Month: May 2016

“Өдрийн сонин”-ыг цахимаар уншихын тулд дараахь алхмуудыг хийнэ.

Эхлээд www.admin.dnn.mn гэсэн вэб сайт руу орж, “ЦАХИМ ӨДРИЙН СОНИН” гэсэн булан дээр дарна. Үүний дараа НЭВТРЭХ гэсэн хэсэг гарч ирэх бөгөөд хэрэглэгчийн нэр, нууц үгээ оруулаад нэвтэрнэ.

Ингээд нэвтэрч орсныхоо дараа “Таны захиалсан дугаарууд” гэсэн булан руу ороод л хүссэн дугаараа унших боломжтой.

ХЭРЭВ ГАР УТАС ЮМУУ ТАБЛЕТ, iPAD ДЭЭР УНШИХ БОЛ ЯАХ ВЭ?

Ингэхийн тулд IOS, Google play store-оос “ӨДРИЙН СОНИН” гэсэн аппликэйшнийг заавал татаж суулгана.

Аппликэйшний СОНИН УНШИХ гэсэн булан руу орж хэрэглэгчийн нэр, нууц үгээрээ нэвтэрнэ.

Тэгээд “Таны захиалсан дугаарууд” гэсэн булангаас тухайн өдрийн дугаараа татаж авна. Дугаарыг download хийж дуусмагц “Татсан сонингууд” булан руу ороорой.

Төлбөрөө төлөх хялбар боломжоос дор санал болгож байна

1. Дээрх тайлбарласан зааврын дагуу нэвтэрч орохоор “Сонин захиалах” гэсэн хэсэг бий. Түүн дээр дарж Голомт, Худалдаа хөгжлийн банк, Хаан банкны аль нэгээр картын гүйлгээ хийгээд л шууд захиалан авч болно.

2. “Өдрийн сонин”-ы 1102028377 (Хүлээн авагчийн нэр: ӨДРИЙН МЭДЭЭ ХХК гэж бичих) гэсэн Голомт банкны данс руу төлбөрөө шилжүүлээд захиалан авч болно. (Ингэхдээ төлбөр төлсөн баримт дээрээ хэрэглэгчийн мэйл хаяг, утасны дугаараа заавал бичих бөгөөд udriinsonin@admin.dnn.mn мэйл рүү баримтаа илгээнэ. Эсвэл 70134164 дугаар руу факсдаж болно)

3. Сонины редакци дээр өөрийн биеэр ирж төлбөрөө тушаан шууд захиалан авч болно.

Илүү дэлгэрэнгүй мэдээлэл, зааврыг 88071920, 88085029, 80881800 дугаараас лавлаарай.

“ӨДРИЙН СОНИН” ӨГЛӨӨ БҮР ТАНТАЙ ХАМТ

Өнгөрсөн оны аравдугаар сарын 30-ны өдөр Чингэлтэй дүүргийн нутаг дэвсгэрт байрлах өөрийн гэртээ иргэн Б нь өөрийн төрсөн эх 54 настай А-г хайчаар 45 удаа хатган, онц харгис хэрцгий аргаар алсан хэрэгт Чингэлтэй дүүргийн прокурорын газраас яллах дүгнэлт үйлдэж шүүхэд шилжүүлсэн.

Баянзүрх, Сүхбаатар, Чингэлтэй дүүргийн анхан шатны шүүх хянан хэлэлцээд, Б-г онц харгис хэрцгий аргаар хүнийг санаатай алсан гэмт хэрэг үйлдсэн гэм буруутайд тооцож, Монгол Улсын Эрүүгийн хуулийн 91 дүгээр зүйлийн 91.2.12-т зааснаар 18 жилийн хугацаагаар хорих ялаар шийтгэж, ялыг чанга дэглэмтэй эмэгтэйчүүдийн хорих ангид эдлүүлэхээр шийдвэрлэсэн байна.

Хэрэглэгч үйлчилгээ авч байгаа үүрэн телефоны оператор компаниа солих тохиолдолд ашиглаж байгаа дугаараа өөрчлөхгүйгээр үргэлжлүүлэн ашиглах боломжийг олгодог “Дугаартайгаа шилжих үйлчилгээ”-г нэвтрүүлэх зорилгоор үйлчилгээний нэгдсэн төв байгуулах, ашиглалт, үйлчилгээг нь хэрэгжүүлэхэд Харилцаа холбооны зохицуулах хорооны дүрмийг шинэчлэх шаардлагатай болсон тул уг дүрмийг шинэчлэн баталлаа.

