Өнөөдөр буюу наймдугаар сарын 21-нд УИХ дахь МАН-ын бүлэг, тус намын Удирдах зөвлөлийн хамтарсан хуралдаан Төрийн ордны Сүхбаатарын танхимд үргэлжилж байна.
Хуралдаанаар Засгийн газрын үйл ажиллагааны мөрийн хөтөлбөрийг хэлэлцэж байгаа аж.
Ерөнхий сайд Ж.Эрдэнэбат өмнө нь Засгийн газрын үйл ажиллагааны мөрийн хөтөлбөрийг төсвийн тодотголтой хамт УИХ –ын даргад өргөн мэдүүлж ээлжит бус чуулганаар батлуулна гэж мэдэгдсэн билээ. Энэ хүрээнд Засгийн газрын үйл ажиллаганы мөрийн хөтөлбрийг УИХ-ын даргад өргөн барихаасаа өмнө намын бүлэг Удирдах зөвлөлөөр хэлэлцүүлж гишүүдийн санал сэтгэгдлийг тусгахаар хуралдаж байгаа аж.
Албан бус эх сурвалжийн мэдээлснээр УИХ-ын ээлжит бус чуулган энэ сарын 25-нд хуралдаж магадгүй бололтой.
НҮБ-ын ерөнхий нарийн бичгийн дарга Бан Ги Мүн БНСУ-ын Ерөнхийлөгчийн 2017 оны сонгуульд нэр дэвшихээр болсныг олон улсын хэвлэлүүд онцолж байна. Тэрээр Японд болсон “Их-7”-гийн чуулга уулзалтад оролцсоныхоо дараа очиж, хэд хэдэн газраар айлчилсан нь Ерөнхийлөгчийн сонгуульд өрсөлдөх бэлтгэлээ хангаж байна гэх таамаглалыг олны дунд төрүүлээд байна. Тэрээр энэ үеэрээ Чосон гүрний үеийн байшин барилгуудаас бүрдэх Өмнөд Солонгосын Гёнсан тосгонд зочилжээ. Уламжлалт соёлыг хамгаалах ажил хариуцсан албаны хүмүүстэй тэрээр тус тосгонд уулзаж, санаа бодлоо солилцсон байна. XVI зууны үеийн соёлын өвийг хадгалсан тус тосгоныг ЮНЕСКО-гийн Дэлхийн өвд бүртгүүлнэ гэдгээ тэрээр энэ үеэр хэлсэн байна. Ийнхүү гэнэт БНСУ-д зочилж, соёлыг хамгаалах талаар дуугарч эхэлсэн нь түүний ирэх онд болох Ерөнхийлөгчийн сонгуульд оролцох төлөвлөгөөний эхлэл болсон.
Нийслэлийн хэмжээнд сургууль, цэцэрлэгийн бүртгэл өнөөдрөөс эхэлж байгаа билээ. Бүртгэл энэ сарын 28-ныг дуустал явагдана. Энэ жил улсын хэмжээнд 2-5 насны 116 мянга 500 хүүхэд сургуулийн өмнөх боловсролд хамрагдахаар байгаа аж. Мөн цэцэрлэгийн насны хүүхдийн 78 хувь буюу 90 мянга орчмыг нь улсын болон хувийн цэцэрлэгт хамруулах боломжтойг Нийслэлийн боловсролын газраас өнөөдөр албан ёсоор мэдэгдсэн билээ. Тэгвэл эцэг эхчүүд бүртгэл эхлэхээс хэд хоногийн өмнө хонон өнжин дугаарладаг, тэгвэл бодит байдал дээр цэцэрлэгүүдийн бүртгэл хэрхэн явагдаж байгаа талаар сурвалжиллаа.
Тухайлбал, Баянзүрх дүүргийн 62 дугаар цэцэрлэгийн хувьд өглөөний есөн цагаас эхэлсэн бөгөөд шинээр элсэн орж буй хүүхдүүдээ эцэг, эхчүүд нь эмх замбараатай дараалан зогсч бүртгүүлж байлаа. 
Бүртгэлийн дараа сугалаа явуулна гэсэн яриа эцэг эхчүүдийн дунд цөөнгүй гарч байлаа. 
