Мозамбикээс Боинг-777 онгоцны сэг байх өндөр магадлалтай сэг олдсоныг Малайзын тээврийн сайд мэдээлжээ. Энэ олдсон сэг нь хоёр жилийн өмнө сураггүй болсон Малайзын “MH370” нислэгийг үйлдэгч Боинг-777 онгоцтой ижил загварынх байгаа юм. Одоогоор Малайзын нисэх хүчний баг Австралийн талтай хамтран сэгийг “MH370” нислэгийнх мөн эсэхийг тодруулахаар ажиллаж байгаа аж.
инжээчид нисэх онгоцны хэсгийн зургийг хүлээн авч “Boeing 777” нисэх онгоцны тогтворжуулагч далбаа болохыг гэрчилсэн тухай ч мэдээлж байна.
2014 оны гуравдугаар сард Куала-Лумпураас Бээжин чиглэн хөөрсөн “Malaysia Airlines” компанийн 239 зорчигчтой нисэх онгоц сураггүй болсон. Өнгөрсөн оны долдугаар сард Реюньон арлаас онгоцны хэсэг олдсон гэж үзэж байсан боловч тогтоогдоогүй билээ. Арванхоёрдугаар сард Австралийн Засгийн газраас эрлийн ажиллагаа явуулж буй Энэтхэгийн далайн өмнөд хэсэгт сүйрсэн байх магадлалтай гэж мэдэгдэж байв.
ХҮН-ын дарга С.Ганбаатарыг дүрмийн бус тогтоол гаргасан, эрх мэдлээ хэтрүүлсэн гэх зэрэг хэд хэдэн үндэслэлтэйгээр намын даргаас нь огцруулж, Б.Найдалааг оронд нь намын даргаар сонгоод байсан.
Монгол Улсын Үндсэн хуулийн цэц Дунд суудлын өчигдрийн хуралдаанаараа Шүүхийн шийдвэр гүйцэтгэх тухай хуулийн зарим заалт Үндсэн хуулийн Арван зургадугаар зүйлийн гурав дахь заалтаар баталгаажсан иргэний хөдлөх, үл хөдлөх хөрөнгө шударгаар олж авах, эзэмших, өмчлөх эрхийг зөрчсөн эсэх тухай маргааныг хянан хэлэлцэв.
Нийслэлийн Баянзүрх дүүргийн нутаг дэвсгэрт 1997 онд үйлдэгдсэн хүн амины онц ноцтой хэргийн эзэн холбогдогчийг Улаанбаатар хотын цагдаагийн газрын Онц хүнд гэмт хэргийг шалгах хэлтсийнхэн илрүүлсэн байна. Тус дүүргийн оршин суугч 32 настай эрэгтэй Э одоогоос 19 жилийн өмнө гэртээ бусдад дөрвөн удаа хутгалуулан амиа алдсан байдалтай байхыг нь олж байжээ. Энэ хэрэгт сэжиглэн 41 настай Б-г өнгөрсөн сарын 29-нд гадаадаас ирэхэд нь баривчилсан байна.
МАХН-ын Зохион байгуулалт, санхүү хариуцсан нарийн бичгийн дарга П.Цогтбаатарыг сайд асан Г.Шийлэгдамбын авлигын хэрэгт холбогдуулан АТГ-аас баривчлан шалгаж эхэлсэн билээ. Г.Шийлэгдамбын намдаа хандивласан гэх мөнгөний талаар МАХН-ын хэд хэдэн эрх бүхий албан тушаалтнаас мэдүүлэг авахад намын дарга Н.Энхбаяр нь П.Цогтбаатарт өгсөн хэмээн мэдүүлсэн. Тэр мөнгийг юунд зарцуулсан гэдгээ П.Цогтбаатар тайлбарлаж чадахгүй байсан тул АТГ-ынхан түүнийг хорьж шалгах болсон юм.
Боловсрол, соёл, шинжлэх ухааны яамнаас малчин түмэндээ туслах “Нэг хүүхэд-нэг нэмнээ”, “Малчин оюутан” аяныг өнөөдрөөс эхлэн 14-21 хоногийн хугацаатай зохион байгуулана. Аяны хүрээнд бод, бог малын нэмнээг малчдад нийлүүлж, оюутнуудыг хөдөө гэртээ очиж, мал төллөлтөд туслах боломжийг бүрдүүлэх аж.
ОБЕГ, Нийслэлийн онцгой байдлын газар, Цагдаагийн ерөнхий газраас “Нарантуул” худалдааны төвд гарсан галын талаар мэдээлэл өглөө. “Нарантуул”-д гарсан галын дуудлагыг 101 тоот утсанд өнөөдөр үүрийн /2016.03.0.3/-ний 03:39 цагт өгсөн байна. Дуудлагын дагуу гал сөнөөгчдийг “Нарантуул”-д очиход гал их хэмжээгээр тархсан байжээ. Галыг унтраахаар ажилласан гал сөнөөгчийн малгай галын нөөлөгт зууван болтлоо хайлсан байна. Галын тархалт их байсан тул онцгой байдлын албаны 100 гаруй албан хаагч, нийслэлд буй гал унтраах ангийн 90 гаруй хувийг дайчлан ажиллуулжээ. Галын тархалтыг өглөөний 04:50 зогсоосон ч 07:00 хүртэл үргэлжлүүлэн ажилласаар бүрэн унтраажээ. Гал гарсан шалтгааныг одоогоор тодорхой хэлэх боломжгүй бөгөөд мэргэжлийн байгууллагууд шалгаж байгаа аж.
Америкийн “Time” сэтгүүл дэлхийн улс орнуудын амьдралын өртгийн талаарх судалгааг гаргажээ. Уг жагсаалтыг тухайн улсын ард иргэдийн худалдан авах чадвар, орон сууцны түрээс, хэрэглээний үнийн индекс, өргөн хэрэглээний барааны үнийн индекс зэргийг АНУ-ын Нью-Йорк хотынхтой харьцуулж гаргадаг аж. Хамгийн өртөг багатай орноос хамгийн өндөр өртөгтэй орныг жагсаасан тус жагсаалтад Монгол Улс Сингапур, Япон улсын дунд 102 дугаарт бичигджээ. Хэрэв уг жагсаалтыг тонгоргож үзвэл манай улс нэг хүнд ногдох ДНБ нь хэдэн зуун ам.доллартай тэнцэх улс орнуудтай эн зэрэгцэж хамгийн өртөг өндөртэй орны аравдугаарт орж байгаа юм байна.
Х.Мөнхбаатар арслан зодог тайлна гэдгээ албан ёсоор мэдэгдэж, улмаар зодог тайлах ёслолыг зориглон хийсэн бол монгол үндэсний бөхөд нэгэн шинэ үзэгдэл бий болох байлаа. Гэвч мань эрийн шийдвэрийг хэн нэгэн болиулчихав уу гэх хардлага нийгэмд байна. Учир нь “Бөхийн спортод цаашид амжилт үзүүлэх боломжгүй боллоо. Одоо надад худлаа барилдах эрх байхгүй хэмээн” 35 настай залуу арслан зодог тайлах юм бол бусад нь юу болох билээ.