“Өдрийн сонин”-ы шинэ долоо хоногийн эхний дугаар хэвлэгдэж гарлаа. Манай өнөөдрийн дугаарыг шуудангийн бүх салбар, сонин түгээх цэгээс худалдан авч унших боломжтой. Мөн 99112954, 99190570 дугаарт хандан хоёрдугаар улирлын захиалга өгч болохыг юуны өмнө дуулгая. Ингээд энэ өдрийн дугаараас зарим материалыг онцлон тоймлож хүргэе.
Даваа гариг бүр манай сонин “Танайд өнжье” булангаа хүргэдэг уламжлалтай. Энэ удаа хүмүүн заяаны ховорхон хувь тавиланг туулж яваа Д.Энхтөрийнд өнжлөө. Түүний эхнэр Ц.Ундрах дөрвөн удаа төрөхдөө бүгдэд нь ихэрлэсэн, тэднийх найман сайхан хүүхдээ өсгөж, хэнээс ч дутахааргүй яваа халуун энергитэй айл. Д.Энхтөрийн гэрээс сурвалжилсан “Танайд өнжье” буланг нэг, 12, 13 дугаар нүүрээс уншаарай.
Манай өнөөдрийн дугаарт УИХ-ын гишүүн, ИЗНН-ын дарга С.Оюуны ярилцлага хэвлэгдэж гарлаа. Тэрбээр ярилцлагадаа ахынхаа хэргийг илрэх болов уу гэж арван долоон жил залбирч хүлээж сууна гэсэн юм. Мөн АН-ын нэгдэх санал болоод улс төрийн хүрээнд өрнөж буй бусад асуудлын талаар байр сууриа илэрхийллээ. Ярилцлагыг нэг, хоёр, тавдугаар нүүрээс унших боломжтой.
Өнгөрсөн баасан гаригт АН-ын Бодлогын зөвлөлийн Хууль эрхзүйн бүлгэмийн хэлэлцүүлэг дээр өрнөсөн хэлэлцүүлэг асуудлын талаар зургадугаар нүүрт хэвлэлээ. Хэлэлцүүлгийн үеэр АН фракцгүй нам болох шаардлагатай байгаа тухай асуудлыг хөндсөн байна.
“Өдрийн сонин”-ы гуравдугаар нүүр уншигчдадаа шинэ үзэл санаа дэвшүүлж, нийгэмд асуудлыг хүргэж чаддаг алдартай нүүр. Баримт, үзэл бодлын хамгийн том талбар болсон гуравдугаар нүүрт нийтлэлч П.Хашчулууны “Монголын сэтгүүлчид олон баяр тэмдэглэх тусмаа үнэ цэнээ алдана” нийтлэл хэвлэгдлээ.
“Эдийн засаг” буланд ипотекийн таван хувийн хүүтэй зээл өнөө маргаашгүй олгогдож эхлэхэд бэлэн болсон тухай УИХ-ын даргын зөвлөх Г.Байгальмаагийн ярилцлага гарлаа. Найман хувийн зээл авсан хүмүүс таван хувь руу шилжих талаар энэ ярилцлагаас уншиж мэдээлэл аваарай.
“Уран бүтээлч” буланд дуучин Т.Баясгалангийн ярилцлага гарлаа. Тэрбээр гэр бүлийн амьдралдаа анхаарч, уран бүтээлээсээ түр завсарлаад байв. Харин саяхнаас дуучин С.Жавхлантай эргэн дуулж, тэднийг сонсдог фэнүүдээ баярлуулаад авсан. Удахгүй тоглолтоо хийхээр болсон дуучин Т.Баясгалан манай сэтгүүлчийн сонирхолтой асуултуудад хэрхэн хариулав. Ярилцлагыг 15 дугаар нүүрээс уншина уу.
