Сонгуулийн Ерөнхий Хорооноос УИХ-ын сонгуульд нэр дэвшигчдийн материалыг хүлээн авч, дууссанаар хуульд заасан үндэслэлээр нэр бүхий иргэдийг нэр дэвшигчээр бүртгэхээс татгалзсан.
Тухайлбал, Ардчилсан намаас Өвөрхангай аймагт нэр дэвшсэн Ч.Даваабаяр, Увс аймагт нэр дэвшсэн Б.Сүрэнжав, Бүгд найрамдах намаас УИХ-ын сонгуулийн 20 дугаар тойрогт нэр дэвшсэн Ж.Дорждагва, МАХН-аас УИХ-ын сонгуулийн зургаадугаар тойрогт нэр дэвшсэн Д.Чинзориг нарын нэр бүхий гишүүдийг тодорхой зөрчилтэйн улмаас нэр дэвшигчээр бүртгэх боломжгүй гэх тогтоолыг гаргасан.
Тэгвэл нэр дэвшигчээр бүртгэхээс татгалзсан иргэдийн хувьд Сонгуулийн тухай хуулийн 129 дүгээр зүйлийн 129.2-т зааснаар “… нам, эвсэл санал авах өдрөөс 25-аас доошгүй хоногийн өмнө зөрчлийг арилгасны үндсэн дээр нэр дэвшигчийг дахин бүртгүүлэх хүсэлтээ уламжлах, эсхүл энэ хуульд заасан журмын дагуу өөр хүний нэрийг дэвшүүлэн шаардагдах баримт бичгийг сонгуулийн төв байгууллагад ирүүлэх ёстой юм. Энэхүү хугацаа өнөөдөр буюу зургаадугаар 4-нд дуусна.
Улаанбаатар хотын хэмжээнд зам барилгын ажил үргэлжилж байна. Уг ажлын хүрээнд Их Монгол Улсын гудамжны 2.3км авто замын өргөтгөл шинэчлэлтийн ажил хийгдэж байгаа учраас өнөөдөр 23.00 цагаас зургаадугаар сарын 6-ний 23.00 цаг хүртэл Оргил худалдааны төвөөс Баян монгол хорооллын уулзвар хүртэлх авто замыг хааж хучилт хийх болжээ.
УИХ-ын дарга З.Энхболд зургаадугаар сарын 1-3-ны хооронд Япон улсад ажлын айлчлал хийсэн билээ. З.Энхболд дарга айлчлалын бүрэлдэхүүнд багтсан төлөөлөгчдийнхөө хамтаар өнөөдөр 20.17 цагт “Чингис хаан” олон улсын нисэх онгоцны буудалд хүрэлцэн ирснийхээ дараа сэтгүүлчдэд мэдээлэл хийлээ. Мэдээллийн эхэнд УИХ-ын дарга З.Энхболд Япон Улсын Парламентын Төлөөлөгчдийн танхимын дарга Т.Ошима, Зөвлөхүүдийн Танхимын дарга M.Ямазаки, Ерөнхий сайд Шинзо Абе нартай уулзаж, Хөдөлмөрийн яам, Япон Улсын Эрүүл мэнд, хөдөлмөр, нийгмийн халамжийн яам хоорондын “Хөдөлмөрийн салбар дахь хамтын ажиллагааны санамж бичиг” байгуулсан болохыг онцолсон юм. Мөн айлчлалын хүрээнд Уул уурхайн яам, Япон Улсын Эдийн засаг, худалдаа, аж үйлдвэрийн яам хоорондын “Цэвэр нүүрсний технологийн солилцоог дэмжих хамтын ажиллагааны санамж бичиг”-т гарын үсэг зурах ёслолд оролцсон талаарх мэдээллийг хүргэлээ. 
Тавдугаар сарын сүүлээс эхлэн долларын ханш бага багаар буурч өнөөдрийн байдлаар “Найман шарга” зах дээр нэг ам.доллар 1991 төгрөгтэй тэнцэж байна. Харин арилжааны банкууд нэг ам.долларыг 2003 төгрөгөөр зарж байгаа юм. Долларын ханш буурсан нь Оюутолгойн далд уурхайн бүтээн байгуулалтад шаардагдах эхний ээлжийн мөнгө орж ирсэнтэй эдийн засагчид холбон тайлбарлаж байна.
Өнөөдөр Хан-Уул дүүргийн 5-р хорооны нутаг дэвсгэр буюу 71-р цэцэрлэгээс чанх хойшоо үргэлжлэх 0,5 км урттай, хорооллын дундах хатуу хучилттай авто замын ажил дуусч, шинээр нээлтээ хийлээ.
Америкийн дугуйчин Тижей ван Гардерен энэ зун Рио-де-Жанейрогийн олимпод оролцохоос татгалзжээ. Тэрбээр Зика вирусын халдвар авах эрсдэлтэй хэмээн ийн татгалзаж. Учир нь түүний эхнэр бие давхар юм байна. Тиймээс ирээдүйд мэндлэх үр, гэр бүлийнхнийхээ эрсдэлд оруулахгүйн тулд ийм шийдвэрт хүрчээ.
Зураг болон богино хэмжээний дүрс бичлэг хуваалцах “Snapchat” үйлчилгээг өдөр бүр 150 сая хүн ашиглаж байгаа гэнэ. Энэ нь 
Сурыг мал аж ахуйд өргөнөөр ашигладаг байсан уламжлал сүүлийн үед тасалдахад хүрч БНХАУ-аас импортоор оруулж ирсэн мяндсан материалаар хийсэн өргөн нарийн олсыг өргөнөөр хэрэглэх болсон. Тэгвэл ШУТИС-ийн харьяа шинжлэх ухаан техникийн ахлах сургуулийн XII ангийн сурагч Р. Авирмэд хэмээх хүү малчдад туслах нэгэн шинэ бүтээл хийсэн байна. Сур элдэх арга ажиллагаа нь хүч, хугацаа нилээдгүй шаарддаг тул малчид мяндсан олсоор чөдөр, тушаа, ногт, хазаар, цулбуур, жолоо, жирэм, бугуйл, аргамжаа, зэл, хүзүүвч аргамжаа, ачааны тэн хийж ашиглаж байгаа нь малын арьс, үсийг халцлах, холгох, гүн гэмтээхээс гадна хэврэг, ус бороо, агаарт өгөршиж тасрах, хаягдал нь устахгүй байгальд олон жилээр хог болж байдаг зэрэг сөрөг үр дагаврыг үзүүлдэг ажээ. 
Өвөрхангайн домогт бөх, улсын арслан Гялдангийн Цоодол агсаны мэндэлсний 100 жилийн ой энэ жил тохиож байна. Үүнтэй уялдуулж Цоодол арслангийн төрсөн нутаг Гучин-Ус сумын төвд түүний хөшөө сүндэрлэн босчээ. Энэхүү хөшөөний ар талд зохиолч, сэтгүүлч Б.Ойдовын “Аваргын эрэмбэтэй арслан” хэмээх шүлэг сийлэгджээ.
