Нийслэлийн Засаг дарга бөгөөд Улаанбаатар хотын Захирагч С.Батболд Олон улсын Санхүүгийн корпорацийн Ази, Номхон далайн бүсийн Хөрөнгө оруулалт хариуцсан захирал Хён Чан Чог хүлээн авч уулзлаа. Уулзалтаар хамтын ажиллагааны талаар санал солилцов.
Уулзалтын эхэнд нийслэлийн Засаг дарга бөгөөд Улаанбаатар хотын Захирагч С.Батболд “Улаанбаатар хот, Олон улсын Санхүүгийн корпорацитай хотын дэд бүтцийг хөгжүүлэх, иргэдийг орон сууцжуулах, ажлын байр нэмэгдүүлэх, засаглалыг сайжруулах, иргэдийн оролцоог нэмэгдүүлэх чиглэлээр хамтран ажиллах хүсэлтэй байна” гэлээ.
Харин Олон улсын Санхүүгийн корпорацийн Ази, Номхон далайн бүсийн Хөрөнгө оруулалт хариуцсан захирал Хён Чан Чо “Манай талаас нийслэлтэй ус цэвэршүүлэх, нарны эрчим хүчийг ашиглах, нийтийн тээврийг хөгжүүлэх чиглэлээр хамтран ажиллах сонирхолтой байна. Хувийн хэвшлүүд нарны эрчим хүчийг ашиглах, ус цэвэршүүлэх олон төсөл санал болгодог. Төр, хувийн хэвшилтэй хамтарч ажиллавал илүү үр дүнд хүрнэ. Тиймээс төр, хувийн хэвшлийн түншлэлийг сайжруулахад анхаарч ажиллах болно” гэв.
Нийслэлийн Засаг дарга бөгөөд Улаанбаатар хотын Захирагч С.Батболд “Улаанбаатар хотын ус хангамжийг сайжруулах чиглэлээр Мянганы сорилтын корпорацийн хоёр дахь компакт төсөлтэй уялдуулан ямар байдлаар хамтран ажиллахаа сайтар судалж, дахин уулзаж ярилцья. Цаашид хоёр талын хамтын ажиллагаа улам өргөжин хөгжинө гэдэгт итгэлтэй байна” гэжээ.
Хэдэн жилийн турш санхүүгийн асуудалтай тулгарч, хэдэн сарын турш нислэгийн бэлтгэл хийсний үр дүнд “Airlander” өчигдөр агаарт 20 минут нисэж, Лондонгийн хойд хэсэгт орших Карлингтоны нисэх онгоцны талбайд амжилттай газардлаа.
Онгоцыг Их Британийн компани “Hybrid Air Vehicles” бүтээсэн бөгөөд дөрвөн мотортой байхын сацуу их бие нь нүүрстөрөгчийн мяндсан утсаар хийгдсэн аж. Онгоцны дотор нь 38,000 шоо дөрвөлжин метрийн гелиумын даралт нь тус өвөрмөц хэлбэрээ хадгалахад тусалдаг аж. 
Монголбанкны Захирлуудын зөвлөл хуралдаж бодлогын хүүг 15 хувиар өсгөх шийдвэр гаргажээ. Өмнө нь бодлогын хүү 10.5 хувь байсан. Одоо 4.5 хувиар нэмэгдэж, 15 хувь боллоо. Энэ талаар Монголбанкны мэдэгдлийг хүргэе.
2016-2017 оны хичээлийн жилд хүүхэд шинээр элсүүлэх ажлыг оновчтой зохион байгуулахад мэргэжил, арга зүйн удирдлагаар хангаж, хяналт тавих ажлын хэсгээс цэцэрлэгийн бүртгэл, элсэлтийг зохион байгуулах талаар мэдээлэл өглөө.
Өнөөдөр буюу наймдугаар сарын 18-нд Олон Улсын Валютын сангийн (ОУВС) Монгол Улс дахь Суурин төлөөлөгч Нил Сакер, Монгол Улсыг хариуцсан ажлын хэсгийн ахлагч Коши Матай тэргүүтэй төлөөлөгчид Ерөнхий сайд Ж.Эрдэнэбаттай уулзлаа.
Сонгинохайрхан дүүргийн X дугаар хорооны нутаг дэвсгэрт Хүүхэд харах үйлчилгээний төв байрладаг. Энэ төв гурван өрөө бүхий 60 м2 хэмжээтэй бөгөөд хүүхэд харах үйлчилгээ эрхлэхээр сард 350 мянган төгрөгөөр түрээсэлдэг ажээ.
АНУ-ын усанд сэлэлтийн алдарт тамирчин Майкл Фелпс албан ёсоор зодог тайлсан тухайгаа өөрийн цахим хуудсаараа дамжуулан мэдэгдлээ. Тэрбээр таван олимпод оролцож, 23 алт, хоёр мөнгө, хоёр хүрэл медаль хүртэж, усанд сэлэлтийн спортын түүхэнд тодоор бичигдсэн билээ. Эх спортоо орхих болсон шалтгаан нь хувийн амьдралдаа илүү цаг зарцуулахаар шийдсэнээ хөгжөөн дэмжигчдэдээ тайлбарласан бөгөөд олимпийн дараа найз бүсгүй Николь Жонсонтой хуримаа хийхээр төлөвлөсөн гэдгээ мэдэгсэн аж. Майкл Фелпс өчигдөр өөрийн инстаграм хуудастаа эхнэр, хүүтэйгээ авахуулсан зургаа нийтлээд “Гэртээ байх шиг сайхан зүйл хаана ч байхгүй. Тэтгэвэрт гарсан анхны өдөр” гэж бичжээ. Инстаграмд нийтлэгдсэн түүний зураг дор Лули гэх эмэгтэй “Үнэн гэж үү. Дахин ямар нэгэн спортын уралдаанд орохгүй гэж үү” гэж бичсэн байна. Фелпс “Тийм ээ. Би дахин эргэн ирэхгүй. Энэ бол миний эцсийн шийдэр” хэмээн хариулжээ. Мөн “Миний хувьд энэ бол спортоо орхиж буй хамгийн сайхан боломж. АНУ-ын төлөө өрсөлдөнө гэдэг асар их нэр хүнд. Миний жинхэнэ мөрөөдөл” гэж олимпоос 23 дахь медалиа авсны адраа “Twitter” -тээ бичсэн юм.
