“Өдрийн сонин”-ы лхагва гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Дорноговь аймгийн Өргөн суманд “Монцемент” үйлдвэр ашиглалтад цемент болон чулуунцар үйлдвэрлэж эхлээд байгаа. Тус үйлдвэр Монголдоо анх удаа хаягдал дулаанаас эрчим хүч үйлдвэрлэх гэж байгаа юм байна. Энэ талаар “Монполимет” үйлдвэрийн зөвлөх, Аж үйлдвэрийн гавьяат ажилтан Ц.Гарамжавтай хийсэн ярилцлагыг өнөөдрийн дугаарынхаа тэргүүн нүүрт онцоллоо. Ярилцлагыг нэг, зургадугаар нүүрээс уншина уу.
Саяхан Эрүүл мэнд, спортын сайдаар томилогдсон С.Ламбаатай хийсэн ярилцлагыг өнөөдрийн дугаартаа мөн онцоллоо. “Сарын хугацаанд ямар ч ажлыг амжуулж болно” хэмээн тэрбээр хэлж буй. С.Ламбаа сайдын ярилцлагыг нэг, хоёрдугаар нүүрээс унших боломжтой.
“Өдрийн сонин”-ы нийтлэлийн бодлогыг тодорхойлж байдаг, нийгмийн үэзл санааны хамгийн том талбар, алдарт гуравдугаар нүүрт Төрийн шагналт, нэрт нийтлэлч Баабарын нийтлэлийн булан хэвлэгдэж гарлаа. Энэ удаа “Шижээ, Бадрах нарын бүлэг”-ийг “Баабар ингэж өгүүлэв” булангаас уншаарай.
Туркийн Истанбул хотноо Дэлхийн хүмүүнлэгийн дээд хэмжээний анхдугаар уулзалт эхлээд байна. Энэхүү уулзалтыг Турк болон НҮБ хамтран зохион байгуулж байгаа юм. Хүмүүнлэгийн дээд хэмжээний уулзалтад 150 гаруй орны 6000 гаруй төлөөлөгч оролцож байна. Манай тусгай сурвалжлагч Д.Даваасүрэнгийн Турк улсаас ирүүлсэн сурвалжлагыг дөрөвдүгээр нүүрээс унших боломжтой. Мөн Дорноговь аймгийн Засаг дарга П.Ганхуягийн “Шүүхэд хандаж нэр төрөө сэргээлгэнэ”, Гадаад хэргийн сайд Л.Пүрэвсүрэнгийн “Солонгосын талтай визний хөнгөлөлтүүдийг цаашид эдлүүлнэ гэж тохирсон” тодруулга зэргийг улс төрийн мэдээллийн буланд нийтэллээ.
Түүнчлэн дархан, сийлбэрчин Т.Мямарчулууны “Нэг га газрын өвсийг гурван литр бензинээр хадна” ярилцлага, СЭЗДС-ийн зөвлөх, эдийн засагч Ж.Дэлгэрсайханы “Эдийн засгийг уул уурхай, хөдөө аж ахуй л чирч байна” ярилцлагуудыг өнөөдрийн дугаараас сонирхоно уу.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
Нийслэлийн хүүхэд, гэр бүлийн хөгжлийн газраас өнөөдөр Хүүхдийн зуслангийн стандарт болон энэ зун үйл ажиллагаа явуулах зуслангийн талаар мэдээллээ.
Өнөөдрийн гадаад валютын дуудлага худалдаагаар банкууд 1991.00-1996.15 төгрөгийн ханшаар 2.1 сая ам.доллар худалдан авах, 303.10 төгрөгийн ханшаар 1.5 сая юань худалдан авах, 305.58 төгрөгийн ханшаар 0.6 сая юань худалдах санал тус, тус ирүүлжээ.
Шүүхийн ерөнхий зөвлөлийн гишүүдийн бүрэн эрхийн хугацаа дуусгавар болсонтой холбогдуулан шат шатны шүүхүүд болон Хууль зүйн яамнаас шинэ гишүүдийн нэрсийг МУ-ын Ерөнхийлөгчид өргөн барьжээ.
БСШУЯ-наас хэрэгжүүлж байгаа дээд боловсролын шинэчлэлийн төсөл”-ийн Тэгш хүртээмжтэй байдал бүрэлдэхүүн хэсгийн хүрээнд оюутны санаачилгыг дэмжих өрсөлдөөнт тэтгэлгийг байгалийн ухаан, инженер технологи, хөдөө аж ахуй чиглэлээр бакалаврын хөтөлбөрт суралцаж оюутнуудын дунд зарласан.
Төслийн тэтгэлэг горилох оюутнууд Нийгмийн хөгжилд хувь нэмэр оруулах; Оюутны суралцах орчныг сайжруулах; Оюутны клубын үйл ажиллагааг идэвхжүүлэх; Дотуур байрны орчныг сайжруулах; Оюутанд үзүүлэх үйлчилгээг сайжруулах; Хөдөлмөр эрхлэлтийг дэмжих; Хөгжлийн бэрхшээлтэй оюутанд үзүүлэх үйлчилгээг сайжруулах гэсэн найман үндсэн чиглэлээр төсөл бичиж оролцлоо.
