Богдхан уулын дархан цаазат газрын хамгаалалтын захиргаанаас Богд ууланд хяналт шалгалт хийж эхэлжээ. Энэ хүрээнд наймдугаар сарын 15-нд Нүхт болон Түрэгийн амд шалгалт хийхэд 48 автомашин бүхий 300 орчим иргэдийг уулнаас буулгасан байна. Мөн өнгөрөгч долоодугаар сарын 27-ны өдөр Жаргалантын амнаас самарчдын хоёр отог нийлсэн 10 гаруй иргэдийг буулгаж, түлсэн галыг нь унтрааж, тарьсан хог хаягдлыг нь цэвэрлэжээ.
Түүнчлэн тусгай хамгаалалтийн бүсэд зөвшөөрөлгүй нэвтэрсэн иргэдэд Тусгай хамгаалалттай газрын тухай хууль, Ойн тухай хууль, Байгаль орчныг хамгалаах тухай хуулиудын талаар мэдээлэл өгч, самар цайруулах багаж хэрэгслийг нь хураан авсан байна. Иргэд олноор ууланд гарсанаар санаатай болон санамсаргүйгээр ойн түймэр гарах өндөр эрсдэлтэй юм. Тиймд цаашид Богд уулруу нэвтрэх постийг байнга ажиллуулахаар болсон талаар тус байгууллагаас анхаарууллаа.
Сомалийн Галкао хотноо өчигдөр 17.00 цагийн орчимд террорист халдлага болжээ. Халдлагаар 23 хүн амиа алдаж, 100 гаруй хүн шархтсан байна.
Өнөөдөр буюу наймдугаар сарын 22-нд Ардчилсан намаас өөрийн байранд хэвлэлийн хурал хийлээ. Хуралд АН-ын Хяналтын ерөнхий хорооны нарийн бичгийн дарга Б.Батхуяг ирж, сэтгүүлчдэд мэдээлэл өгсөн юм.
Рио Де Жанейрод болсон эрэгтэйчүүдийн 65 кг-ын жинд Узбекистаны тамирчин Иктиёор Наврузовтой Монголын бөх Г.Мандахнаран барилдаж 7:6 харьцаатай Монголын бөх ялж байтал Узбекистаны тал челленж шидэж Монголын тамирчин энэ хооронд 10 секунд дутуу байхад ялчихлаа гэж бодон дэвжээг тойрон гүйж эхэлсэн. Наврузов шидсэн челленждээ ялалт авч нэг оноо нэмүүлэн хүрэл медалийн эзэн болсон юм. Үүнийг эсэргүүцэж Монголын хоёр дасгалжуулагч нэг нь дотуур хувцаснаасаа бусдыг бүгдийг тайлж дэвжээн дээр гарч эсэргүүцлээ илэрхийлсэн бол нөгөө нь өмдтэйгөө эсэргүүцлээ илэрхийллээ. 
Монголын дасгалжуулагчид 65 кг-ын хүрэл медалийн барилдаан дээр ялагдаж эсэргүүцлээ илэрхийлэн хоёр дасгалжуулагч нь хувцсаа тайлан шидлээ. Дасгалжуулагч Б.Баяраа хэлэхдээ “Бид эсэргүүцэж байна. Шүүгчдэд ямар нэг асуудал байна” гэлээ. Монголын бөх үүнээс болж 7:6 харьцаагаар ялагдсан юм. Энэ бол чөлөөт бөхийн түүхэн дэх онооны шийтгэл байлаа гэв.
