УИХ-ын чуулганы нэгдсэн хуралдаанаар байнгын хорооноос гаргасан санал дүгнэлтийн дагуу Сонгуулийн тухай хуульд нэмэлт өөрчлөлт оруулах тухай хуулийн төслийг хэлэлцэн шийдвэрлэлээ. Өнөөдрийн хуралдаанд оролцсон 58 гишүүний 72.4 хувийн саналаар дэмжин Сонгуулийн тухай хуульд нэмэлт өөрчлөлт орууллаа. Ингэснээр УИХ-ын сонгууль жижиг 76 тойрогтой байхаар болж байгаа юм.
Мөн УИХ-ын 2016 оны нэгдүгээр сарын 29-ний өдрийн УИХ-ын тогтоолыг 75.9 хувийн саналаар хүчингүй болголоо. Учир нь хуучин хуулиар намуудын нэр дэвшүүлэх ажиллагаа өнөөдрөөс эхэлж ирэх даваа гаригт дуусах ёстой байсан юм. Үндсэн хуулийн цэцийн дүгнэлтийг хүлээн авсантай холбоотойгоор боломжгүй болсон тул уг хугацаанд өөрчлөлт орж намууд тавдугаар сарын 20-23-ны хооронд УИХ-д өрсөлдөх нэр дэвшигчээ тодруулах болж байна.
Цэцийн дүгнэлтээр орон нутгийн сонгууль хөндөгдөөгүй тул нэр дэвшүүлэх хугацаанд өөрчлөлт орохгүй юм байна. Тиймээс ирэх даваа гаригт багтаан орон нутгийн сонгуульд өрсөлдөх нэр дэвшигчийг тодруулах ажиллагааг хуулийн хугацаанд нь багтаах чиглэлийг УИХ-ын дарга З.Энхболд өглөө. Энэ асуудлыг хэлэлцэн шийдвэрлэснээр УИХ-ын чуулганы өнөөдрийн хуралдаан өндөрлөлөө.
Дундговь аймгийн төвийн сургууль, цэцэрлэгийн хүүхдүүд төл малын бойжилтод зориулж малчдад сүү хандивласан байна. Тэд аймгийнхаа Улаан загалмайн хорооноос зохион байгуулсан “Сүүгээр төл бойжино, Төлөөр мал өснө” аянд нэгджээ. Хүүхдүүд тус бүрдээ 100 гр сүү хандивлаж, нийт 240 сав шингэн болон хуурай сүүг Улаан загалмайн хороонд хүлээлгэн өгсөн байна. Хандивын сүүг Улаан загалмайн сайн дурын идэвхитнүүд сумдад хуваарилж, сумд малчин өрхдөө өгч эхэлжээ.
УИХ-ын гишүүн Д.Тэрбишдагва, Ч.Улаан нар “Шударга ёс” эвслийн бүлгээс гарч, тус эвсэл зургаан гишүүнтэй болсноос бүлэг тарж, Засгийн газрын эрх зүйн чадамжид нөлөөлж болзошгүй гэсэн мэдээлэлд Монгол Улсын сайд, Засгийн газрын Хэрэг эрхлэх газрын дарга С.Баярцогт тайлбар хийлээ.
Дорнод аймгийн Халхгол сумын “Буйр” нууранд дөрвөн иргэн завьтай загасчилж яваад усанд осолдсоныг өмнө нь мэдээлж байсан. Тодруулбал, хоёр иргэн нь нуурын усанд осолдож, хоёр нь эргээс 300 метрт мөсөн дээр байгаа тухай дуудлага өнгөрсөн сарын 24-ний өдөр ирсэн байдаг. Тус өдөр Хилийн 0306 дугаар ангийн алба хаагчид мөсөн дээр осгож нас барсан иргэн 27 настай Б-ын цогцсыг гарсан байна. Ингээд улмаар 42 настай Г, 26 настай Б, 41 настай М нарын цогцсыг эрэн хайх ажиллагааг Онцгой байдлын газраас явуулж осолдсон иргэдийн завийг олоод байгаа. Харин одоогоор цогцсыг олоогүй байгаа аж. 
БНСУ-ын Пхёнтхэк хотод нэгэн айлд гал гарчээ. Гал гарахад гэртэй гурван хүүхэдтэйгээ байсан эмэгтэй нэлээд сандарсан байна. Тэрээр хүүхдүүдээ галаас аврахын тулд цонхоор шиджээ. Учир нь цонхон доор олон хүн цугларсан байсан аж. Хоромхон зуур гал газар авахад тус ээж зоригтой алхам хийж нэг, гурав болон дөрвөн настай хүүхдүүд ээ цонхоор шидэж өөрөө хамгийн сүүлд үсэрчээ. Аз болоход тэд бэртэж гэмтээгүй, эрүүл саруул үлдэж, галаас аврагдсан байна. Тэднийг байшингийн ойролцоо явж байсан Осаны агаарын бааз дахь АНУ-ын цэргүүд аварчээ.
Эрүүл мэнд, спортын яамны Төрийн нарийн
УИХ дахь Ардчилсан намын бүлгийн ээлжит бус хуралдаан боллоо. Хуралдаанаар сонгуулийн тойргийг хэлэлцээд жижиг 76 тойргийг сонгох шийдэлд хүрчээ. Энэ тойргийг сонгосон нь нэг намаас нэр дэвшигчид хоорондоо өрсөлдөж, саналаа хуваалцахгүй хэмээн үзсэнтэй холбоотой. Том 26 тойргийг сонгосон нөхцөлд нэг намаас нэр дэвшигчид хоорондоо өрсөлддөг учраас жижиг 76 тойргийг сонгох нь зөв хэмээн шийдэлд хүрсэн байна.
Нийслэлийн хүүхэд гэр бүлийн хөгжлийн газраас өнөөдөр энэ зун ажиллах хүүхдийн зуслангуудыг танилцууллаа.
Нийслэлийн Хүүхэд, Гэр Бүл Хөгжлийн газраас өнөөдөр мэдээлэл хийв. Энэ оны дөрөвдүгээр сарын байдлаар 715 хүн хүүхэд харагчийн сургалтад сууж, улмаар шалгалтдаа тэнцээд “хүүхэд харагч” гэсэн гэрчилгээгээ гардаж авчээ.