Нийслэлийн Засаг даргын зөвлөлийн ээлжит хуралдаан өнөөдөр боллоо. Хуралдаанаар 2016-2017 оны хичээлийн жилийн цэцэрлэгийн бүртгэл, өвөлжилтийн бэлтгэл ажил, нийслэлийн өмчит үйлдвэрийн газруудын захирлуудын хооронд 2016 онд байгуулсан контракт гэрээний хэрэгжилтэд хийсэн шалгалтын дүн зэрэг асуудлуудыг хэлэлцлээ.
Нийслэлийн Засаг даргын зөвлөлийн хурлаас Монгол Улсын Засгийн газрын 2016 оны 8 дугаар сарын 17-ны өдрийн 37 дугаар тогтоолын дагуу нийслэлд концессоор хэрэгжиж байгаа, гэрээ нь хүчин төгөлдөр болоогүй төслүүдийг зогсоохоор шийдвэрлэлээ.
Хуралдаанд Цэцэрлэгийн бүртгэлийн асуудлаар Гэр хорооллын хөгжил, нийгмийн асуудал хариуцсан төслүүдийн удирдагч-Нийслэлийн Засаг даргын орлогч Ш.Анхмаа танилцуулга хийлээ. Тэрээр “Цэцэрлэгийн бүртгэлийн элсэлтийн тасалбарыг 08 сарын 22-ноос эхлэн тарааж байгаа. Тараагдсан тасалбараар энэ сарын 26-нд сугалаа явуулна. Сугалгааг явуулахдаа ил тод, шилэн байх шаардлагыг Нийслэлийн засаг даргын захирамжаар хэрэгжүүлнэ гэдгээ хэллээ.
Өвөлжилтийн бэлтгэл ажлын талаар Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр “2016-2017 оны өвөлжилтийн бэлтгэл ажлыг хангах зарим арга хэмжээний тухай” Засгийн газрын тогтоол, нийслэлийн Засаг даргын захирамжийн дагуу инженер хангамжийн байгууллагууд болон холбогдох дүүргүүдтэй хамтран өвөлжилтийн бэлтгэлийг хангах ажил график төлөвлөгөөний дагуу явж байна. АСЕМ-тай холбогдуулж, зарим газрын шугам сүлжээг өргөтгөх, шинэчлэх ажил хойшилж, хичээлийн шинэ жилтэй давхацсанаас автозамын ачаалал, иргэдийн аюулгүй байдалд хүндрэл гарч байгаа. Гэхдээ бид ажлаа аль болох хурдан амжуулах, иргэдийн аюулгүй байдлыг хангах үүднээс шөнийн цагаар ажиллаж байна. Өвөлжилтийн бэлтгэл ажлын хүрээнд нөөцөд цас хайлуулах 400 тонн давс, тусгай бодис байгаа, дүүргүүдэд нөөц байхгүй. Хамгийн багадаа 1000 орчим тонн тусгай бодис бэлдэхгүй бол өвлийн хальтиргаа гулгааг давахад бэрх болно. Тиймээс төсвийн өөрчлөлт хийхдээ энэ талаар анхаарахыг зөвлөлийн гишүүдэд дуулгалаа.
О.ӨНӨР
Францын Ерөнхийлөгчийн сонгууль 2017 оны дөрөвдүгээр сард болно. Уг сонгуульд өрсөлдөх шийдвэр гаргаснаа тус улсын төрийн тэргүүн асан Н.Саркози мэдэгджээ. Түүний бичсэн “Бүхнийг Францын төлөө” хэмээх нэртэй ном өнөөдрөөс номын лангуунуудаар борлуулах болсон талаар “Le Figaro” сонин онцлов. Тэрээр “Би 2017 онд болох Ерөнхийлөгчийн сонгуульд өрсөлдөх шийдвэр гаргалаа. Франц улс үүнийг шаардаж байна. Тайван бус байгаа энэ үед улс орноо байлдан дагуулах хүч надад байна” хэмээн нүүр номондоо онцолжээ. Н.Саркози номдоо мөрийн хөтөлбөр болгож таван “том” асуудлыг хөнджээ. Юуны өмнө шударга ёс, өрсөлдөх чадвар, эдийн засгийн их гүрэн болох, ард түмнийхээ итгэлийг сэргээх, эрх чөлөөний талаар дэлгэрэнгүйгээр тайлбарласан аж.