Монголын тамирчин Г.Мандахнаран болон дасгалжуулагч нар эсэргүүцлээ илэрхийллээ. Тэд эцсийн мөчид 7:6 харьцаагаар хожиж байсан. Харин Узбекстаны талаас челленж шидэж оноог 7:7 болгосон. Узбекстаны тамирчин дасгалжуулагч нь баяраа тэмдэглэж эхэлсэн. Монголын дасгалжуулагчид мөн челленж шидсэн. Гэвч шүүгчид шийдвэрээ өөрчлөөгүй. Монголын дасгалжуулагчид уурлаж хувцсаа тайлж шидэж эхэлсэн бөгөөд дотуур хувцастайгаа л үлдсэн юм. Монголын тамирчин шийдвэрийг хүлээж авахгүй дэвжээг тойрон алхсан бөгөөд шүүгч Наврузовын гарыг өргөж ялалтыг өглөө. 
Аймаг, нийслэлийн ИТХ-ын дарга, Засаг дарга нарт ирэх дөрвөн жилд Засгийн газраас баримтлах бодлого, чиглэлийн талаар нэгдсэн ойлголт өгөх сургалт семинар Төрийн ордонд эхэллээ. Сургалт семинарыг Монгол Улсын сайд, Засгийн газрын Хэрэг эрхлэх газрын дарга Ж.Мөнхбат нээж, сургалт семинарын үйл ажиллагаанд Засаг дарга нарыг амжилттай оролцохыг хүслээ. Засгийн газрын Хэрэг эрхлэх газрын бүтцэд Орон нутгийн удирдлага, зохицуулалтын газрыг байгуулсан. Энэ газрын ажилтнууд нутгийн удирдлагын чиглэлээр бүхий л асуудлыг хариуцаж, орон нутгийн удирдлагуудтай байнга холбоотой ажиллана гэдгийг хэллээ.
Намар болж, өвс ногоо шарлан, хээрийн түймэр гарч эхэлжээ. Наймдугаар сарын 18-ны пүрэв гаригт Дорнод аймгийн Матад сумын Түмэнхаан багийн “Уулын-Өвөр” /сумаас баруун хойш 12 км-т/ гэдэг газар хээрийн түймэр гарсан байна. Түймрийн дуудлагын дагуу тус өдрийн наймдугаар сарын 18-ны өдрийн 17:38 цагт хүлээн авч, тус аймгийн Онцгой байдлын газрын 12 албан хаагч, 1 автомашин, орон нутгаас 27 хүн, 4 автомашин, нийт 39 хүн, таван техник хэрэгсэлтэйгээр ажиллаж, түймрийг бүрэн унтраажээ.
Бразил улсын Рио де Жанеро хотноо зохион байгууллагдсан Зуны Олимпийн XXXI наадам 17 өдөр үргэлжилж, тив тивийн сая сая үзэгчдийг өндөлзүүлсээр өнөөдөр хаалтаа хийж өндөрлөлөө. Энэ удаагийн олимпийн наадамд 205 орны 11544 тамирчин өрсөлдсөн юм. “Рио-2016” олимпийн наадмын хаалтын арга хэмжээ Улаанбаатарын цагаар өнөө өглөөний 08:00 цагаас эхэлсэн билээ. Энэ удаагийн олимпоос манай Монголын баг тамирчид нэг мөнгө, нэг хүрэл медалийн амжилттаар дэлхийн 205 орны 68 дугаар байрт бичигдэж байна. Харин нийт медалийн чансаа, тоогоор Америк 121 медальтай тэргүүлж, Их Британи 67, БНХАУ 70, Орос 56 медалийн тоогоор бичигдсэн байна. 
Монголын бизнесийн зөвлөлийн анхдугаар чуулга уулзалтаас гарсан саналыг Монгол Улсын Ерөнхийлөгч, УИХ, Засгийн газарт хүргүүлжээ. Хямралын үед улс орны эдийн засгийг нуруун дээрээ үүрч яваа бизнес эрхлэгчдийн үг шийдвэр гаргагчид төдийгүй олон нийтийн сонирхлыг татах буй за. Монголын бизнесийн зөвлөлийн гүйцэтгэх захирал Ч.Мэргэнээс энэ талаар тодрууллаа.