Авлигатай тэмцэх газраас Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд заасан чиг үүргийг хэрэгжүүлж нийтийн албанд томилогдох, нэр дэвшүүлэх болон томилгоотой холбоотой шийдвэрт ашиг сонирхлын зөрчил үүсч байгаа эсэхийг хянан шалгахад зарим байгууллагуудад хууль, тогтоомж зөрчих асуудал гарсаар байна.
Тухайлбал Гааль, татварын ерөнхий газрын харъяа Замын-Үүд дэх Гаалийн газарт сүүлийн 3 жилийн хугацаанд хийгдсэн томилгоотой холбоотой судалгаанаас үзэхэд тус газарт 2015 онд 81 гаалийн байцаагчийг сэлгэн томилохдоо тэдгээрийн хувийн ашиг сонирхлын урьдчилсан мэдүүлгийг хянуулаагүй, мөн тухайн албан тушаалд томилсны дараа мэдүүлгийг хянуулахаар ирүүлсэн, ажлын байрны тодорхойлолт, хуульд заасан шаардлага хангаагүй байцаагч нарыг томилсон нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг зөрчсөн байна.
Мөн тухайн байгууллагын удирдлага өөрчлөгдөх бүрт байцаагч нарыг сэлгэн болон шилжүүлэн томилж байгаа нь төрийн жинхэнэ албан тушаалтныг хувь хүний үзэмж болоод улс төр, намын харъяаллыг харгалзан томилдог, түүнчлэн гаалийн улсын байцаагч нарын дунд Замын-Үүд дэх Гаалийн газарт ажиллах хүсэл, сонирхол их байдаг ч сэлгэн болон шилжүүлэн томилохдоо хуульд заасан шаардлага, шалгуур үзүүлэлт, тухайн нутаг дэвсгэрт хэдэн удаа томилогдсон зэрэг нөхцөл байдлыг харгалзан үзэхгүй байгаа нь Төрийн албаны тухай хууль, Гаалийн тухай хуулийн 274 дүгээр зүйлийн 274.3 дахь хэсэгт заасан “Гаалийн улсын байцаагчийг гаалийн газар, хороодод 2 жил хүртэл хугацаагаар сэлгэн ажиллуулж болно” гэснийг зөрчсөн байна.
Иймд Гааль, татварын ерөнхий газрын даргад байгууллагынхаа хэмжээнд боловсон хүчин, хүний нөөц, томилгооны асуудлыг хууль тогтоомжид нийцүүлэх, цаашлаад ашиг сонирхлын зөрчлөөс урьдчилан сэргийлэх чиглэлээр тодорхой арга хэмжээ авч ажиллах талаар албан бичгийг хүргүүлээд байна.
Нийслэлийн Иргэдийн төлөөлөгчдийн хүндэтгэлийн хаалтын хуралдаан Хангарьд ордонд болж байна. Хуралдаанд үе үеийн НИТХ-ын дарга нар оролцож байгаа юм. Мөн төлөөлөгчид, дүүргүүдийн Засаг дарга нар оролцож байна. Нийслэлийн Сонгуулийн хорооноос өчигдөр нийслэлийн 2016 оны ээлжит сонгуульд нэр дэвшигчдийг зарласан. Үүнтэй холбоотойгоор НИТХ ийнхүү сүүлийн хуралдаанаа хийж байгаа юм. Хуралдаанд НИТХ-ын дарга Д.Баттулга өнгөрсөн дөрвөн жилд хийж, хэрэгжүүлсэн ажлаа танилцуулж байгаа бөгөөд дараа нь төлөөлөгчид хамтдаа дурсгалын зураг татуулах юм.
Олон Улсын хүүхдийн “Найрамдал” төвийн зуны ээлжинд амрахаар захиалга өгсөн хүүхэд, багачуудын эрхийн бичгийг олгож эхэлжээ. Тус төв зуны нэгдүгээр ээлжийн амрагчдаа зургадугаар сарын 2-нд хүлээж авах аж.
УИХ-ын чуулганы нэгдсэн хуралдаан өнөөдөр 09.00 цагт зарласан байсан ч УИХ-ын гишүүн Ц.Баярсайхан 09.00 цагт ирж, ирцээ бүртгүүлсэн бол УИХ-ын дарга З.Энхболд 08.40 цагт ирсэн байна. Бусад гишүүд 09.00 цагаас хойш ирж, ирцээ бүртгүүлсэн байна. Ингээд гишүүд ирэхгүй байсаар 11.30 цагийн орчимд эхэлсэн юм.
