Монгол Улсын Их Хурал ээлжит бус чуулган нээлтээ хийж, Улсын Их Хурлын дарга чуулганы индэр дээрээс улс орны нөхцөл хүндхэн байгааг онцолж байв.
Гэхдээ тэрээр тулгарч байгаа хүндрэл бэрхшээл, хямралын шалтгаан, нөхцөл байдлыг бодитой үнэлэн, тогтоосний үндсэн дээр хямралыг эдийн засаг, нийгэм, ард түмний амьдралд аль болох хохирол багатайгаар даван туулах, эдийн засгийн бууралтыг зогсоох, хямралаас гарахаар Монголын төр засаг ажиллаж байгааг онцолсон юм. Ийнхүү Улсын Их Хурлын ээлжит бус чуулганыг нээж хэлсэн Улсын Их Хурлын даргын үгнээс онцлох 20 ишлэлийг хүргэж байна.
1. Монгол Улсын Их Хурлын ээлжит бус чуулганаар Монгол Улсын Засгийн газрын 2016-2020 оны үйл ажиллагааны хөтөлбөрийг хэлэлцэхээр төлөвлөсөн.
2. Улс орны нийгэм, эдийн засаг, төсөв, санхүүгийн нөхцөл байдал хүнд, хямралын шинжтэй байна.
3. Монгол Улсын эдийн засгийн үндсэн үзүүлэлтүүд өнгөрсөн 4 жилийн хугацаанд тасралтгүй унаж, эдийн засгийн өсөлт оны эцэст 1,3 хувьтай гарахаар байна.
4. Төлбөрийн балансын алдагдал нэмэгдэж, гадаадын хөрөнгө оруулалт огцом буурч, төгрөгийн ханш тасралтгүй суларч, хүн амын худалдан авах чадвар буурсаар байна.
5. Нэгдсэн төсвийн орлого сүүлийн жилүүдэд 1 их наяд гаруй төгрөгөөр тасарч, жил бүр 2-3 удаа тодотгол хийж ирсэн.
6. Монгол Улсын нэгдсэн төсөв 4 жил дараалан их хэмжээний алдагдалтай гарч байгаа нь төсөв санхүүгийн алдаатай бодлого, татвар төлөгчдийн мөнгийг үр ашиггүй, үрэлгэн зарлагадаж ирсэнтэй шууд холбоотой.
7. 2016 оны 7 дугаар сарын гүйцэтгэлээр нэгдсэн төсвийн алдагдал 1.9 их наяд төгрөгт хүрчээ.
8. Улсын эдийн засаг, санхүүгийн байдал төсөөлж байснаас хэд дахин хүнд байгааг Засгийн газар, Сангийн яамнаас гаргасан мэдээллээс амархан дүгнэж болохоор байна.
9. 2011 онд манай улсад 4,6 тэрбум ам.долларын гадаадын шууд хөрөнгө оруулалт хийгдэж байсан бол энэ тоо жил дараалан буурсаар 2016 оны эхний 6 сарын байдлаар 35 сая ам.доллар болжээ.
10. Гадаадын хөрөнгө оруулагч нарын эрх ашиг, Монгол Улсад оруулсан хөрөнгө оруулалтыг хамгаалах нь Монгол төрийн олон улсын тавцанд хүлээсэн үүрэг.
11. Манай улсын иргэд өндөр боловсролтой, нээлттэй эерэг хандлагатай, чадварлаг ажиллах хүчинтэй, өрсөлдөөний зардал багатай зэрэг давуу талуудтай.
12. Тулгарч байгаа хүндрэл бэрхшээл, хямралын шалтгаан, нөхцөл байдлыг бодитой үнэлэн, тогтооно.
13. Хямралыг эдийн засаг, нийгэм, ард түмний амьдралд аль болох хохирол багатайгаар даван туулах, эдийн засгийн бууралтыг зогсоохоор Монголын төр ажиллаж байна.
14. Санхүү, эдийн засгийн урт хугацааны тогтвортой хөгжлийг хангах чиглэлээр бодлогын шинэчлэл, зорилт, арга хэмжээгээ тодорхойлох нь бидний өмнө байгаа амин чухал асуудал юм.
15. Хямралыг даван туулах цогц арга хэмжээг төлөвлөн, хэрэгжүүлж эхлэхэд 2017 он шийдвэрлэх жил.
16. Төсвийн зарлагын шинэчлэлийг эхлүүлэх, төсвийн сахилга, хариуцлагыг чангатгах, зардал, үр өгөөжийн зохистой харьцааг хангах нь чухал.
17. Төсвийн хөрөнгө оруулалтаар хэрэгжүүлэх хөтөлбөрүүдийн үр ашгийг нэмэгдүүлэх, алдагдлыг бууруулах, төсвийн тусгай шаардлагыг ханган биелүүлэх, эдийн засагт үзүүлэх өрийн дарамтыг бууруулах, эдийн засгийн өсөлтийг дэмжихэд чиглэсэн өрийн удирдлагын стратегийг тодорхойлон хэрэгжүүлэхэд 2017 оны болон дунд хугацааны төсвийн баримт бичгүүдийн бодлогын зөв шийдэл шийдвэрлэх үүрэгтэй.
