Монгол Улсын Их Хурлын дарга Зандаахүүгийн Энхболдод Улсын Их Хурлын гишүүн, Засгийн газрын гишүүн, Хүнс, хөдөө аж ахуйн сайд Р.Бурмаа Хөдөө аж ахуйн “Халх гол” Үндэсний бүтээн байгуулалтын бүсийн тухай Улсын Их Хурлын тогтоолын төслийг өнөөдөр /2016.05.05/ өргөн мэдүүллээ.
Манай улсын хувьд 2015 онд 55.9 сая мал бүртгэснээс баруун бүсэд 13.7 сая, хангайн бүсэд 20.5 сая, төвийн бүсэд 13.2 сая, зүүн бүсэд 8.2 сая мал тус тус байна.
Сүүлийн жилүүдэд мал, амьтны гоц халдварт өвчин улсын хэмжээнд тодорхой давтамжтай гарч байгаа нь хүнсний аюулгүй байдал, нийтийн эрүүл мэндэд сөргөөр нөлөөлж, улмаар хөдөө аж ахуйн гаралтай түүхий эдийг экспортод гаргахад бэрхшээл үүсэж байна. Одоогоор баруун болон төвийн бүсийг малын вакцин тарьдаггүй өвчингүй, тайван, зүүн бүсийн малыг вакцин тарьдаг өвчингүй, тайван бүс болгох зорилгоор ажиллаж байна. 2016 оны байдлаар ОХУ-д үхэр, хонь, адууны түүхий махыг тус улсын хойд мужууд руу, БНХАУ-д үхэр, хонь, ямааны түүхий махыг анх удаа экспортлох боломжтой болсон бөгөөд БНСВУ-д мөн гүн хөлдөөсөн хонь, ямааны мах экспортлох талаар зөвшилцсөн хэмээн Хүнс хөдөө аж ахуйн сайд Р.Бурмаа Улсын Их Хурлын даргад танилцууллаа.
Иймд Монгол Улс газар зүйн байршлын давуу тал, бэлчээрийн мал аж ахуйн өв соёл, газар нутгийн нөөц, хөрсний үржил шим, дахин сэргээгдэх баялагт суурилсан хөдөө аж ахуйн үйлдвэрлэлийг экспортын баримжаатайгаар бүсчлэн хөгжүүлэх нөхцөл, боломжийг ашиглах хэрэгтэй байна. Ялангуяа хөрш хоёр орны мах, махан бүтээгдэхүүний хэрэгцээ бидний томоохон зах зээл болохоор байна. Тухайлбал, ОХУ 2014 онд 633.1 мянган тн үхрийн мах, 9.7 мянган тн хонь, ямааны махыг Бразил, Парагвай, Беларусь, Аргентин, Уругвай улсаас тус тус импортолсон байна. Харин 2014 онд БНХАУ-ын үхрийн махны импорт 297.2 мянган тонн, хонь, ямааны махны импорт 282.8 мянган тоннд хүрсэн байна. БНХАУ-ын махны импортын 42 хувийг Австрали, 34 хувийг Шинэ Зеланд, 16 хувийг Уругвай улс тус тус бүрдүүлжээ.
БНХАУ их хэмжээний мах тэр дундаа богийн мах Монгол Улсаас импортлон авах сонирхолтой байгаагаа илэрхийлээд байгаа билээ. Тухайлбал, БНХАУ-ын Махны холбоо 1 тэрбум ам.долларын үхэр, хонь, ямааны махыг 2018 он хүртэл импортлох талаар Монголын махны холбоотой гэрээ байгуулсан байна.
Гэтэл манай улсын мал, амьтны гоц халдварт өвчний нөхцөл байдлаас хамааран БНХАУ-д зөвхөн баруун бүсийн 5 аймгаас л түүхий мах бэлтгэн экспортлох хязгаарлалттай тулгараад байна.
Энэ асуудлыг шийдвэрлэх үүднээс мал, амьтны гоц халдварт өвчнөөс өндөр хэмжээнд урьдчилан сэргийлсэн, хорио цээрийн байнгын хяналтыг тогтоосон бүсүүдийг бүх бүс нутагт байгуулан экспортод чиглэсэн малын гаралтай бүтээгдэхүүний үйлдвэрлэлийн нэг цонхны бодлогыг бий болгох шаардлагатай байна. Цаашлаад уг бүс нутагт хөдөө аж ахуйн чиглэлээр хөрөнгө оруулалт татах, түүнийг баталгаажуулах, дэвшилтэд техник, технологи нэвтрүүлэх зэргээр хөдөө аж ахуйг олон улсын зах зээлийн чиг баримжаатайгаар эрчимтэй хөгжүүлэх боломж ажээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
Ховд, Улаангом, Өлгий чиглэлийн 5-р сарын 19-ний өдрийг хүртэлх нислэгийн шинэчилсэн цагийн хуваарийг хүргүүлж байна..
ОБЕГ-ын улсын нѳѳцийн салбарт хадгалагдаж буй 5000 тонн үрийг тариаланчдад олгож, шаардлагатай үрийг бүрдүүлэхээр болжээ. Уг асуудлыг Засгийн газрын ээлжит хуралдаанаар хэлэлцэн шийдвэрлэсэн байна.
