эдийн засгийн тулгарч буй зарим асуудлаар хэлэлцэн шийдвэрлэлээ. Тухайлбал, Төрийн өмчийн компанийн удирдлагуудын цалинг 30-60 хувь бууруулна. Үүнд Төрийн өмчит болон төрийн өмчийн оролцоотой хуулийн этгээдийн гүйцэтгэх захирал болон бусад удирдлагын цалин хөлс, урамшууллын хэмжээг өөрчлөн тогтоож, нэг сарын цалин хөлс нь 5-10 сая төгрөг бол 30 хувь, 10-30 сая төгрөг бол 50 хувь, 30 сая төгрөгөөс дээш бол 60 хувь бууруулахаар тогтжээ.
Дараагаар Хөгжлийн банкны үйл ажиллагааг шалгах ажлын хэсэг байгууллагдлаа. Тодруулбал, Монгол Улсын Хөгжлийн банк байгуулагдсанаас хойш үйл ажиллагаа, санхүүжилтийн эх үүсвэр, зарцуулалт, төслийн сонгон шалгаруулалт, төслийн хэрэгжилтэд хяналт тавих үүрэг бүхий ажлын хэсэг байгуулсан аж. Шалгалтын дүн болон цаашид авах арга хэмжээний талаарх саналаа есдүгээр сарын 10-ны дотор Засгийн газарт танилцуулахыг ажлын хэсэгт даалгалаа.
Аж ахуйн нэгжийн орлогын албан татварын тухай хуульд нэмэлт өөрчлөлт оруулах тухай хуулийн төслийн үзэл баримтлалын төслийг баталлаа. Засгийн газрын хуралдаанаас баталсан үзэл баримтлалаар жилийн 1.5 тэрбум төгрөгөөс ихгүй борлуулалтын орлоготой нэр бүхий салбарын аж ахуйн нэгжид 1 хувиар орлогын албан татвар ногдуулахаар хуулийн төсөлд тусгаад байгаа ажээ.
Мөн малын гаралтай бүх түүхий эдийн экспортыг татвараас чөлөөлөх хуулийн төсөл боловсруулах санал гарлаа. Зарим бараанд ногдуулах экспортын гаалийн татварын хэмжээ тогтоох тухай хуульд өөрчлөлт оруулах тухай хуулийн төслийн үзэл баримтлалыг хэлэлцээд дэмжлээ. Энэ хүрээнд малын гаралтай түүхий эдийн экспортыг бүхэлд нь татвараас чөлөөлөх тухай хуулийн төсөл боловсруулж, Засгийн газрын хуралдаанаар хэлэлцүүлэхийг Сангийн сайд, Хууль зүй, дотоод хэргийн сайд нарт даалгав. Хуулийг 2017 оны нэгдүгээр сарын 1-нээс мөрдөхөөр төсөлд тусгаад байна.
Хөдөө Аж Ахуй Хөнгөн Үйлдвэрийн сайд П.Сэргэлэнд ,Онцгой байдлын ерөнхий газар, Мал эмнэлэг, үржлийн газар зэрэг байгуулагуудын холбогдох албаныхан малын гоц халдварт өвчин, хонины цэцэг болон шүлхий өвчний тархалт улсын хэмжээнд ямар түвшинд байгааг танилцуулсан байна. Тухайлбал өнгөрсөн сард өвчний голомт Дорноговь, Төв, Говьсүмбэр гэсэн гурван аймгийн заагт байсан аж. Нэг голомтод 6 малчин өрхийн 151 толгой үхэр шүлхийгээр өвчилжээ. Үүнээс 16 үхрийг зориудаар устгажээ. Ариутгал халдваргүйжүүлэлтийн бодис, вакциныг тус аймгуудад хүргүүлж 145 мянган малд хоёр удаагийн вакцин тарьж уг өвчний гаралт тархалтыг зогсоогоод байгаа аж.
Засгийн газрын өнөөдрийн хуралдаанаар хэлэлцэж баталсан асуудлаар Засгийн газрын хэвлэл мэдээллийн албаны дарга Г.Отгонбаяр мэдээлэл хийлээ.
