Month: June 2016

АНУ-ын Лос-Анжелос хотод болох дэлхийн шилдэг найман багийн “Дэлхийн цом”-ын тэмцээнд оролцох Монголын чөлөөт бөхийн эрэгтэй багийн түрүүч өнөөдөр явлаа.

• 57 кг: Э.Бэхбаяр, С.Батболд
• 61 кг: Т.Түвшинтулга
• 65 кг: Г.Мандахнаран, Б.Батмагнай
• 70 кг: Д.Алтангэрэл74 кг: П.Өнөрбат
• 86 кг: Т.Үйтүмэн
• 97 кг: Д.Хүдэрбулга
• 125 кг: Ж.Чулуунбат

Монголын шигшээ баг дээрх бүрэлдэхүүнийг мэдүүлээд байгаа ч яг одоогийн байдлаар Т.Түвшинтулга, Д.Алтангэрэл, Ж.Чулуунбат нарын виз гараагүй байгаа учир дасгалжуулагч О.Пүрэвбаатар гурван тамирчинтайгаа үлджээ. Өнөөдөртөө багтаж визний асуудал шийдэгдвэл тамирчид багийнхныхаа араас явахаар төлөвлөж байна. Шигшээ багийн багш дасгалжуулагчид дөрөвдүгээр сарын 16-нд тамирчдынхаа нэрс, холбогдох бичиг баримтыг Чөлөөт бөхийн холбоонд мэдүүлсэн ч ийн гурван тамирчны визний мэдүүлэг хойшилж, баг тамирчдад бэрхшээл үүсчээ.

Тэмцээн зургадугаар сарын 11-12-нд болно. Гурван тамирчны визний асуудал шийдэгдлээ гэхэд хугацаа тулгаж очих нь амжилтад нөлөөлөх эрсдэлтэй. Нөгөө талаар тамирчдын виз гарахгүй юм уу, хугацаа хоцрох тохиолдолд багаараа өрсөлддөг тэмцээнд үзүүлэх амжилтад шууд нөлөөлнө. Учир нь тамирчин оролцуулаагүй жинг шууд ялагдсанд тооцдог дүрэмтэй.

Энэ тэмцээнд ДАШТ-нд багийн дүнгээр эхний найман байр эзэлсэн шигшээ урилгаар оролцдог. Монголын эрэгтэй чөлөөт бөхийн шигшээ багийн хувьд гурван жил дараалан шилдгүүдийн “Дэлхийн цом”-д өрсөлдөх гэж байгаа юм.

“ДЭЛХИЙН ЦОМ”-Д ҮЗҮҮЛСЭН АМЖИЛТ /Монгол/

2013 он: 8-р байр

2014 он: 6-р байр

2015 он: 4-р байр

“ДЭЛХИЙН ЦОМ”-ЫН СУГАЛАА

А хэсэг: Монгол, ОХУ, Гүрж, Турк

Б хэсэг: Азербайжан, АНУ, Иран, Энэтхэг

“Найрсаг Улаанбаатар” хөтөлбөрийн хүрээнд зохион байгуулж буй “Улаанбаатар-2016” олон улсын гүйлтийн тэмцээн маргааш/2016.06.04/ болно. Энэ жилээс оролцогчдыг онлайнаар /http://ub-marathon.ub.gov.mn/ бүртгэж эхэлсэн бөгөөд нийт 21 мянган гүйгч бүртгүүлсэн байна.

Энэ өдөр Бага тойруу, Энхтайваны өргөн чөлөөний Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны автозамын хөдөлгөөнийг 08:00-18:00 цагийн хооронд түр хязгаарлах бөгөөд гараа, бариа Чингисийн талбайд болно.

“Улаанбаатар-2016” олон улсын гүйлтийн тэмцээн марафон болон сонирхогчдын гүйлт гэсэн хоёр ангилалд болно. Энэхүү гүйлтэд АНУ, БНХАУ, БНГУ, ОХУ, Их Британи, Итали, Кени, БНСУ, БНАСАУ, Чех, Турк зэрэг 20 орноос мэргэжлийн болон сонирхогчид гүйхээр бүртгүүлжээ.

Ингээд хөтөлбөрийг танилцуулья:

“УЛААНБААТАР МАРАФОН”-Ы ХӨТӨЛБӨР /2016.06.04/

• 08:30-09:00 Бие халаалтын дасгал хөдөлгөөн хийлгэх
• 09:00-09:30 Нээлтийн ажиллагаа
• 09:30-09:50 Гүйлтийн гараа: 42 км 195 м, 21 км 095 м, 10000 м
• 10:00-11:30 Гүйлтийн гараа: 5000 м
• 10:00-11:30 Бариа: 5000 м
• 10:30-13:00 Бариа: 10000 м
• 11:00-15:00 Бариа: 21 км 095 м
• 11:30-16:00 Бариа: 42 км 195 м
• 14:00-15:30 Шагнал гардуулах ажиллагаа: 5000 м, 1500м
• 15:00-15:30 Азтан шалгаруулах сугалааны тохирол
• 15:30-16:00 Урлагийн тоглолт
• 16:00-17:00 Шагнал гардуулах ажиллагаа: 42 км 195 м, 21 км 095 м, 10000 м
• 17:00 Хаалт

-Үндэсний лигийн Тэргүүн хэсгээс Сүхбаатар-Архангай, Дэд хэсгээс Ховд-Хэнтий аймгийн багууд аваргын төлөө тоглохоор шалгарлаа-

