М.Гандигийн гудамжны авто замын шинэчлэлтийн ажлын хүрээнд тус замын хойд урсгалыг “Home plaza” дэлгүүрийн уулзвараас баруун чигт аюулгүйн тойрог хүртэлх зорчих хэсгийн хөдөлгөөнийг 05 сарын 24-ний 00:00 цагаас 05 сарын 29-ний 23:00 цаг хүртэл, замын урд хэсэгт аюулгүйн тойргоос зүүн чигт “Home plaza” дэлгүүр хүртэл 05 сарын 31-ний 00:00 цагаас 06 сарын 05-ны 23:00 цагийн хооронд хааж хязгаарлахтай холбогдуулан нийтийн тээврийн үйлчилгээний Ч:10 “Ганц худаг-Сансар-Мишээл экспо төв”, Ч:32 “Улиастай-Баянмонгол хороолол-ТЭЦ3”, Ч:44 ”Нарангийн гол-ТЭЦ3-Дүнжингарав худалдааны төв” чиглэлүүдийн замнал дараах байдлаар өөрчлөгдөнө. Зам засварын ажлын үеэр Ч:10, Ч:32, Ч:44 чиглэлийн автобусууд 1 талдаа Нийслэлийн гудамжаар явж үйлчилнэ.
Мөн Хүннүгийн гудамж Баянмонгол хорооллын урд талын авто замын шинэчлэлтийн ажлын хүрээнд “Home plaza” дэлгүүрийн зүүн уулзвараас Дүнжингарав худалдааны төвийн уулзвар хүртэлх авто замын урд урсгалын хөдөлгөөнийг 05 сарын 23-ны 23:00 цагаас 05 сарын 29-ний 23:00 цаг хүртэл бүрэн хааж хязгаарлахтай холбогдуулан нийтийн тээврийн үйлчилгээний Ч:10 “Ганц худаг-Сансар-Мишээл экспо төв”, Ч:28 “Сэлх-7 буудал-Ривер гарден хотхон”, Ч:32 “Улиастай-Баянмонгол хороолол-ТЭЦ3”, Ч:44 ”Нарангийн гол-ТЭЦ3-Дүнжингарав худалдааны төв” чиглэлүүдийн замнал дараах байдлаар өөрчлөгдөнө.
Зам засварын ажлын үеэр Ч:10, Ч:32, Ч:44 чиглэлийн автобусууд Дүнжингарав худалдааны төвийн уулзвараас 120 мянгатын уулзвар хүртэл Нийслэлийн гудамжаар явж үндсэн маршрутандаа орно.
Харин Ч:28 чиглэлийн автобусууд хот руу явах чиглэлдээ Хүннүгийн гудамжаар явахгүй тул Баянмонгол, Сүмбэр орд хорооллын иргэд бусад чиглэлийн автобусаар үйлчлүүлэхийг мэдэгдэж байна.
“Хааны эрэлд-2016” олон улсын энхийг дэмжих ажиллагааны хээрийн сургалт, дадлагын нээлтийн ажиллагааны дараа Монгол Улсын Ерөнхийлөгч, Зэвсэгт хүчний Ерөнхий командлагч Ц.Элбэгдорж Номхон далай дахь АНУ-ын цэргийн командлагч Харри Бинклей Харрисыг хүлээн авч уулзлаа.
Өнгөрсөн амралтын өдрүүдэд “Алтанбулаг экспо 2016” болж өнгөрлөө. “Алтанбулаг экспо 2016”-г УИХ-ын гишүүн, Аж үйлдвэрийн сайд Д.Эрдэнэбат нээж хэлсэн үгэндээ “Гурван улсын 100 гаруй аж ахуйн нэгж Алтанбулагийн чөлөөт бүсэд үйл ажиллагаа эрхлэхээр бүртгүүлснээс 10 гаруй нь үйл ажиллагаагаа эхлүүлээд байна. Цайны замын гол зангилаа болж байсан эртний түүхтэй энэ газарт чөлөөт бүсийг бүрэн хөгжүүлэх боломжтой гэж харж байна” гэж онцлон тэмдэглэв.
УИХ дахь Ардчилсан намын бүлгийн хурал хойшиллоо. Хурал хойшилсон шалтгааныг ирц хангалттай бүрдээгүйтэй холбоотой гэж тайлбарлаж байна. Иймээс уг хуралдааныг 14.00 цагт дахин товложээ.
УИХ дахь Ардчилсан намын бүлэг Төрийн ордны “А” танхимд, УИХ дахь МАН-ын бүлэг “Б” танхимд ээлжтит хуралдаанаа хийж байна. Уг хуралдаанаар энэ долоо хоногт байнгын хороо, чуулганы нэгдсэн хуралдаанаар хэлэлцэхээр төлөвлөсөн асуудлыг хэлэлцэж байгаа аж. Үүнд Санхүүгийн зохицуулах хорооны гишүүнд нэр дэвшүүлэх болон Төрийн байгуулалтын байнгын хорооны даргыг чөлөөлөх асуудал багтаж буй юм.
Архангай аймгийн Цэцэрлэг сум-Тосонцэнгэл чиглэлийн улсын чанартай авто замд байрлах Тэрхийн голын төмөр бетон гүүрэнд гэнэтийн эвдрэл гарсан байна. Үүнтэй холбогдуулан Зам, тээврийн сайдын тушаалаар 2016 оны тавдугаар сарын 19-ний өдрөөс эхлэн тодорхойгүй хугацаагаар тус гүүрээр зорчих тээврийн хэрэгслийн бодит жинг 18 тонноос ихгүй байлгах хязгаарлалтыг хийлээ.
Хөгжмийн ертөнцийн томоохон наадмуудын нэг “Billboard Music Awards-2015” Лас Вегас хотноо өчигдөр боллоо. Хөгжмийн ертөнцөд од болон гялалзаж буй алдартнууд дэгжин, чамин хувцаслалтаараа улаан хивсний ёслолыг чимж, өнгөрсөн хугацаанд хийсэн уран бүтээлээ үнэлүүлсэн байна. 
Улаанбаатар хотын дулааны төв шугамд энэ зун хийгдэх нягтын шахалт болон засварын ажлын хуваарийн дагуу өнөөдрөөс буюу энэ сарын 23-наас зургаадугаар сарын 6-н хүртэл Соёлж, ЗЦГ, Шинэ үе сургууль, Оюутны хотхон, 13-р хороолол, Бөхийн өргөө, СЭЗДС, Сайд нарын 2-р эмнэлэг, 15-р хороолол, Кино үйлдвэр, БЗД, ЭКО хотхон орчмын халуун усыг хязгаарлах юм байна.
Долларын ханш өнгөрсөн дөрөвдүгээр сард 1980 төгрөгтэй тэнцсэн бол тавдугаар сараас өссөөр 2024 төгрөгт хүрсэн. Тэгвэл өнгөрсөн долоо хоногоос долларын ханш буцаад доошилж байна. Хар зах буюу “Найман шарга” зах дээр нэг ам. Долларыг 2001 төгрөгөөр авч, 2004 төгрөгөөр зарж байна. Харин арилжааны банкууд нэг ам.долларыг 1992-1998 төгрөгөөр авч, 2007-2012 төгрөгөөр зарж байна.
Төв аймгийн Алтанбулаг сумын нутаг дэвсгэр Булгийн тохой гэх газраас олдсон шатсан цогцосны талаар цагдаагийн байгууллагаас өнөөдөр 12.00 цагт мэдээлэл хийхээр болжээ.