Малайзын газрын тос тээвэрлэж явсан хөлөг онгоц Индонезийн орчимд халдлагад өртжээ. Энэхүү хөлөг онгоц нь ойролцоогоор 400.000 ам доллараар үнэлэгдэх 900.000 литр газрын тос тээвэрлэж явсан аж. Малайзын далайн ерөнхий газрын захирал Ахмад Пузи Аб Кахарын мэдээлснээр энэхүү хөлөг онгоц нь Индонезийн Батам арлын ойролцоо явж байсан байна. Энэ бүс нутагт дээрэм булаалтыг бууруулах зохицуулалт байнга хийгдэж ирсэн бөгөөд өнгөрсөн жил л гэхэд Азийн бүс нутагт далайн дээрмийн эсрэг тэмцэх гэрээ ч хийгдэж байжээ. Ингэснээр далайн дээрэм энэ жил тодорхой бус тоогоор өнгөрсөн жилийн мөн үетэй харьцуулахад 64 хувиар буурсан дүн гарчээ. Далайн тээврийн гол бүс нутаг болох Сингапур, Малакагийн хоорондын хил Батамд хамгийн их бууралттай гарч байжээ.
Хичээлийн шинэ жил эхлэхтэй холбогдуулан замын хөдөлгөөний ачааллыг бууруулах зорилгоор наймдугаар сарын 20, 21, 27, 28-ны амралтын өдрүүдэд тээврийн хэрэгслийн улсын дугаарын сүүлийн оронг тэгш, сондгойгоор ангилан замын хөдөлгөөнд оролцуулах Нийслэлийн Засаг даргын захирамж өнөөдөр гаржээ.
Монгол Улсын Төрийн шагналт, Ардын жүжигчин, Хөдөлмөрийн баатар, Зууны манлай уртын дууч Намжилын Норовбанзадын 85 насны ой энэ онд тохиож байгаа билээ. Ойг тохиолдуулан Соёл Урлагийн Их сургууль, Норовбанзад сан, Монголын уртын дууны холбоо хамтран Намжилын Норовбанзад агсны нэрэмжит уртын дуучдын Олон улсын анхдугаар уралдааныг есдүгээр сарын 8-10-ны өдрүүдэд Улаанбаатар хотод зохион байгуулах гэж байна. Тэмцээнд оролцогчдыг наймдугаар сарын 5-ны өдрөөс есдүгээр сарын 5-ны өдрүүдэд 09:00-17:00 цагийн хооронд СУИС-ийн 211 тоотод бүртгэх аж. Тэмцээн А, Б гэсэн хоёр зэрэглэлээр явагдах бөгөөд тэргүүн байр зургаан сая төгрөгийн шагналын сантай юм байна.
“Рио-2016” олимпийн гурав дахь өдөр жүдо бөхийн эмэгтэйчүүдийн 57 кг-ийн жинд барилдсан Доржсүрэнгийн Сумъяа Бразилын бөх Рафаэль Силвад вазари үнэлгээгээр ялагдсанаар олимпийн наадмаас мөнгөн медалийг хүртсэн. Олимпийн мөнгөн медальтнаа угтан авахаар ар гэрийнхэн, найз нөхөд, дэмжигчид
“Цацраг идэвхт ашигт малтмал, нүүрс, газрын тос болон байгалийн хийн нөөцийн ангилал” сэдэвт олон улсын сургалт энэ сарын 16-нд эхэллээ. Уул уурхай, хүнд үйлдвэрийн дэд сайд Х.Бадамсүрэн сургалтыг нээж үг хэлэв. Түүнчлэн хамтран зохион байгуулагч НҮБ-ын Европийн эдийн засгийн комиссын шинжээч, хатагтай Шарлот Грифитс, Олон улсын атомын энергийн агентлагийн мэргэжилтэн Хари Тулсидас нар үндсэн илтгэлийг тавилаа. Ази, Африк, Америк, Европын29орны50 орчим мэргэжилтэноролцож буй энэхүү сургалтаар энергийн түүхий эдийн тухай ойлголтыг тодруулж, UNFC-2009буюу “Энергийн болон хатуу ашигт малтмалын нөөц, баялгийн НҮБ-ийн хүрээнийангилал”болон олон улсын атомын энергийн агентлагаас гаргадаг “Улаан ном-2015”-ын талаар ярилцана.
Гадаад паспортыг олгохгүй, паспорт хүссэн хүсэлтийг ирэх есдүгээр сар гартал хүлээж авахгүй байгаа талаар иргэдээс Засгийн газрын шуурхай мэдээллийн 11-11 төвд хандаж байгаа аж. Иймд гадаад паспорт олголтыг тойрсон хүндрэлтэй асуудлыг шуурхай шийдвэрлэх үүрэг бүхий хамтарсан ажлын хэсгийг Хууль зүй, дотоод хэргийн сайд, Гадаад хэргийн сайдын тушаалаар байгуулахаар болжэ.