Улаанбаатараас–Бээжин чиглэлийн CA-902 рейсийн онгоцны энэ сарын 15-ны өдрийн нислэгээр ХБНГУ-ын иргэн Fabian Andy Deutsch ямар амьтных нь үл мэдэгдэх чулуужсан яс авч гарах гэж байжээ.
Буянт Ухаа боомт дахь хилийн мэргэжлийн хяналтын албаны мал эмнэлэгийн хяналтын улсын ахлах байцаагч Б.Дэлгэрмаа зорчигчийн ачаа тээшинд 3,65 кг жинтэй таван хэсэг, чулуужсан яс нь дагалдах бичиг баримтгүй байсныг илрүүлж, 0000013 тоот бүтээгдэхүүнийг хураан авч, Шинжлэх-ухааны академийн Палеонтологи, Геологийн хүрээлэнд шинжээчийн дүгнэлт гаргуулахаар шилжүүлсэн аж.
ШУА-ийн Палеонтологи, Геологийн хүрээлэнгээс тухайн дөрвөн ширхэг олдвор нь үлэг гүрвэлийн чулуужсан ясны хэлтэрхий мөн гэдгийг тогтоосон хэдий ч хаанаас олсон, ямар хүнээс авсныг нь тогтоох шаардлагатай гэсэн шинжээчийн дүгнэлт гарчээ. Иймд уг олдворыг, холбогдох байгууллагын шинжилгээний дүн, бусад материалын хамт Иргэний агаарын тээвэр дэх Цагдаагийн хэлтэст шилжүүллээ гэж МХЕГ-ын Гадаад харилцаа, олон нийттэй харилцах хэлтсээс мэдээллээ.
Монгол Улсын Үндэсний номын сан нь Дэлхийн музейн өдрийг тохиолдуулан номонд зориулсан дэлхийд цор ганц “Данжуурын гэрэлт хөшөө”-нд хүндэтгэл үзүүлэх ёслолыг зохион байгууллаа.
Энэхүү гэрэлт хөшөө нь Дэлхийн өвд бүртгэгдсэн Монгол Данжуурын 226 боть номыг 1924 онд Монгол Улсын нийслэлд залж авч ирсний дурсгалд зориулан бүтээсэн, хаана ч байхгүй цорын ганц өв төдийгүй дөрвөн ч хүний гарын үсэг бүхий чулуун ном гэдгээрээ асар нэр хүндтэй юм.
Өнөөдрийн ёслолын үйл ажиллагааны үеэр нийгэмд эерэг, гэгээлэг мэдээлэл дамжуулах зорилгоор Үндэсний номын сангийн фонд болон хувь хүмүүст өгсөн өвөрмөц, сонин содон гарын үсэгтэй номуудаар үзэсгэлэн дэлгэн гаргажээ. 
Нийслэлийн сонгуулийн хороо НИТХ-ын сонгуульд оролцох хүсэлтээ ирүүлсэн ИЗНН, МСДН-аас гадна хоёр эвслийг бүртгэхээс татгалзсан. Уг шийдвэрийг эсэргүүцэн “Нэгдсэн Монгол эвсэл”-ийн тэргүүн УИХ-ын гишүүн Г.Уянга тэргүүтэй хүмүүс НЗДТГ руу дайрч орсон юм. Тэднийг Нийслэлийн сонгуулийн хорооны дарга Ё.Гэрэлчулуун хүлээн авч уулзсан.
Монгол Улсын Ерөнхийлөгч Цахиагийн Элбэгдорж Бүгд Найрамдах Солонгос Улсын Ерөнхийлөгч Пак Гын Хэ-гийн урилгаар Бүгд Найрамдах Солонгос Улсад албан ёсны айлчлал хийхээр дагалдан яваа төлөөлөгчдийн хамт Сөүл хотноо хүрэлцэн ирлээ.
Монгол Улсад орчин цагийн харилцаа холбооны салбар үүсч хөгжсөний 95 жилийн ой, Цахилгаан холбоо, мэдээлэлжсэн нийгмийн дэлхийн өдрийн хүрээнд зохион байгуулагдаж буй ICT EXPO-2016 үзэсгэлэнгийн нээлтийн ажиллагаа Мишээл ЭКСПО-д боллоо.
Төрийн орон сууцны корпорациас хэрэгжүүлж буй “Төрийн түрээсийн орон сууц” хөтөлбөрийн албан ёсны нээлт өнөөдөр Авто тээврийн үндэсний төвд боллоо. Нээлтэд Монгол улсын ерөнхий сайд Ч.Сайханбилэг, Барилга хот байгуулалтын сайд З.Баянсэлэнгэ, УИХ-ын даргын зөвлөх Г.Байгальмаа, ТОСК-ийн ерөнхий захирал Б.Гантулга, тэргүүн дэд захирал Б.Алтанхуяг, дэд захирал Д.Оюунжаргал болон бусад албаны хүмүүс оролцлоо.
Засгийн газраас баталсан 2015 оны 248 дугаар тогтоолоор “Түрээсийн орон сууц хөтөлбөр”-ийг хэрэгжүүлэхээр болсон. Улмаар Барилга, хот байгуулалтын яамнаас “Иргэдийг түрээсийн орон сууцанд оруулах журам” боловсруулж баталсан билээ. Түрээсийн орон сууц хөтөлбөр нь манай улсад анх удаа хэрэгжиж байгаа бөгөөд ТОСК-ийн захиалгаар “Аймаг бүрт 1000 айлын орон сууц” хөтөлбөр хэрэгжүүлж баригдсан орон сууцанд хуваарилагдсан квотын дагуу иргэдийг сонгон шалгаруусан юм. Өнөөдрийн байдлаар Дархан-Уул, Сэлэнгэ, Увс аймаг, Ховд, Архангай аймгуудад нийт 579 орон сууцыг түрээлслүүлж эхлээд байна.
Монголын бодибилдинг фитнессийн холбооноос уламжлал болгон зохион байгуулдаг “Монголын мастер” 25 дахь удаагийн тэмцээн “UB Palace”-т энэ сарын 28-29-нд болно. Энэ удаагийн тэмцээн 17 ангилалд болох бөгөөд эхний гурван байрт шалгарсан тамирчид Бутаны хаант улсад есдүгээр сарын 2-8-нд болох Азийн АШТ, Бразилийн Сан Паула хотод арваннэгдүгээр сард болох ДАШТ-д оролцох эрх өвөртөлнө.
Нийслэлийн сонгуулийн хорооноос Нийслэлийн ИТХ-ын 2016 оны ээлжит сонгуульд оролцох нам эвслээс нэр дэвшигчдийг танилцууллаа. Тодруулбал, Нийслэлийн ИТХ-ын сонгуульд оролцохоор