Өнөөдөр Шүүхийн ерөнхий зөвлөл, Шүүгчдийн холбоо, Хуульчдын холбооны дэргэдэх Шүүгчдийн хороо хамтран “Шүүхийн төсөв, шүүгчийн цалингийн асуудлаар” хэвлэлийн бага хурал хийлээ. Уг хуралд, Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан, Хуульчдын холбооны Шүүгчдийн хорооны тэргүүн Ц.Оч, Шүүгчдийн хорооны Удирдах зөвлөлийн гишүүн Ц.Өрнөндэлгэр, МУИС-ийн хууль зүйн сургуулийн багш, доктор О.Мөнхсайхан нар оролцож шүүгчийн цалинг бууруулахгүй байх хэд хэдэн үндэслэлийг танилцуулав. Ялангуяа шүүгчдийн цалингийн зээлийг онцолж байв.
Шүүгчдийн 98.5 хувь нь арилжааны банкуудад 24.5 тэрбум төгрөгийн зээлтэй бөгөөд нэг шүүгч дунджаар 583000-3 250000 төгрөгийн зээл нэг сарын төлбөрт төлдөг байна. УИХ-аас шүүхийн 2016 оны төсвийг Шүүхийн ерөнхий зөвлөлийн даргын багц 48.9 тэрбум, Улсын дээд шүүхийн Ерөнхий шүүгчийн багцыг 3.4 тэрбум төгрөгөөр баталсан юм. Ингэснээр шүүхийн цалингийн сан төсвийн 41 хувийг эзэлж байгаа аж.
Шүүгчийн цалинг бууруулснаар шударга ёсыг үнэгүйдүүлж, шүүх эрх мэдлийн хараат бус байдлыг алдагдуулан, цалингийн зээлтэй шүүгчдийг банк, мөнгөний барьцаанд оруулах аюултай хэмээн Шүүхийн Ерөнхий Зөвлөлөөс үзэж байгаагаа илэрхийллээ.
Нийслэлийн удирдах ажилтнуудын ээлжит шуурхай зөвлөгөөн өнөөдөр болж, зөвлөгөөнөөр наймдугаар сарын 15-наас 29-ний өдрийг хүртлэх цаг үеийн нөхцөл байдлын талаар холбогдох байгууллагууд мэдээлэл хийлээ. 
УИХ дахь АН-ын бүлэг Эрүүгийн болон Зөрчлийн хуулийн дагаж мөрдөх хугацааг хойшлуулах хуулийн төслийн талаар нээлттэй хэлэлцүүлэг өрнүүлсний дараа хурлаа хийв.
Латин Америкийн орнуудад бүртгэгдээд буй зика вирус Сингапур улсад бүртгэгдсэн талаар “www.channelnewsasia.com” мэдээллээ. Тус улсын Эрүүл мэндийн яамнаас “Шинжилгээгээр 41 хүн зика вирусын халдвар авсан болохыг тогтоосон. Ихэнх нь шумууланд хазуулж, уг халдварыг авчээ. Халдвартай иргэдийг тусгаарлаж, эмчилгээ хийж байгаа” гэж мэдэгдсэн байна.
“MTV video music awards”шагнал гардуулах ёслол өчигдөр Нью-Иорк хотын Madison Garden-д боллоо. Энэхүү наадамд олон тооны зочид төлөөлөгчид оролцжээ. Канадын реппер Дрэйк болон Британийн Дж Калвин Харрис нар өмнө нь энэхүү шагналыг хүртэж байжээ. “Энэхүү наадмын шилдэгээр Беонсе-ийн “Лимондэйд” дуу эртнээс хүлээлттэй байсан юм. Тэрбээр 4 настай охинтойгоо улаан хивсэн дээгүүр алхан орж ирсэн бөгөөд бүх хүний нүд түүн дээр тусч байсан байна. Шилдэгийг фенүүдийнх нь саналаар шалгаруулдаг уламжлалтай юм. Энэхүү шилдэгүүдийн жагсаалтанд Aделийн 2015 онд гаргасан “comeback single”, “Hello,” Дрэйгийн “Hotline Bling,” Жастин Веберийн “Sorry” болон Кэйни Вестийн “Famous” зэрэг дуунууд багтжээ.
“Рио-2016” олимпийн
“Рио 2016” олимпийн наадмын бөхийн чөлөөт барилдааны 65 к-д хүч үзэж, шагналт тавдугаар байр эзэлсэн МУГТ Г.Мандахнаранд “Хүчит чулуут” ХХК-аас хоёр өрөө байр бэлэглэж, шинэ байрандаа орсон тухай өөрийн цахим хуудсаараа дамжуулан мэдээллээ. Г.Мандахнарангийн тухайд хүрэл медалийн төлөө Узбекстаны бөхтэй хүч үзэж, цаг дуусахаас хэдхэн секундын өмнө 7:6 онооны харьцаатай ялалт байгуулж байсан ч барилдааны хугацаа дууссаны дараа шүүгчид оноо нэмсэнээр хүрэл медалийн оосроос атгаад алдсан юм.
Италийн эргийн хамгаалалтынхан өнгөрсөн шөнө 1000 гаруй цагаач иргэнийг аварсан талаар “AFP” агентлаг мэдээллээ. 100-150 хүн тээвэрлэх зориулалттай завин дээр 1000 гаруй хүн зорчиж явсан аж. Уг завь Газар дундын тэнгисийг гатлах үедээ даац нь хэтэрч осолджээ. Цагаачдын ихэнх нь Сири, Ливи, Иракийн иргэд байсан гэнэ.
Нийслэлийн Засаг дарга бөгөөд Улаанбаатар хотын Захирагч С.Батболд Монгол Улсын Засгийн газраас нийслэлийн Засаг даргын Тамгын газар, Захирагчийн ажлын албаны бүтцийг шинэчлэн баталсны дагуу Засаг даргын хэрэгжүүлэгч агентлаг-Нийслэлийн Эдийн засгийн хөгжлийн газрыг татан буулгах тухай А/623 тоот Захирамж гаргалаа.