18. Ю.Цэдэнбал агсаны түүхэнд гүйцэтгэсэн үйл хэргийг бодитойгоор авч үзэх, түүхэн тодорхой цаг үед гарсан гажуудлыг засаж, залруулах нь төрийн журамт үүрэг мөн билээ.
19. Эрүүгийн болон Зөрчлийн тухай хуулиудыг хэрэгжүүлэх нөхцөл бүрэн хангагдаагүй учир хуулиудыг дагаж мөрдөх хугацааг хойшлуулах асуудлыг яаралтай хэлэлцэх талаар Засгийн газар санал ирүүлсэн.
20. Батлан хамгаалах, зэвсэгт хүчний эрх зүйн орчныг шинэчлэх зарим хуулийг хэлэлцэн шийдвэрлэнэ.
Ардчилсан намын Үндэсний зөвлөлдөх хорооны хурал 9 дүгээр сарын 16-ны өдрийн 14:00 цагаас Улаанбаатар хотод үргэлжлүүлэн хуралдахаар боллоо.
Төсвийн тодотголын талаар өчигдөр УИХ ээлжит бус чуулган маш богино хугацаанд хуралдсан билээ. Тэгвэл төсвийн тодотголын талаар УИХ-ын гишүүн Д.Эрдэнэбат их бухимдангуй байлаа.
Олимпийн дэвжээнд
“Улаанбаатар цахилгаан түгээх сүлжээ” ТӨХК-ийн засвар, техник, зохион байгуулалтын ажлууд төлөвлөгөөний дагуу үргэлжилж байна. Өнөөдрийн байдлаар өвөлжилтийн бэлтгэлийн гол ажлууд болох урсгал засвар 91.7, их засвар 43.6 хувийн явцтай байгаа бол аянгын улирлын өмнөх бэлтгэл ажил 100 хувь дууссан.
УИХ-ын ээлжит бус чуулган өчигдөр буюу наймдугаар сарын 25-нд нээлтээ хийж УИХ-ын дарга М.Энхболд үг хэлж, чуулганыг наймдугаар сарын 26-нд хуралдуулах тов гаргасан билээ. Өнөөдрийн нэгдсэн хуралдаан 10:00 цагт эхэллээ. УИХ-ын ээлжит бус чуулганаар дараах асуудлыг хэлэлцэх юм. Тухайлбал, “Юмжаагийн Цэдэнбалын мэндэлсний 100 жилийн ойг тэмдэглэн өнгөрүүлэх тухай” УИХ-ын тогтоолын төсөл, Монгол Улсын Засгийн газрын 2016-2020 оны үйл ажиллагааны хөтөлбөр батлах тухай тогтоолын төсөл, сум, дүүргийн иргэдийн Төлөөлөгчдийн Хурлын сонгуульд техник хэрэгсэл хэрэглэх, мөн зардлын тухай тогтоолын төсөл, Монгол Улсын нэгдсэн төсвийн 2015 оны гүйцэтгэл, Засгийн газрын санхүүгийн нэгдсэн тайлан, “Монгол Улсын 2015 оны төсвийн гүйцэтгэлийг батлах тухай” Улсын Их Хурлын тогтоолын төсөл зэрэг хорь гаруй УИХ-ын тогтоолын төслийг хэлэлцэн шийдвэрлэх ажээ.
“Рио-2016” олимпийн наадамд оролцсон Монголын багийн бокс болон чөлөөт бөхийн баг тамирчид өнөөдөр эх орондоо ирлээ. Бразилд болсон Зуны олимпийн XXXI наадамд 43 тамирчин оролцсоноос Д.Сумъяа мөнгө, Д.Отгондалай хүрэл медаль хүртсэн билээ. Мөн Гавьяат тамирчин Г.Мандахнаран хүрэл медалын төлөө Узбекистаны бөхөд харамсалтайгаар ялагдсан.
Замын цагдаагийн газар, Нийслэлийн Тээврийн газар, нийслэлийн Боловсролын газар хамтран хичээлийн шинэ жил эхлэхтэй холбогдуулан хүүхэд тээвэрлэх автобус ба үйлчилгээнд тавих хяналтыг хангуулах чиглэлээр хүүхдийн автобуснуудад шалгалт хийж байна. Энэхүү шалгалтанд 150 автобус оролцсоноос 60 хувь нь хангалтгүй гэсэн үнэлгээ авчээ. Үүний гол шалтгаан нь ихэнх автобуснууд он хуучин эдэлгээ ихтэйд байгаа аж. Шалгалт Дүнжингарав худалдааны төвийн талбайд өнөөдөр үргэлжилж байна.