Монгол Ардын нам Бага хурлаа ирэх бямба гаригт хийхээр товлож байсан. Тэгвэл тодорхойгүй шалтгаанаар хойшилсон байна. Намууд энэ сарын 20-23-ны хооронд нэр дэвшигчээ тодруулах ёстой. МАН нэр дэвшигчээ тодруулсны дараа буюу ирэх долоо хоногт хуралдахаар болсон бололтой. 
“ЦАГДАА-95” тэмцээн өнөөдөр эхэллээ. Уг тэмцээн нь цагдаагийн байгууллагын түүхт 95 жилийн ойн босгон дээр төв орон нутгийн цагдаагийн алба хаагчдын дунд албаны бэлтгэл, бие бялдар, тэсвэр хатуужил, мэдлэг боловсрол, мэргэжлийн ур чадварын түвшинг шалгаж, шилдэг тэргүүний алба хаагчдыг шалгаруулах зорилготой юм байна. Тэмцээнд төв орон нутгийн газар хэлтсийн шилдэг алба хаагч нарын төлөөллүүд оролцож байгаа аж. Тэмцээн гурван өдөр үргэлжилж даваа гаригт дүнгээ гаргах юм.
Ардчилсан намын Үндэсний зөвлөлдөх хороо тавдугаар сарын 28-наас урьтаж хуралдахаар болжээ. Сонгуулийн тухай хуульд зааснаар улс төрийн нам, эвслүүд УИХ-ын сонгуульд өрсөлдөх нэр дэвшигчдээ тавдугаар сарын 28-нд тодруулж, Сонгуулийн ерөнхий хороонд нэрийг нь өргөн мэдүүлэх ёстой учраас тус нам тавдугаар сарын 26, 27-ны аль нэг өдөрт Үндэсний зөвлөлдөх хорооны хуралдааныг зарлахаар төлөвлөж буй аж.
“Монгол наадам цогцолбор” Орон нутгийн өмчит төсөвт үйлдвэрийн газраас санаачлан Сонгинохайрхан дүүргийн Засаг даргын Тамгын газартай хамтран Монголын үндэсний хэв маяг, үндэсний ёс заншил, үндэсний наадмаа сурталчлах зорилгоор олон улсын хүүхдийн эрхийг хамгаалах өдөр буюу 06 сарын 01-нд “Монгол хүү” арга хэмжээг Хүй мандлын дэнж дээр зохион байгуулах гэж байна. Тус үйл ажиллагаа нь энэ жил анх удаа болох бөгөөд цаашид жил бүр уламжлал болгон зохион байгуулах юм. Хүүхэд багачууд баярын өдрөө 11 цагаас 19 цаг хүртэл эрүүл агаарт, зориулалтын талбайд тэмдэглэн уралдаан тэмцээнд оролцож, “Авьяас” хүүхдийн ордны 250 хүүхдийн урлагийн тоглолтыг үзэж нэг өдрийг хөгжилтэй өнгөрөөх боломжтой.
“Эрдэнэс Таван толгой”
Монгол Улсын Ерөнхийлөгч Ц.Элбэгдорж уулзалтын үеэр хэлсэн үгэндээ:
Уулзалтад оролцсон иргэдийн зүгээс өөрсдийн амьдралд тохиолдож буй бэрхшээлтэй асуудлуудаар асуулт асуун хариулт авлаа. Голлон яригдаж буй асуудал гэвэл, төрөөс монголд суралцаж буй оюутнуудад автобусны виза карт, сар бүр 70 мянган төгрөгийн тэтгэлэг гэх мэтээр олон дэмжлэг, хөнгөлөлт үзүүлдэг. Харин харьд суралцагч бидний хувьд төрөөс ямар ч дэмжлэг ирдэггүй. Тиймээс 70 мянгын тэтгэлгийн үнийн дүнтэй тэнцэх онгоцны тийзний хөнгөлөлтийг оюутнуудад хүртээх боломж бий эсэх талаар мөн БНСУ-д Засгийн газрын тэтгэлгээр суралцах оюутны тоог нэмэгдүүлэх асуудлыг оюутнуудын зүгээс тавьж байсан.