Дугаартайгаа шилжих үйлчилгээний төвийг одоо ажиллаж байгаа радио давтамжийн хяналт, зохицуулалтын төвийн суурь дээр өөрчлөн байгуулж, дугаартайгаа шилжих үйлчилгээ, радио долгионы хяналт, контентийн зохицуулалт, радио, телевизийн өргөн нэвтрүүлгийн хяналт, мониторингийн үйл ажиллагааг нэгтгэн зохион байгуулахаар дүрэмд тусгасан байна. Дугаартайгаа шилжих үйлчилгээг эрхлэх нэгдсэн төвийг байгуулахад улсын төсвөөс хөрөнгө зардал гарахгүй, Харилцаа холбооны зохицуулах хороо өөрийн дотоод зардлаас зохицуулан ажиллах юм.

Энэ онд улаан бурханы өвчлөл залуусын дунд нэмэгдсэнтэй холбоотойгоор Засгийн газраас нэмэлт хөрөнгө гаргаж 18-30 насны залууст нэмэлт вакцин хийж эхэлсэн. Нэмэлт дархлаажуулалт энэ сарын 12-ны өдрөөс эхэлсэн бөгөөд өнөөдрийн байдлаар вакцинд хамрагдах ёстой залуусын 74 хувь нь буюу 466 мянган иргэн хамрагджээ.

Нэмэлт дархлаажуулалтад хамрагдаж буй залуусын оролцоог харвал аймгуудаас Өмнөговь аймгийн залуусын 96 хувь нь вакцинаа хийлгэжээ. Харин Завхан, Сүхбаатар аймгийн иргэдийн идэвх муу байна.

Нийслэлд вакцинд хамрагдах ёстой нийт залуусын 50 хувь нь амьдарч байгаа. Тодруулбал, албан ёсоор оршин сууж буй 306 мянган залуу, түүнчлэн хөдөө орон нутгаас ирж суралцаж буй харьяаллын бус 70 мянган иргэн вакцинд хамрагдах ёстой аж. Харин өнөөдрийн байдлаар нийслэлийн хэмжээнд нийт залуусын 76 хувь нь хамрагдсан байгаа юм. Тиймээс нийслэлд улаан бурханы эсрэг нэмэлт дархлаажуулалтын хугацааг ирэх зургаадугаар сарын 1 хүртэл сунгажээ.

Нэмж мэдээлэхэд, улаан бурханы эсрэг нэмэлт дархлаажуулалтыг 640 түр цэг, 130 байнгын цэг, 100 гаруй явуулын цэгээр дамжуулан хийж байна. Дүүргийн болон өрхийн эрүүл мэндийн төвүүдэд байнгын цэг ажиллаж байгаа бол их, дээд сургууль, албан байгууллага, худалдааны төв гэх мэт газруудад түр цэг ажиллаж байгаа аж. Харин нийслэлийн алслагдсан хороод болон хөгжлийн бэрхшээлтэй иргэдэд хүрч вакцин хийхээр явуулын баг ажиллаж буй юм.

Төв аймгийн Алтанбулаг сумын Булгийн тохой буюу Шувуун фабрик орчмоос өнгөрсөн дөрөвдүгээр сарын 28-ны өдөр үл таних хүний шатсан цогцос олдсон. Хэргийг Төв аймгийн Цагдаагийн хэлтэс болон УМБГ-ын Онц хүнд гэмт хэрэгтэй тэмцэх хэлтэс хамтран шалгасан. Шүүх шинжилгээний хүрээлэнгийн шинжилгээний хариугаар талийгаач бусдын гарт амь насаа алдсан нь тогтоогдсон. Гэмт хэрэгтнүүд талийгаачийн амь насыг хөнөөсний дараа шатаасан гэдгийг ч тогтоосон юм. Цогцос хэн болох нь танигдахгүй болтлоо шатсан байсан гэнэ. Иймд таниулах ажиллагаа хийгдсэн байна.