Монголын Үндэсний сагсан бөмбөгийн холбооноос 21 аймгийн дунд Үндэсний лигийг өнгөрсөн онд анх удаа зохион байгуулсан билээ. Энэ жил хоёр дахь удаагаа болж буй Үндэсний лигийг тэргүүн, дэд гэсэн хоёр зэрэглэлд хуваасан. Тэргүүн хэсэгт Архангай, Дархан, Орхон, Төв, Увс, Сүхбаатар, Хөвсгөл, Өмнөговь, Дэд хэсэгт Баянхонгор, Сэлэнгэ, Ховд, Хэнтий, Өвөрхангай, Дорноговь, Завхан аймгийн багууд багтсан. Тэгвэл дөрөвдүгээр сарын 23-ны өдөр эхэлсэн Үндэсний лигийн тэргүүн болон дэд хэсгийн медалийн төлөөх өрсөлдөх багууд тодорлоо.

Өчигдөр хагас шигшээ тоглолтын шийдвэрлэх гурав дахь тоглолтууд болж Тэргүүн хэсгээс Сүхбаатар-Архангай, Дэд хэсгээс Ховд, Хэнтий аймгийн багууд аваргын төлөө тоглох эрхийг авлаа.

Түрүүлж хоёр хожсон нь аваргын төлөө тоглох эрхийг авах байсан бөгөөд багуудын хожлын харьцаа 1:1 болоод байсан. Ингээд өчигдөр шийдвэрлэх гурав дахь тоглолт болсон юм.

ТЭРГҮҮН ХЭСЭГ:

• Алтан медаль: Сүхбаатар – Архангай
• Хүрэл медаль: Орхон – Увс

ДЭД хэсэг:

• Алтан медаль: Ховд – Хэнтий
• Хүрэл медаль: Баянхонгор – Сэлэнгэ

Медалийн төлөөх цуврал өнөөдрөөс Спортын төв ордонд эхэлнэ. Алтан медалийг түрүүлж хоёр хожсон нь хүртэх бол хүрлийн төлөө ганц тоглолт болох юм. Харин эмэгтэй багуудын хувьд алт, хүрлийн төлөө ганц тоглолт болно.

Өнгөрсөн онд Төв аймгийн багт шөвгийн наймд хожигдож байсан Архангайн сагсчид энэ жил мөнгөн медалийн болзол хангаж, аваргын төлөө тоглохоор шалгаран үлдлээ.

ХУВААРЬ: /Баасан, Бямба – VI.3-4/

Үндэсний эмэгтэй Лигийн Плей-оффийн тоглолтууд

• 16:00 Хэнтий Vs Архангай /Эмэгтэй/
• 17:30 Ховд Vs Дорноговь /Эмэгтэй/

• 19:00 Сүхбаатар Vs Архангай /Эрэгтэй/

Бямбад: /Энэ өдөр эрэгтэй Тэргүүн хэсгийн хүрэл, эмэгтэй багуудын мөн медалийн төлөөх ганц тоглолт болно/

• 11:00 Эмэгтэй хүрэл медалийн төлөө
• 12:30 Эмэгтэй Алтан медалийн төлөө
• 14:00 Сэлэнгэ VS Баянхонгор /ХҮРЭЛ/
• 15:30 Ховд VS Хэнтий /АЛТ – ЭХНИЙ ТОГЛОЛТ/
• 17:00 Орхон Vs Увс /ХҮРЭЛ/
• 18:30 Сүхбаатар Vs Архангай /АЛТ- II дахь тоглолт/

ТОГЛОЛТЫН ХАРЬЦАА:

Сүхбаатар – Орхон 2:1

• Сүхбаатар VS Орхон 61:47 /VI.02/
• Сүхбаатар VS Орхон – 78:73 /V.27/
• Сүхбаатар VS Орхон 76-75 /V.26/

Увс – Архангай 1:2

• Увс VS Архангай 74:84 /VI.02/
• Увс VS Архангай – 87:83 /V.27/
• Увс VS Архангай – 77:88 /V.26/

Сүхбаатар аймгийн баг Орхоныг 2:1-ээр хожиж, аваргын төлөө тоглохоор шалгаран үлдлээ. Орхон аймгийн баг өнгөрсөн онд Дарханы багт хожигдож, мөнгөн медаль хүртэж байсан бол сүхбаатарчууд хүрэл медаль дээр бууж байсан. Хоёр багийн хувьд өнгөрсөн жилийн хагас шигшээд учраа таарахад Орхон 72:63-аар хожиж байсан байна.

2015 оны анхдугаар тэмцээнд Сүхбаатар аймгийн баг хүрлийн төлөө Төв аймгийн багийг 72:65-аар хожиж байжээ. Тэд хагас шигшээд Орхонд 72:63-аар хожигдож байсан байна. Тэгвэл энэ жил 2:1-ээр хожсоноор аваргын төлөө тоглохоор шалгарлаа.

2015 оны Үндэсний лигийн мөнгөн медальт Орхоны баг энэ жил хүрлийн төлөө Увс аймгийн багтай тоглохоор боллоо. Тэд хагас шигшээд Сүхбаатарын багт 2:1-ээр хожигдсон юм.

Колумбын Богота хотод тус улсын олимпийн хорооны Ерөнхийлөгч Рио 2016 олимпийн наадамд оролцох Колумбийн тамирчдын өмсгөлөө танилцууллаа.