Энэ онд улсын хэмжээгээр 322.96 мянган га-д үр тариа, үүнээс 301.5 мянган га-д улаанбуудай, 21.46 мянган га-д үр тарианы төрлийн бусад таримал, 13.4 мянган га-д төмс, 7.1 мянган га-д хүнсний ногоо, 16.3 мянган га-д тэжээлийн, 25.3 мянган га-д тосны ургамал, нийтдээ 385.2 мянган га-д тариалалт хийхээр төлөвлөсөн.
Өнөөдрийн байдлаар 332.2 мянган га-д үр тариа үүнээс 314.5 мянган га-д улаанбуудай, 17.7 мянган га-д бусад таримал, 10.9 мянган га-д төмс, 4.8 мянган га-д хүнсний ногоо, 6.4 мянган га-д малын тэжээл, 28.9 мянган га-д тосны ургамал, нийтдээ 383.3 мянган га-д тариалалт хийж 99.5 хувийн явцтай байна.
Үр тарианы тариалалт 102.9 хувьтай байгаа бол төмс 81.1 хувь, хүнсний ногоо 68.1 хувь, тэжээлийн ургамал 39.7 хувь, тосны ургамлын тариалалт 114.3 хувьтай байна.
Улаанбуудайн төлөвлөсөн тариалалт дууссан. Төмс, хүнсний ногоо, малын тэжээл, тосны ургамлын тариалалт үргэлжилж байгаа бөгөөд 6 дугаар сарын 5-ны дотор тариалж дуусгахаар төлөвлөн ажиллаж байна.
Нийслэлийн Их Монгол улсын гудамжны 2.3 км авто замын өргөтгөл шинэчлэлтийн ажил хийгдэж байна. Энэ ажлын хүрээнд тус замын Жапан таун хотхон руу ордог уулзвараас урагшаа Маршалын гүүрний урд уулзвар хүртэл хэсгийг 2016 оны зургадугаар сарын 7-ны 01.00 цагаас зургадугаар сарын 10-ны 23.00 цагийн хооронд хаана. Харин Оргил худалдааны төвөөс Баянмонгол хорооллын уулзвар хүртэлх хэсгүүдийн хөдөлгөөнийг 2016 оны зургадугаар сарын 10-ны 23.00 цагаас зургадугаар сарын 12-ны 23.00 цагийн хооронд түр хааж хучилт хийх болсоныг Нийслэлийн авто замын газраас мэдээллээ.
Өнөөдөр Зайсангийн гудамжаас Удирдлагын академийн хойгуур “Жапан таун” орон сууцны хороолол хүртэлх 0.75 км авто замын нээлт боллоо. Уг авто замын барилгын ажлыг гуравдугаар сарын 28-наас эхлүүлсэн бөгөөд гэрээ ёсоор энэ сарын 30-нд ашиглалтад өгөх хуваарьтай байсан ч ийнхүү хугацаанаасаа өмнө ашиглалтад бүрэн орууллаа.
“Track Mongolia” төслийн хүрээнд Дэлхийн дугуйн төвд бэлтгэл сургууль хийж буй Б.Тэгшбаяр маань 6 сарын 4 -ний Бямба гарагт Португаль улсын Анадиа хотод болсон олон улсын тэмцээний 60 км-ийн Олон бариат уралдаан болон 1км-ийн цагийн уралдаануудад хос Хүрэл медаль авлаа.
“Оросууд 2020 он гэхэд мах, махан бүтээгдэхүүн, сүү, хүнсний ногоо зэрэг өргөн хэрэглээний бараа бүтээгдэхүүнээ дотооддоо бүрэн хангаж, импортын бараа оруулахгүй болно” гэж тус улсын Хөдөө аж ахуйн сайд Александр Качев мэдэгдлээ.
Монголын Үндэсний түүхийн музей монголдоо анх удаа мини кино театртай боллоо. Мини кино театрыг БСШУЯ-ны дэмжлэгтэйгээр суурилуулж байгаа бөгөөд тус театр нь“Panasonic” брэндийн “PT-RW330EA” загварын прожектор болон 18 төрлийн дагалдах хэрэгсэлтэй, 60 хүний суудалтай ажээ.
Аялал жуулчлалыг хөгжүүлэх түшиц газар болгох зорилгоор Өмнөговь аймгийн Даланзадгад суманд Үндэсний соёл амралтын хүрээлэн байгууллаа. Үлэг гүрвэлийн өлгий нутаг гэгддэг тус аймгийн төвд сүндэрлэн боссон энэ бүтээн байгуулалт зургадугаар сарын 1-ний өдрөөс албан ёсоор үүд хаалгаа нээжээ.
Япон улсын
