НӨАТ-ын сугалааны тохирол 14 хоног тутамд явагдаж байгаа билээ. Ингэхдээ өмнөх сугалааны тохирлын хугацаанд авсан сугалаа хүчингүй болж шинээр авсан сугалаануудаас азтан тодорч байгаа юм. Энэ удаагийн тохирлоор өнгөрсөн сарын 01-31-ны хооронд хийсэн худалдан авалтын сугалаа хамрагдах аж.
Сугалааны тохирлын сан 675 сая 900 мянган төгрөг юм. Өнгөрсөн сард сугалааны супер азтан тодроогүй тул энэ удаад 150 сая болж өссөн байна. Тохирлыг МҮОНТ шууд дамжуулан хүргэх юм.
Улсын хэмжээнд 37 мянга 98 баримт хэвлэх цэг ажиллаж байгаа бөгөөд өнгөрсөн сард 4 сая 813 мянга 189 баримт хэвлэжээ.
О.ӨНӨР
Риогийн олимпод чөлөөт бөхийн тамирчид амжилт гаргахгүй байгаад Монголын Чөлөөт бөхийн холбооны ерөнхийлөгч Асашёорюү Д.Дагвадорж уучлал гуйсан байна. Өчигдөр эрэгтэйчүүдийн 57, 74 кг-ийн жинд Э.Бэхбаяр, П.Өнөрбат нар барилдсан ч бусдын л адил хариуцлагагүй барилдсан билээ. Үүнтэй холбогдуулан аварга өөрийн твиттер хуудаснаа “Үнэхээр уучлаарай” гээд Чөлөөт бөхийн холбоонд шинэчлэл эхлүүлнэ гэдгээ мэдэгдлээ. Мөн тэрбээр “Бүх зүйлийг шинээр эхлэх ёстой юм байна. Бүгдийг нойлоос” хэмээн жиргэжээ.
Риогийн олимпоос алтан медаль авсан АНУ-ын эмэгтэйчүүдийн багийн гимнастикчин Симон Байлис өөрийн шүтэж явдаг дуучин, жүжигчин 28 настай Зак Эфронтойгоо уулзжээ. Энэ нь гэнэтийн сюрприз байсан бөгөөд түүнийг баярлуулахаар зохион байгуулжээ. Тэрээр түүнийг хараад итгэж өгөхгүй байсан бөгөөд “Өө бурхан минь, тэр мөн гэж үү, би маш их сандарч яахаа мэдэхгүй байна” хэмээн дуу алдсан гэнэ. Тэд хамтдаа зургаа авахуулж цагийг зугаатай өнгөрүүлжээ.
“Эрдэнэс Монгол” компанийн гүйцэтгэх захирал Б.Бямбасайхан мэдээлэл хийхдээ “3.3 ИХ НАЯД ТӨГРӨГИЙГ УЛСЫН ТӨСӨВТ ТӨВЛӨРҮҮЛНЭ” гэж онцолсон юм. 
Монгол,Хятадын хэвлэл мэдээллийн VII форум өчигдөр Хэнтий аймгийн Чингис хотноо эхэллээ. Нийт хоёр улсын 90 гаруй төлөөлөгч оролцож байна. Энэхүү форумыг жил болгон зохион байгуулдаг уламжлалтай. Энэ удаагийн форумд Ази, Европыг холбосон эдийн засгийн коридорыг байгуулах ямар боломж байгааг хэлэлцэж хоёр орны сэтгүүлчид энэ талаар бичих юм байна. Форумд нийтдээ 10 илтгэл тавигдаж, хэлэлцүүлэгдэх аж.
Өнөөдөр эрэгтэйчүүдийн 86 кг-ийн жинд О.Үйтүмэн , 125 кг-ийн жинд Ж.Чулуунбат нар дэвжээнд гарна. Олимпийн наадмын сүүлийн өдөр буюу наймдугаар сарын 21-ний өдөр Гавьяат тамирчин Г.Мандахнаран 65 кг-ийн жинд, Д.Хүдэрбулга 97 кг-ийн жинд өрсөлдөнө.
Ямайкийн хамгийн хурдан хүн Усайн Болт Риогийн олимпоос гурван алтан медаль авна гэсэн зорилгодоо хүрлээ. Тэрбээр Олимпийн гүйлтийн хамгийн сүүлийн төрөл болох 4х100 метрт өнөөдөр буюу наймдугаар сарын 20-нд түүхэн ялалтаа байгууллаа. Ингэснээр тэрээр энэхүү олимпийн 100метр, 200 метр, 4х100 метрийн алтан медалийг энгэртээ зүүж байгаа хамгийн азтай тамирчин болж байна.
Түүний нэрийг Омран Дакниш гэдэг. Тэрээр одоо дөнгөж тавхан настай. Тэрээр өнгөрсөн лхагва гаригт Сирийн Алеппо-д болсон агаарын цохилтын дараа нурангиас олдсон хүү юм. Тэрээр аав ээж, ах, эгчтэйгээ амьдарч байсан. Агаараас өгсөн цохилтонд тэдний байшин өртөж гэр бүлийнхэн нь хүнд шархдаж одоогоор хамаатныхаа байшинд хоргодож байгаа аж. Сирид өдөр бүр 4-5 хүн амиа алдаж байгаа бөгөөд нэг жилийн хугацаанд 65.000 хүн үхсэн гэсэн тоо гарчээ. Хүүг нурангиас гаргахад нэг цаг зарцуулсан бөгөөд тэрээр гүн цочролд орсон байдалтай байжээ. Түүний бяцхан гар хөл цус шороонд будагдсан байсан эмгэнэлт дүр төрх дэлхий нийтийг цочроож байна.