Энэ сарын 3-ны өдөр Чингэлтэй дүүргийн 61 дүгээр дунд сургуулийн, нэг ангийн 14 сурагч хоолны хордлогод орсон тухай мэдээг бид өмнө хүргэсэн. Энэ сургууль цайны газаргүй тул 1-5 дугаар ангийн сурагчдын “Үдийн цай”-г “Айплмүүн”, “Хаан сүү” ХХК-аас авдаг аж. Үүнтэй холбоотойгоор дээрх үйлдвэрүүдэд Нийслэлийн мэргэжлийн хяналтын газар, Халдварт өвчин судлалын үндэсний төвөөс хамтран тандалт, хяналтыг хийж байгаа бөгөөд лабораторийн шинжилгээний хариуг эцэслэн гартал үдийн цайны нийлүүлэлтийг түр хугацаагаар зогсоогоод байна.
Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд Сүхбаатар дүүргийн прокурорын газраас Эрүүгийн хуулийн тусгай ангийн 117 дугаар зүйлийн 117.2 дах хэсэгт заасан гэмт хэрэгт яллах дүгнэлт үйлдэж ирүүлсэн Б.Долгорсүрэн, Б.Чанцалдулам нарт холбогдох эрүүгийн хэргийг энэ сарын 2-ны өдрийн шүүх хуралдаанаар хянан хэлэлцлээ.
Монгол улсын хэмжээнд 540 салбар нэгжтэй Төрийн банкнаас 2.7 сая харилцагчиддаа бүтээгдэхүүн үйлчилгээгээ ОУ-ын стандартад нийцсэн, тав тухтай орчинд үзүүлэхийг зорин ажиллаж байгаа билээ.
УИХ-ын чуулганы нэгдсэн хуралдаанаар Геодези, зураг зүйн тухай хуульд нэмэлт оруулах тухай болон холбогдох бусад хуулийн төслүүдийг БХБ-ын сайд З.Баянсэлэнгэ танилцуулав. УИХ-ын гишүүн Ц.Нямдорж “Цаашдаа ямар асуудал хэлэлцээд шийдвэр гаргах вэ гэдэг дээр УИХ-ын удирдлагын түвшинд ярилцаад шийдээд явъя. Өглөө хамгийн түрүүнд намайг ирэхэд Ж.Батсуурь гишүүн сууж байсан. АН-ын бүлгээс Б.Гарамгаабаатар алга. Байхгүй гишүүний картыг хийж ирц бүрдүүллээ. Зарим гишүүд дөрвөн ширээний ард гүйж кноп дарж байна. УИХ-ын дарга гурван орлогчтой. Нам, эвслийн ажлыг зохицуул гэж та нарыг томилсон. Энэ бүхнээ ярилцаач ээ. Р.Гончигдорж дарга та картаа хийснээр шийдээд явна гэдэг чинь сөрөг хүчин орж ирэхгүй байна гэсэн санаа. Одоо сонгуулийн асуудлаа ярьж, хуулийн хэлэлцүүлгээ хийгээч ээ. Юу яасан геодизи вэ. УИХ өөрөө сонгуулийн хэлэлцүүлгийг тодорхойгүй явж байгаа нь улс төрийн тогтворгүй байдлыг бий болголоо. Сонгуулийн хуулийг хэлэлцэх нь нэг номерын асуудал. Одоо бусад бүх зүйлээ зогсоо” хэмээн бухимдангуй илэрхийлэв.
Одоогоор чуулганы танхимд 38 гишүүн хүрэлцэн ирсэн байгаагаас найм нь УИХ дахь Ардчилсан намын бүлгийн гишүүд юм. Иймээс МАН-ын бүлгийн гишүүд эрх баригчид ирцээ бүрдүүлэх ёстой гэсэн шаардлага тавилаа. Хурал даргалагч Р.Гончигдорж “Ирцэнд нийт 43 гишүүн орсон байсан” гэдэг тайлбар хийв.
Ираны Тегеран хотноо болж буй диф /сонсголгүй/ сонгомол болон чөлөөт бөхийн дэлхийн аварга шалгаруулах тэмцээний өсвөр үеийн 54 кг-д зодоглосон Намдагдоржийн Эрхэмбаяр дэлхийн аварга боллоо. Сонсголын бэрхшээлтэй хүү дэлхийн дэвжээнд бүх өрсөлдөгчөө цэвэр ялж түрүүлэн Иран улсад төрийн дуулалаа эгшиглүүлж, алтан соёмбот далбаагаа мандуулжээ. Тэрбээр эхний тойрогтоо Казахстаны Ершатиг Жанабил, улмаар Туркийн Серхан Долек нарыг цэвэр ялснаар хүрэл медалийн болзол хангажээ. Хагас шигшээд Андрей Ивановыг цэвэр ялж шигшээд шалгарсан. Шигшээд тэмцээнийг зохион байгуулагч орны бөх Ираны Нассер Каримиг ялж дэлхийн аварга боллоо.