Month: August 2016

Нийслэлийн Боловсролын газраас “Цэцэрлэгийн бүртгэлийг сугалааны журмаар зохион байгуулах” тухай мэдэгдэж, бүртгэлийг албан ёсоор наймдугаар сарын 22-ны өдөр эхлүүлсэн билээ. Харин өнөөдөр бүртгэлд хамрагдсан хүүхдүүд “Азын сугалаа”-гаа сугалсан юм.

Жил бүрийн намар эцэг, эхчүүд хүүхдээ цэцэрлэгт бүртгүүлэх гэж олон хоногоор дугаарладаг байдлыг арилгах зорилготой гэж энэ шийдвэрийг албаныхан тайлбарлаж байгаа ч эцэг, эхчүүд харин таатай хүлээж аваагүй. Гэсэн ч сонголтгүй болсон эцэг эхчүүдэд сугалаа сугалахаас өөр аргагүй болж байна.

Тухайлбал, Хан-Уул дүүргийн 72-р цэцэрлэг энэ хичээлийн жилд 2 настай нийт 77 хүүхэд сугалаанд хамруулснаас 25 хүүхэд л цэцэрлэгт орох боломжтой байв. Бүртгүүлсэн дугаар, овог нэрээр нь дуудан бүртгэж сугалааг эхнээс нь сугалуулсан. Бичгийн цаасыг 4 нугалж дотор талд нь шифр бүхий код тамгалж хайрцганд хийсэн. Эцэг эхчүүд дөрвөлжилж нугалсан цаас холигдохгүй, бөөрөнхийлж нугал гэсэн шаардлага тавьсан боловч “Бид тусдаа байгууллага, яаж нугалах нь манай эрх” хэмээн удирдлагууд татгалзав. Ийнхүү иргэдийн нүдэн дээр сугалаа явуулж тусгай шифр бүхий кодтой цаас сугалсан эцэг эхчүүд баярлан, хоосон цаас сугалсан эцэг эхчүүд гэр гэрийн зүг явлаа.

2016 оны 8-р сарын 4-р долоо хоногт хонины ястай нэг килограмм мах дунджаар 5140 төгрөг, үхрийн ястай мах нэг килограмм нь дунджаар 6375 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 2.6 хувиар буюу 170 төгрөгөөр, үхрийн цул махны үнэ 2.9 хувиар буюу 240 төгрөгөөр буурсан байна. Энэ 7 хоногийн ажиглалтаар үхрийн мах “Хархорин” хүнсний захад хамгийн хямд буюу 6000 төгрөг, харин “Сансар” супермаркетад хамгийн өндөр үнэтэй буюу 8500 төгрөг байна. Хонины ястай махны үнэ өмнөх долоо хоногтой харьцуулахад 6.5 хувиар буюу 360 төгрөг, хонины цул мах 2.6 хувиар буюу 175 төгрөгөөр тус тус буурсан байлаа. Энэ долоо хоногийн ажиглалтаар хонины мах “Хүчит Шонхор” хүнсний захад хамгийн хямд буюу 4900 төгрөгөөр, харин “Меркури” хүнсний захад хамгийн өндөр үнэтэй буюу 7000 төгрөгөөр худалдаалж байна.

Замын цагдаагийн газраас автотээврийн хэрэгсэлд тавих техникийн ерөнхий шаардлага стандартын хэрэгжилтийг хангуулах зорилгоор хяналт шалгалт явуулах аж. Тодруулбал, Замын хөдөлгөөний аюулгүй байдлын тухай хууль, Замын хөдөлгөөний дүрэм, Автотээврийн тухай хуулийн хүрээнд автотээврийн үндэсний төвтэй хамтран улсын хэмжээнд наймдугаар сарын 29-өөс есдүгээр сарын 30-ны өдрийг хүртэлх хугацаанд замын хөдөлгөөнд оролцож байгаа тээврийн хэрэгслүүдийг техникийн хяналтын үзлэгт хамрагдсан байдал, техникийн бүрэн бүтэн байдал, өнгө үзэмж, гэрэлтүүлэх хэрэгсэл, дагалдах хэрэгсэл, иж бүрдэл хангагдсан эсэхийг шалгаж, зөрчлийг арилгуулах хамтарсан хяналт, шалгалтыг зохион байгуулах ажээ.

Монгол Улсын Шадар сайдын баталсан удирдамжийн дагуу Ховд аймгийн Онцгой байдлын газрын Гал түймэр унтраах, аврах 48 дугаар ангийн бие бүрэлдэхүүн Тэс петролиум шатахуун түгээх станцын обьектод гал түймэр унтраах тархалтын сургуулийг зохион байгуулсан байна.

Газрын тос олборлодог, газрын тосны бүтээгдэхүүн хадгалдаг, борлуулдаг байгууллагуудын галын аюулгүй байдлыг хангуулах, ажилтан, албан хаагчдыг сургаж дадлагажуулах зорилготой тус сургалтад Тэс петролиум шатахуун түгээх станцын 11 ажилтан, албан хаагчид оролцжээ.

Сургуульд оролцогчид гал түймэр, гамшиг ослоос урьдчилан сэргийлэх танхимын сургалтанд хамрагдаж, гал түймэр унтраах дадлага сургуулийг хийсэн байна.

Хичээлийн шинэ жил эхлэхтэй холбогдуулан бүх хийтийн их цэвэрлэгээг дүүргийн нутаг дэвсгэрт өнөөдөр, маргааш зохион байгуулахаар болсон байна. Захирамжийн дагуу нийтийн эзэмшлийн гудамж талбай, явган болон авто зам, ногоон байгууламж, далан, гуу жалга, байгууллага, аж ахуй нэгж эзэмшил газраа цэвэрлэнэ. Мөн ерөнхий боловсролын сургууль, цэцэрлэгийн гаднах орчны хог хаягдлыг цэвэрлэн шарилж, зэрлэг ургамлыг зулгаах юм.