“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
“Өдрийн сонин”-ы удамжлалт “Танайд өнжье” булангаар Ялалтын маршал Г.К.Жуковын гэр музейд зочилсноо онцоллоо. Өнөөдөр аугаа их ялалтын баярын өдөр билээ. Г.К.Жуковын музейд зочилсон энэхүү тэмдэглэлийг дэлгэрэнгүйгээр нь XII, XIII нүүрнээс унших боломжтой. “Халх гол” төслийн захирал Ж.Энхжаргалын “Дэлхийд эрдэс баялгийн үнэ унаж, харин ХАА-н бүтээгдэхүүний үнэ тогтмол өсч байгаа” ярилцлага мөн өнөөдрийн шинэ дугаарт маань хэвлэгдлээ.
“Глобал удирдагч” дээд сургуулийн Удирдах зөвлөлийн дарга Б.Отгонбатын “Залуус бидэнд арагш суух эрх байхгүй” ярилцлага хэвлэгдэн гараад байна. Түүний ярилцлагын дэлгэрэнгүйг IV, V нүүрнээс уншаарай. Мөн хуульч, өмгөөлөгч Ц.Монголын “Манай өнөөдрийнх шиг хямрал эцэстээ дарангуйлал руу аваачдаг түүх байна” ярилцлагыг VI нүүрнээс уншаарай. Мөн “Сонгуулийн сурталчилгааны хугацаа богино байх нь шоудаж гарч ирдэг “одод”-ыг байхгүй болгодог” нийтлэлийг энэ өдрийн дугаараас тольдоно уу.
“Улс төр” буланд “Оюу толгойн гүний уурхайн бүтээн байгуулалтын гараа” ёслолын ажиллагааны эрэн тойронд болсон үйл явдлыг сурвалжилж нийтэллээ. Энэ нь жилд тэрбум ам.доллар өгөх Оюу толгойн бүтээн байгуулалт эрчимжиж буй мэдээлэл энэ өдрүүдийн нэгэн таатай мэдээ байлаа. Дэлгэрэнгүйг II, XI нүүрнээс унших боломжтой.
“Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг “Баримт, үзэл бодол”-ын гуравдугаар нүүрт нийтлэлч Д.Оюунтуяагийн “Монголчуудын тусгаар тогтнолын нэг баталгаа нь гадаадад байгаа монголчууд” нийтлэл хэвлэгдлээ.
“Баримт, үйл явдал” нүүрнээс АНУ-д сураггүй алга болсон монгол эмэгтэйг эрэн сурвалжилж байгаа талаарх мэдээллийг уншаарай. “Соёл урлаг” буланд “The Lemons” хамтлагийн соло гитарчин А.Энхтулгын “Энэ unplugged манай хамтлагийн сүүлийн тоглолт байх” ярилцлага болон “Гэгээн муза 2016” наадмын талаарх мэдээллийг хэвлэлээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
Аж ахуй нэгж байгууллагуудын халаалтыг хуваарийн дагуу энэ сарын 1-ний өдрөөс хаах гэж байгаа талаар Дулааны шугам сүлжээ компаниас мэдээлсэн билээ. Ийнхүү халаалтыг өчигдөр зогсоосон бөгөөд цэцэрлэг сургууль, албан байгууллагууд хүйтэн болох магадлалтай тул хүүхдүүдээ дулаан хувцаслаж байхыг эцэг, эхчүүдэд сануулжээ. Харин айл өрх, орон сууцны халаалтыг тавдугаар сарын 15-ны өдрөөс эхлэн хааж инженер шугам сүлжээний засварын ажлыг хийж эхлэх аж.
Монгол Улсын гавьяат жүжигчин, ДБЭТ-ын гоцлол дуучин Э.Амартүвшин энэ сарын 11-нд өөрийн театрын тайзнаа бие даасан анхны тоглолтоо хийх гэж байна. Тэрээр тоглолтондоо зориулан зөвхөн сонгодог бүтээлүүд сонгосон бөгөөд Монгол, Итали, Орос хэлнээ найман ари, таван романс дуулах юм байна.Тоглолтод УДБЭТ-ын найрал дуучид, симфони найрал хөгжим, ерөнхий концертмейстер, гавьяат жүжигчин Б.Солонго, Итали улсын “Ла Скала” театрын удирдаач Стефано Салватори урилгаар оролцож байгаа аж.Э.Амартүвшин өнгөрсөн сарын 29, 30-нд “Ла Скала” театрын удирдаач Стефано Салваторитой хамтран Миланы ойролцоох хоёр хотод бие даасан тоглолтоо амжилттай зохион байгуулсан билээ.
Авто тээврийн болон өөрөө явагч
Энэ жил
Өнгөрсөн бямба гаригт БНСУ-д “Зика” вирусын халдвар авсан дөрөв дэх хүн бүртгэгджээ. Халдвар авсан хүн дээд сургуулийн оюутан, 25 настай эмэгтэй бөгөөд тэрээр Вьетнам улсад 20 гаруй хоноод, энэ сарын 2-ны өдөр эх орондоо буцаж очсон байна. 
Театр урлагийн шилдгийг шалгаруулдаг “Гэгээн муза” наадам өчигдөр болж өндөрлөв. Наадмын шилдгийн шилдэг “Гран при” шагналыг Төрийн соёрхолт найруулагч Н.Наранбаатарын шинэчлэн найруулсан “Ромео Жульетта” жүжиг хүртлээ. Мөн нийт таван номинацид нэр дэвшиж, таван муза хүртсэн “Ромео Жульетта”, “Гэгээн муза” наадмын шилдгийн шилдэг жүжгээр шалгарав.
Замын цагдаагийн баруун урд уулзвараас Их Монгол Улсын гудамжны 2.1 км авто замын өргөтгөл шинэчлэлтийн ажлын хүрээнд тус замын Маршал таун руу ордог гарцнаас Ривер гарден хотхоны уулзвар хүртэлх хэсгийн тээврийн хөдөлгөөнийг шөнийн цагаар, хэсэгчлэн түр хааж зам барилгын ажил хийх болжээ.
Өнөөдрийн байдлаар улсын хэмжээнд нийт эх малын 66.9 хувь буюу 15.9 сая эх мал төллөж 15.6 сая төл хүлээн аваад байна.
Нийслэлийн Засаг даргын захирамжийн дагуу нийслэлийн хэмжээнд цэргийн жинхэнэ алба хаах хугацааг дуусгаж, бэлтгэлээр халагдсан байлдагч, түрүүчийг хүлээн авах, цэргийн жинхэнэ албанд залуучуудыг татах, гэрээт цэргийн албанд элсүүлэх ажил энэ сарын 6-ны өдөр албан ёсоор эхэлсэн.