БНСУ-ын хэвлэл мэдээллийн төлөөлөл болсон 11 хүн Монгол Улсад айлчилж байна. Солонгос, Монголын сэтгүүлчдийн эвлэлийн хамтын ажиллагааны дөрвөн жилийн ой энэ жил тохиж байгаа юм. Өөрөөр хэлбэл, Монгол, Солонгосын сэтгүүлчид харилцан айлчлал хийж, тус тусын орны түүх, соёл, ёс заншил, хэвлэл мэдээллийн салбартай танилцдаг болоод дөрвөн жил болж байгаа юм. Өнгөрөгч тавдугаар сард Сэтгүүлчдийн нэгдсэн эвлэлийн төлөөллийн хамтаар Монголын хэвлэл мэдээллийн 10 сэтгүүлч Солонгост айлчилсан. Үүний хариуд Солонгосын талын 11 сэтгүүлч, хэвлэл мэдээллийн байгууллагын захирлууд энэ удаад айлчилж байгаа аж.
Монголын чөлөөт бөхийн холбооны ерөнхийлөгч Д.Дагвадорж өөрийн твиттер хуудаснаа “2020 Токио олимпод бахдам амжилт хүсье”, “Туслах зүйл байвал хэлээрэй. Харамгүй тусална. “Goodbye my all wrestling family, Good luck” хэмээн жиргэжээ. Тэрбээр МЧБХ-ны Ерөнхийлөгчийн албан тушаалд томилогдоод гурав дахь жилээ ажиллаж байгаа юм. Албан бус эх сурвалжийн ярьж буйгаар Асашёорюү Д.Дагвадорж Монголын чөлөөт бөхийн холбооны ерөнхийлөгчийн ажлаас өөрийн хүсэлтээр өгөхөөр шийдсэн бололтой.
Рио де Жанейро хотноо зуны 31 дүгээр олимпийн хаалтын үйл ажиллагаа ёслол төгөлдөр болж өндөрлөлөө. Энэ олимпоос Монгол Улс хүсэн хүлээж байсан медалиудаа авч чадсангүй. Жүдо бөхийн төрөлд эмэгтэйчүүдийн 63 кг-ын жинд барилдсан Д.Сумъяа мөнгө, боксын төрөлд 64 кг-ын жинд Д.Отгонбаатар хүрэл медаль хүртсэн амжилттайгаар наадмыг өндөрлүүллээ. Өчигдөр л гэхэд чөлөөт бөхийн 65 кг-ын жинд хүрэл медалийн төлөө барилдсан Г.Мандахнарангийн шүүлт шударга бус явагдсан гэж олон хүн үзэж байна. Монголын тамирчид яагаад амжилт үзүүлэхгүй байгаа талаар нийгэмд хүмүүс янз бүрээр санал бодлоо илэрхийлсээр байна. Тэгвэл МУГТ Х.Цагаанбаатар өөрийн фэйсбүүк хуудсаараа дамжуулан үзэл бодлоо ийнхүү илэрхийлжээ.
“Facebook” компанийн үүсгэн байгуулагч, Гүйцэтгэх захирал Марк Цукерберг буяны үйлсэд зарцуулахаар компанийхаа 95 сая ам долларын үнэлгээтэй хувьцааг арилжааллаа. Тэд охиноо төрсний дараа “Гэр бүлийнхээ хөрөнгийн 99 хувийг сайн үйлсэд хандивлана” гэж мэдэгдэж байсан юм. 95 сая ам долларын үнэ бүхий 760 мянган ширхэг хувьцааг “Chan Zuckerberg initiative Holdings” болон “Chan Zuckerberg Foundation”-ийн нэрийн өмнөөс худалдсан байна. Хувьцааны нэг бүрийн ханш нь 122.85-124.31 ам долларын хооронд тогтжээ. Энэ нь тэдний байгуулсан сангийн буяны эхний алхам болж буй юм.
Рио Де Жанейро
Олон улсын үнэлгээний “S&P” агентлаг Монгол Улсын зээлжих зэрэглэл “B” байсныг “B-” болгож бууруулжээ. Тодруулбал, Монголын арилжааны банкуудын эрсдэлийн түвшинг өсгөөд байсан тус байгууллага урт хугацааны зээлжих зэрэглэлийг бууруулсан үндэслэлээ “Төсвийн зарцуулалт танагдсан, гадаадын хөрөнгө оруулалт дорвитой сэргэж чадахгүй байгаагаас гадна экспортоос олох орлого буурч” байгаатай холбон тайлбарласан аж.