Гэр хорооллыг орон сууцаар солихоор нийслэлээс гэр хорооллын иргэдтэй хамтран “Гэр хорооллын дахин төлөвлөлт”-ийн төслийг 2013 оноос хэрэгжүүлж эхэлсэн. Гэвч энэхүү дахин төлөвлөлтөд хамрагдсан иргэд эхнээсээ орох оронгүй болж, хохирсон тухай мэдээлэл зарим хэвлэл мэдээллийн хэрэгслээр цацагджээ. Тухайлбал, Сонгинохайрхан дүүргийн тавдугаар хорооны иргэн Г.Цэрэнбат, Сүхбаатар дүүргийн 11 дүгээр хорооны иргэн Ж.Туул нар барилгын компаниудад хулхидуулж, хүчээр газрыг нь чөлөөлүүлсэн тухай мэдээлэл байлаа. Тэгвэл өнөөдөр энэхүү эрхээ ноцтой зөрчүүлсэн гэх иргэдийн мэдээлэлд нийслэлийн Гэр хорооллын хөгжлийн газар, холбогдох барилгын компаниуд хариу тайлбар, мэдээлэл өглөө. Сонгинохайрхан дүүргийн тавдугаар хорооны иргэн Г.Цэрэнбатын тухайд телевизэд өгсөн ярилцлагыг нь нэр бүхий зарим сайтууд мушгин хөрвүүлэн буулгаж нийтэлсэн гэж иргэн Г.Цэрэнбатын охин тайлбарлалаа.
Зарим сайтын мушгин гуйвуулсан гэх мэдээлэлд Г.Цэрэнбат нь 2013 оны аравдугаар сард “ЖиДи” компанитай гэр хорооллын дахин төлөвлөлтийн төсөлд хамрагдахаар хоёр талт гэрээ байгуулсан. Харин өнгөрсөн намар буюу аравдугаар сард дахин гурван талт гэрээ байгуулж, газраа чөлөөлсөн. Гэвч “ЖиДи” компани өнгөрсөн хоёр жилд нэг ч удаа түрээсийн зардал өгөөгүй, хуучин хашаа байшингийн үүдийг таглаж, цахилгааныг нь тасалсан. Ингээд амьдрах газаргүй болж, гудамжид гарснаас болж хоёр хүүхэд нь нас барсан зэрэг дурдагджээ. Гэвч бодит байдал дээр иргэн Г.Цэрэнбатын газар төслийн эхний ээлжийн барилга угсралтын талбайд ороогүй учир газраа чөлөөлөхийг яаруулаагүй байна. Хэрэв газар чөлөөлсөн тохиолдолд түрээсийн зардлыг иргэн өөрөө хариуцна гэсэн тайлбарыг иргэн Г.Цэрэнбатад хийжээ. Дээрх тайлбарыг иргэн Г.Цэрэнбат зөвшөөрч хоёр талт гэрээ байгуулжээ. Харин цахилгааны тухайд иргэн Г.Цэрэнбат өнгөрсөн аравдугаар сард өөрөө Улаанбаатар цахилгаан түгээх сүлжээд хандаж, цахилгаан ашиглахгүй шалтгаанаар таслуулжээ.
Харин Сүхбаатар дүүргийн 11 дүгээр хороонд оршин суугч Ж.Туулын тухайд “Бэрэн” компани бага үнээр газар үнэлэн худалдах, худалдан авах гэрээ байгуулж, хүчээр газар чөлөөлөхийг шаардсан, орон байрыг нь нураан сүйтгэж, ноцтой хохирол учруулсан гэж мэдээлжээ. Гэвч Ж.Туул нь Сүхбаатар дүүргийн 11 дүгээр хорооны 96 тоот хаягт амьдардаг боловч тухайн байршилд газар, үл хөдлөх эд хөрөнгийн өмчлөх, эзэмших гэрчилгээгүй, хууль ёсны өмчлөгч биш аж.
Нийслэлийн Иргэдийн төлөөлөгчдийн хурлын тогтоолоор батлагдсан гэр хорооллын дахин төлөвлөлтийн 24 байршил 75 хэсэгчилсэн талбайд дахин төлөвлөж, газрыг инженерийн шугам сүлжээтэй холбон орон сууцжуулах зорилготой. Үүнээс одоогоор 22 байршлын 57 хэсэгчилсэн талбайд үндэсний 39 барилгын компани шалгарч, орон сууц барих ажлаа эхлүүлсэн явж байна. Өнөөдрийн байдлаар нийт 1300 өрх барилгын компаниудтай тохиролцон нийт 78.3 га газраа чөлөөлж өгчээ. Харин тус хөтөлбөр хэрэгжиж эхэлснээс хойш 2014 онд 588, 2015 онд 1651 айлын орон сууц ашиглалтад орж, нийт 2239 өрх хашаа байшингаа орон сууцаар сольсон байна. Өнөөдрийн байдлаар 7000 гаруй айлын орон сууцын барилгын ажил эхэлснээс 1040 айлынх нь ирэх зургаадугаар сардаа багтан ашиглалтад орох юм.
Улаанбаатар хотын замын хөдөлгөөний аюулгүй байдлыг хангах үйл ажиллагааг удирдан зохион байгуулах ажлын хэсэг долоо хоног бүрийн мягмар, пүрэв гаригуудад тогтмол хуралдаж, замын хөдөлгөөний нөхцөл байдал, нийтийн тээвэр, зам засвар, шинэчлэлтийн ажлуудын талаар танилцуулга, мэдээлэл хийж, шаардлагатай арга хэмжээг цаг тухай бүрт авч хэрэгжүүлдэг юм. Өнөөдөр болсон ажлын хэсгийн хурлаар хотын гудамж замуудад үүссэн халтиргаа гулгааг арилгах талаар хэлэлцлээ.
Сирид энх тайван тогтоох яриа
Хурдтай тархаж байгаа Зика вирусийн халдварыг дэлхийн хэмжээний аюул хэмээн зарлан онцгой байдлын дэглэм тогтоож буйг Дэлхийн эрүүл мэндийн байгууллагын Ерөнхий захирал Маргарет Чен мэдэгдлээ.
Өнгөрсөн долоо хоногт Москва хотноо ОХУ-ын Буриад улсын “Уряал” соёлын төвийн санаачилгаар “Цагаалган” ёслолын ажиллагаа болж өнгөрчээ.
Ардчилсан намын Гүйцэтгэх зөвлөл өнөөдөр хуралдаж, Иргэний зориг-Ногоон нам болон Монголын үндсэний ардчилсан намуудад нэгдэх санал хүргүүлэхээр шийдвэрлэжээ. Үүний дагуу нэгдэх саналыг Ардчилсан намын Ерөнхий нарийн бичгийн даргын үүрэг гүйцэтгэгч Л.Эрхэмбаяр ИЗНН-ын Ерөнхий нарийн бичгийн дарга Б.Хүдэр-Янд гардуулан өгсөн байна.