НҮБ-ын Хүүхдийн сангийн захиалгаар хийсэн “Монгол Улсын хүүхдийн орлогын болон олон хэмжээст ядуурал” судалгааны дүнг өнөөдөр танилцуулав. Уг судалгааг хийхдээ, олон хэмжээст буюу өрхийн орлогын ядуурлаас гадна хүүхдэд дутагдаж буй сургууль, цэцэрлэгийн хүртээмж, эрүүл ахуй, хүнсний хомсдол, ундны усны хүртээмж зэргийг хамруулсан бөгөөд Үндэсний Статистикын Хорооны өрхийн нийгэм эдийн засгийн үзүүлэлтийг ашиглажээ. Судалгааны дүнгээр, манай улсын нийт хүүхдийн 30.1-36,5 хувь нь ядуурлын шугамнаас доогуур орлоготой өрхөд амьдарч байгаа ба ядуу өрхийн хүүхдүүд өндөр орлоготой айлын хүүхдүүдтэй харьцуулахад цэвэр ундны эх үүсвэрийн хангамж 10-11 хувиар бага, боловсролын түвшин доогуур, бусад өөрийгөө хөгжүүлэх үйлчилгээнд хамрагдаж чадахгүй байгаа нь судалгаагаар тогтоогджээ.
Амралт зугаалгын улирал дуусч зуслан болон хөдөө орон нутгаас Улаанбаатар хотруу чиглэх хөдөлгөөний ачаалал нэмэгддэг. Үүнтэй холбоотойгоор зуслангийн замд тээврийн хэрэгслийн хурд хэтрүүлэх зөрчил ихэсч зам тээврийн осол хэргийн тоо нэмэгдэх хандлагатай байгаа тул иргэдээс ирүүлсэн гомдол мэдээллийн дагуу зөөврийн хурд хэмжигчийг байршуулан урьдчилан сэргийлэн ажиллаж байна. ХБНГУ-ын “Vitronic” үйлдвэрийн хурдны зөрчил илрүүлэх зөөврийн төхөөрөмж нь лазер сканерийн хэмжилтийн техник дээр тулгуурладаг ба хурд хэмжих техникийн шинэ үеийнх. Тус систем нь олон эгнээгээр яваа олон машины хурдыг тус бүр хэмждэгээрээ давуу талтай. Түүнчлэн зам барилгын ажлын үед, тойруу, түннел болон үзэгдэх орчин хязгаарлагдмал нөхцөлд ч хурдны хэмжилт
ОХУ-ын Ерөнхий сайд Дмитрий Медведев сэргээшийн асуудлаас болоод паралимпт Оросын тамирчдыг оруулахгүй гэснийг “Увайгүй шийдвэр, хүчирхэг өрсөлдөгчдөө зайлуулах гэсэн явуургүй оролдлого” гэв. Өнгөрсөн мягмар гаригт Олон Улсын Спортын арбитрын шүүхээс ОХУ-ын тамирчдыг паралимпд оруулахыг хориглосон шийдвэр гарсан юм. “Энэ талаар ОХУ-ын Паралимпийн холбооны Ерөнхий нарийн бичгийн дарга Андрей Строкин “Тамирчдын сэтгэл санаа маш хүнд байна. Яагаад гэвэл тэд чинь хөгжлийн бэрхшээлтэй хүмүүс. Энэ бол тэдний өөрийгөө ухамсарлах, амьдралдаа ямар нэг юманд хүрэх ганц боломж нь юм” гэв.
Засгийн газрын ээлжит хуралдаан өнөөдөр наймдугаар сарын 24-нд 15.00 цагаас Засгийн газрын хуралдааны танхимд эхэллээ.