Түүнчлэн Хан-Уул дүүргийн XIII хорооны нэгэн оршин суугч цогцсын талаар цагдаагийнханд анх мэдээлэл өгсөн бөгөөд тэрбээр “Өнгөрсөн дөрөвдүгээр сарын 16-нд зүүн гар нь байхгүй, шатсан байдалтай цогцос байхыг харсан” гэж мэдүүлсэн билээ. Хэргийн хохирогчтой ижил төстэй шинж тэмдэгтэй, сураггүй алга болсон хүний мэдээллийг цагдаагийн байгууллага шалгасан байна. Гэвч тодорхой мэдээлэл олдоогүй. Талийгаач амь насаа алдаад хоёр сар гаруй хугацаа өнгөрөөд байхад ар гэрийнхэн нь цагдаагийн байгууллагад мэдэгдэж эрэл сурал болохгүй байсан тул ойр дотнын хүмүүс нь хөнөөсөн байж магадгүй гэх таамаг дэвшүүлсэн байна. Хэргийг шалгаж байгаа цагдаа нар цогцсыг “40 орчим насны, эрэгтэй, үүдэн шүд бүрэн, уруул дээр болон доор оочин сахалтай, 168 см өндөртэй. Биеийн ихэнх хэсэг нь шатаж, зарим хэсэг нь алга болсон байдалтай олдсон. Мөн дээд эрүүндээ 11 ширхэг шүдтэй, зүүн 1-3 дугаар их араа хуучин байхгүй, шүдний эгнээ жигд бус гурвалжин хэлбэртэй. Их араа байхгүй зэрэг содон шинж тэмдэгтэй” гэсэн юм. Хэргийн газраас, хар өнгийн босоо судалтай дотуур өмд, цамцны мэт тасархай, “MON­TANA” гэсэн бичигтэй жинсэн өмднийх байх боломжтой нэг ширхэг товч мэт зүйл, ажлын гутал байх боломжтой гутлын төмөр хоншоор, гутлын улны металл хамгаалалт, гутлын үдээсний гогцоо мэт 13 ширхэг төмөр зүйлс олдсон байна.

Цагдаа нар талийгаач хэн болохыг тогтоохын тулд шүдгүй, содон хүмүүсийг эхний ээлжинд хайж эхэлсэн байна. Ингээд Чингэлтэй дүүргийн иргэн 53 настай Б болохыг тогтоожээ. Гэрийнх нь ойролцоо амьдардаг иргэд талийгаачийг гурван сараас хойш огт харагдахгүй байгаа гэх мэдээллийг цагдаа нарт өгчээ. Дээрх сэжүүрийн дагуу шалгаж, 53 настай Б-г түүний хоёр хүүхэд 1987 онд төрсөн Н, 1989 онд төрсөн Б нар бүлэглэн хөнөөсөн болохыг илрүүлжээ. Юуны учир аавынхаа амь насыг хөнөөх болсон талаар мэдүүлэг авсан гэнэ. Анхан шатны мэдүүлгээр “Аав архи байнга уудаг. Архи уух болгондоо агсам согтуу тавьж, гэрийнхнээ зоддог. Хэрэг гардаг өдөр мөн л архи уугаад согтуу ирсэн. Ээжийг зодчихсон байхаар нь уурлаад хутгалчихсан юм. Нэг мэдсэн аав амьсгал хураачихсан байсан. Ингээд бид хоёр нийлж байгаад цогцсыг нь шатаагаад Шувуун фабрикт машинаар аваачиж хаясан” гэх утга бүхий мэдүүлэг өгсөн гэнэ. Мөн дээрх хэрэгтэй холбогдуулан талийгаачийн эхнэрийг цагдан хорьж шалгаж байгаа аж. Гэмт хэрэгтнүүд гэр бүлтэй, эхнэр хүүхэдтэй, тогтсон ажил хийдэг байжээ.

Түүнчлэн шатсан цогцсыг гуравдугаар сарын 17-ны өдөр иргэн Г харсан ч цагдаагийн байгууллагад мэдэгдээгүй аж. Тиймээс иргэн Г нарыг Эрүүгийн хуулийн тусгай ангийн 246 дугаар заалтын дагуу гэмт хэргийг үл мэдээлэх гэсэн үндэслэлээр шалгаж эхэлснийг мөрдөн байцаагч хэлэв. Тиймээс иргэд та бүхэн гэмт хэргийн талаар сонссон, харсан бол цагдаагийн байгууллагад яаралтай мэдэгдэх шаардлагатай. Энэ нь гэмт этгээдийг дахин гэмт хэрэг үйлдэх, оргон зайлахаас урьдчилан сэргийлэн, хэргийг шуурхай илрүүлэхэд тус нэмэр болно гэдгийг Мөрдөн байцаах газрын онц хүнд гэмт хэрэгтэй тэмцэх хэлтсийн ахлах мөрдөн байцаагч, ахмад Б.Эрдэнэбат онцолж байлаа.

Э.Баатар