Вашингтон дахь манай тусгай сурвалжлагч М.Саруул- Эрдэнэ “Америкийн монголчууд” буланд нийтлэл сурвалжлагаа хүргэж байна. Алдарт Филаделфийн оркестр Монголд тоглохоор болсон тухай мэдээллийг энэ булангаас авах боломжтой.
Харин “Хүмүүс” буландаа дөрвөн Оскарын эзэн болсон Алехандрогийн тухай сонирхолтой нийтлэлийг хэвлэлээ. Энэ жилийн Оскар түүний уран бүтээлээр амьсгалж байсан гэхэд болно. Түүний тухай 17 дугаар нүүрээс сонирхох биз ээ.
“Гэргий” булангийн шинэ дугаар өнөөдөр хүрч байна. Монгол Улсын соёлын гавьяат зүтгэлтэн, Төрийн шагналт П.Пүрэвсүрэнгийн гэргий Б.Навчаатай хийсэн хөөрөлдөөнийг 23 дугаар нүүрт нийтэллээ.
Эдгээр болон цаг үеийн үйл явдал, өдөр тутмын хэрэгцээт мэдээлэл хуваарьт булангууддаа гарлаа.
“Mongolia open 2016” олон улсын А зэрэглэлийн тэмцээн Буянт-Ухаа спорт ордонд хоёр өдөр болж өндөрлөлөө. 
Баянзүрх дүүргийн төр захиргааны ордонд нийтийн номын сан нээгджээ. Тус дүүргийн хувьд нийслэлийн есөн дүүргээс анх удаагаа нийтийн номын сантай болж байгаа юм. Нээлтийн үеэр Засаг дарга Д.Пүрэвдаваа “иргэдэд илүү нээлттэй байж, тэдэнд оюуны хөрөнгө оруулалт хийх зорилгоор номын сан байгуулахаар шийдсэн. Иймд иргэд та бүхэн нийтийн номын сангаас хууль эрх зүйн акт, эрх бүхий байгууллагаас гарч буй тогтоол, шийдвэр, захирамж болон харьяа хэлтэс албадын үйл ажиллагаандаа мөрддөг хууль, дүрэм, заавар, журмын эмхтгэлтэй танилцах бүрэн боломжтой” гэсэн юм. Мөн зохиолч, яруу найрагч Б.Сарантуяа нээлтэд оролцон өөрийн номын дээжээс Баянзүрх дүүргийн нийтийн номын санд гардуулан өгчээ. Нийтийн номын сан нь 7000 гаруй номтойгоор үйл ажиллагаагаа эхэлж байна. Хууль эрх зүй чиглэлийн 1324, уран зохиолын 500 гаруй, түүхийн чиглэлийн 800 гаруй, гадаад хэл дээр 2000 гаруй номыг тус номын сангаас уншиж, тав тухтай орчинд үйлчлүүлэх боломжийг хангажээ.
Хангайн бүсийн уралдаан Өвөрхангай аймагт өчигдөр эрлийз насны морьдын уралдаанаар эхэлж, өнөөдөр азарга, их нас, соёолонгийн уралдаанаар үргэлжилж байна. Одоогоор азарганы уралдаан барианд орж ирээд байгаа юм.
Монгол орны ихэнх нутгийг хамарсан их цас, хүчтэй шуурганы улмаас Улаанбаатар хотоос гарах бүх чиглэлд болон орон нутгийн тээврийн хэрэгслийн хөдөлгөөнийг хязгаарлаж тодорхойгүй хугацаагаар зогсоогоод байсан.
ОХУ-ын цэргийн сургууль, академид суралцаж байгаа манай сонсогч нар “Монгол цэргийн өдөр”, Зэвсэгт хүчний 95 жилийн ойн хүрээнд эх орон, Зэвсэгт хүчнээ сурталчлахаар болжээ.
Монгол Улсын соёлын гавьяат зүтгэлтэн Р.Ганбатын бүтээлээс хүргэе.
Японы “Toyotа” машиныг мэдэхгүй
Дэлхийн II дайны үед “Toyota