Боловсрол, соёл, шинжлэх ухааны Сайд Л.Гантөмөр өнөөдөр шалгарсан 117 төсөлд 340 сая төгрөгийн санхүүжилттэй тэтгэлгийн батламжийг гардууллаа. Энэ үеэр салбарын сайд “ Сайн оюутан хөтөлбөр хэрэгжиж эхлээд байна. Энэ нь сургалтын төлбөрийн дарамтнаас чөлөөлөгдөхөд чиглэгдэж байгаа. Оюутан болгон сайн суралцахыг бид хүсч байгаа. Сайн суралцах юм бол төлбөрийн дарамтгүйгээр сайн мэргэжилтэн болж сайн ажилтай золгох боломжийн төлөө бид ажиллаж байна. Чаддаг хүн гаргаж ирснээр монгол орон өнөөдрийг хүртэл явж ирсэн уламжлалт эдийн засгийн бүтцийг арилгахад бүх анхаарлаа төвлөрүүлж байгаа гэж ойлгож болно. Бид гарцаа байхгүй мэдлэг бүтээдэг ард түмэн болох ёстой. Бүтээсэн мэдлэгээ 7 тэрбум хүнд санал болгодог ард түмэн болох ёстой. Тэр ард түмний тэргүүн эгнээнд энд сууж байгаа залуучууд байж чадна гэдэгт итгэж байна. Мэдлэг бүтээхийн тулд оюутан байхаасаа бүтээлч баймаар байна. Бүтээлч оюутнуудаа дэмждэг засагтай баймаар байна. 
Тиймээс бид анх удаа 340 орчим сая төгрөгийг оютнуудынхаа санал санаачилгад зориулж гаргаж байгаа юм. Монгол түүхэндээ анх удаа гэж ойлгож болно. Залуучууд өөрсдөө бодсон зүйл бол үнэ мөнхөд удаан үргэлжлэх ёстой. Энэ тэтгэлгийг та бүхэнд өгч байгаа итгэл гэж бодоорой. Итгэл даагаарай. Та нар төслөө сайн хэрэгжүүлэх юм бол дараа үеийн оюутан, та нарын дүү ийм төсөлд хамрагдах боломж гарч ирэх юм. Та нар төслөө унагах юм бол оюутнуудаа итгэлгүй тийм засаг цаашаа үргэлжинэ. Итгэл даана гэдэг нь хариуцлагатай байхын нэр. Энэ арга хэмжээ цаашид хэвшил болж, дараа дараагийн оюутнуудад ийм боломж нээгдэх эсэх нь Та бүхний санаачилсан төсөл хир амжилттай хэрэгжихээс шалтгаална” гэж онцоллоо.
Улсын Их Хурлын дарга З.Энхболд Улсын Их Хурлын чуулганыг түр завсарлуулах тухай 62 тоот захирамжийг 2016 оны 5 дугаар сарын 24-ны өдөр гаргалаа.
Мэдлэг боловсрол, бүтээлч чанар, шинэ санаа, сайн үйлс, авъяас, ур чадварыг хөгжүүлэх, урамшуулан дэмжих зорилгоор үлгэр жишээ, онцгой амжилт гаргасан дотоодын дээд боловсролын сургалтын байгууллагын бакалаврын хөтөлбөрийн өдрийн ангийн оюутан, коллеж, мэргэжлийн сургалт үйлдвэрлэлийн төвийн суралцагчдад Монгол Улсын Ерөнхий сайдын нэрэмжит тэтгэлэг олгох ёслолын арга хэмжээ боллоо. Арга хэмжээнд Ерөнхий сайд Ч.Сайханбилэг, Монгол Улсын сайд, ЗГХЭГ-ын дарга С.Баярцогт, Боловсрол, соёл, шинжлэх ухааны сайд Л.Гантөмөр, ЗГХЭГ-ын дэд дарга Г.Ганболд, Ерөнхий сайдын зөвлөх Б.Ургамалцэцэг нар оролцсон юм. Жил бүр олгогддог Ерөнхий сайдын нэрэмжит тэтгэлгийг энэ онд 32 оюутан гардан авлаа.
Авлигатай тэмцэх газраас Зам тээврийн яамны Авто замын бодлогын хэрэгжилтийг зохицуулах газрын даргаар ажиллаж байсан Р.Ононг нийтийн алба хаших үедээ хууль ёсны орлогоос гадна онц их хэмжээний эд хөрөнгө, орлого олж, хууль бусаар хөрөнгөжсөн гэмт хэрэгт холбогдуулан мөрдөн байцаалтын ажиллагаа явуулж байна. Р.Ононг дээрх хэрэгт Эрүүгийн хуулийн 2701 дүгээр зүйлийн 2701.2-т зааснаар яллагдагчаар татжээ. 
Олон Улсын хүүхдийн эрхийг хамгаалах өдөр тохиох гэж байгаатай холбогдуулан Монголын Үндэсний музей энэ сарын 31, зургаадугаар сарын 1-нд 0-16 насны хүүхэд болон хүүхэдтэйгээ очсон эцэг эхчүүдэд үнэ төлбөргүй үйлчлэх юм байна. Энэ ажлынхаа хүрээнд ЕБС-ийн аравдугаар ангийг сурагчдыг үнэ төлбөргүйгээр музейгээ үзүүлж эхлээд байгаа аж.