УЛААНБААТАР ХОТ: Үүлшинэ. Шөнөдөө бороо орно. Өдөртөө бороо орохгүй. Салхи хойноос секундэд 5-10 метр, зарим үед секундэд 12-14 метр хүрч ширүүснэ. Сэрүүсч шөнөдөө 6-8 градус, өдөртөө 14-16 градус дулаан байна.
2016 оны 08 дугаар сарын 25-наас 08 дугаар сарын 29-нийг хүртэлх цаг агаарын урьдчилсан төлөв
25-нд төвийн аймгуудын хойд хэсгээр, 26-нд зүүн аймгуудын нутгаар, 28-нд Хангай, Хөвсгөлийн уулархаг нутгаар түр зуурын бороо орно. Хугацааны эхээр сэрүүхэн Алтай, Хангай, Хөвсгөл, Хэнтэйн уулархаг нутгаар шөнөдөө 1 градус хүйтнээс 4 градус дулаан , өдөртөө 12-17 градус, говийн бүс нутгийн өмнөд хэсгээр шөнөдөө 9-14 градус, өдөртөө 20-25 градус, бусад нутгаар шөнөдөө 3-8 градус, өдөртөө 16-21 градус дулаан байна. Хугацааны сүүлчээр өдөртөө дулаарнагэж Ус цаг уур, орчны хүрээлэнгээс мэдээллээ.
Монгол Улсын эдийн засгийн нөхцөл байдал хүндэрсэн, данс улайсан зэрэг нөхцөл байдлаас хамаараад Засгийн газар төсөвт тодотгол хийж дараах зардлуудыг хэмнэхээр болжээ. Үүнд:
Сүхбаатар аймгийн захиргаа 2014 оноос эхлэн Ганга нуурын чуулган хэмээх арга хэмжээг зохион байгуулж ирсэн бөгөөд энэ жилийн Ганга нуурын чуулган наймдугаар сарын 27, 28-ны өдрүүдэд болох гэж байна.
Өнөөдрийн эдийн засгийн хэлэлцүүлэгт доктор Ч.Хашчулуун “Олон улсын байгууллагуудтай хамтран ажиллах тухай” илтгэл тавьсан юм. Тэрбээр “Байгалийн баялагтай орнуудад эдийн засгийн уналт явагдаж байна. Жишээ нь Индонез, Туркмен, Грек зэрэг улсууд байна. Зарим улсад харьцангуй гайгүй байхад ОХУ-ын хувьд манайхтай адил маш хурдан унаж байна. Улс төрчид, Засгийн газар судлаач эрдэмтдийнхээ санаа бодлыг сонсдоггүйгээс ийм юм болж байна. Уг нь бол хоёр гурван жилийн өмнөөс л бид энэ тухай хэлж сануулж байсан. Судлаач эрдэмтдийнхээ үгийг сонсдог сувгийг улс төрд бий болгох цаг нь болжээ. Энэхүү нөхцөл байдлаас гарах гарц мэдээж байгаа. Одоогийн байдлаар төсвийн зардал 30-40 хувь хасагдах нь тодорхой болоод байна. Тэгэхээр төрийн албан хаагчдынхаа цалинг өгвөл их юм болно гэсэн үг. Тиймээс би “IMF-Стэндбай” хөтөлбөрийг дэмжиж байна” гэв. Ингээд түүнээс өнөөгийн эдийн засгийн хүндрэлтэй нөхцөл байдлаас гарахын тулд ямар арга хэмжээнүүдийг цаашид хэрэгжүүлж болох талаар тодрууллаа. 
Гадаадын хамтлаг дуучид, манай улсад уран бүтээлээ хийх нь их билээ. Тэр дундаа байгалийн өвөрмөц тогтоцтой газарт, өөрийн уран бүтээлээ хийхээс гадна газар үзэж, тухайн улсын нийгэм, соёл урлагийн тухай мэдэж авах зорилгоор ирдэг аж. Тухайлбал өнгөрөгч долоодугаар сард Франц улсын дуучин Петит Меллер шинэ дууныхаа клипний зураг авалтыг Хөвсгөл аймагт хийжээ. Тэрээр “The Flute” буюу “Лимбэ’ нэртэй дууныхаа клипийг манай улсад хийж, энэ сарын 19-нд олон нийтийн хүртээл болгосон байна. Этгээд сонин хувцаслаж, “хацар өнгөлөгчөө хэтрүүлдэг” франц бүсгүйд Хөвсгөл нутгийн охидын төрөлхийн улаа бутарсан хацарны талаар өөрийн хуудаснаа дурджээ. Уг клипийг “youtube” хуудаснаас гурван өдрийн турш 64 мянган хүн орж үзжээ. Дуучин Петит Меллер “шинэ поп” урсгалаар уран бүтээлээ туурвидаг ажээ. 
Хоёр долоо хоног тутмын мягмар гарагт Нийслэлийн засаг дарга бөгөөд Улаанбаатар хотын захирагч С. Батболд иргэдтэй уулзалт хийдэг уламжлал тогтоож байна. 
Өнөөдөр буюу наймдугаар сарын 23-ний өдөр Монголын тэргүүлэх эдийн засагч, багш, судлаач эрдэмтэд цугларан Сангийн сайд Б.Чойжилсүрэнгийн Монголын эдийн засгийн уналтын талаарх мэдэгдлийг тойрсон асуудлын хүрээнд хэлэлцүүлэг хийлээ.
Ч.Хашчулуун: Олон улсын байгууллагуудтай хамтран ажиллах хэрэгцээ, шаардлага” сэдвээр илтгэл тавилаа.
Булган аймгийн Хутаг-Өндөр сумаас цааш Хөвсгөл явах замд өнөөдөр буюу наймдугаар сарын 23-нд огцом сэрүүсэн, цас орж байгалийн содон үзэгдэл боллоо. Ойрын өдрүүдэд ихэнх нутгаар бороо орж, сэрүүсэх төлөвтэй байгаа талаар цаг уур, орчин шинжилгээний газраас мэдээлсэн билээ. Мөн Алтайн уулархаг нутгаар энэ сарын 23-аас 27-нд зарим газраар огцом сэрүүсэх, цас орох чигтэй байгаа аж. Иймд байгалийн гэнтийн үзэгдлээс урьдчилан сэргийлж, өдөр тутмын цаг агаарын мэдээг хүлээн авч байхыг ОБЕГ-аас сэрэмжлүүлж байна.